Varumi 11:33 - KITABU KITAKATIFU

³³ O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Varumi 11:33 ပူးပေါင်းရင်းမြစ်များ

Esther 2:22

Modekai yamanya amakuva yaga, ma navolera Esiteri umukali wu mwami, naye yamanya navolera umwami aga Modekai yaali nanyooye.

Ayubu 10:13

Navuzwa kalunu manyirizi ligali ndi, ku ing'inga yiyi yoosi, walohiza mu vwivisu kusaliriza.

Ayubu 15:8

Ivi wahuliriza lilohiza lia Nyasaye yaali nalio? Kandi ni ivi weng'ine oveeye novogeri vwo mundu?

Ayubu 23:14

Nyasaye alatwekiza agaamali kondovolera; kandi lilohiza yili liveeye lilala ku manyingi aga aveeye nago.

Ayubu 26:14

Navuzwa, yaga gaveeye litanga vuzwa lie vikolwa vivie vie zinguru, yili ni limonya likekeeke vuzwa lia kuhulira mu makuva geege. Navuzwa, nivwaha unyala kumanya ligali ovonene vwi zinguru zia Nyasaye?

Ayubu 33:13

Kigira ki uyalaa Nyasaye ku livula kutivulira mundu lielilira lilie?

Ayubu 37:19

Ukwigizi chakovoolera Nyasaye; zing'anagani zietu ziveeye vuzwa mu kisundi, sikoveeye nichakovora mba.

Ayubu 37:23

Nyasaye Wuvunyali siaveeye wakunyala kuduukila mba, siakudambizaa mu likalaga lilie lirungi mba.

Ayubu 5:9

Sikunyala kumanyiriza vindu vinene viakolaa, kandi siviveeye nekeheri ku vilolekizu vivie mba.

Ayubu 9:10

Akolaa vindu vinene ligali viu mundu anyala kuvula kumanyiriza kandi yakola vindu vinyingi viokogenyia ivitaveeye nilivaliza.

Zaburi 139:6

Limanya liilio lia umanyi inzi liveeye liu musi ligali, livitaa ligali limanyiriza liange.

Zaburi 145:3

Yahova aveeye munene, kandi uwukwizominywa ligali; ovonene vwivwe vuviti limanyiriza lietu.

Zaburi 36:6

Uvulungi vuvwo voveeye igulu ligali kuli vigulu, likalaga liilio lirungi liveeye kuli ululiva lwi inyanza; ivi ulindaa avandu ni zinyama ziosi.

Zaburi 40:5

O, Yahova Nyasaye wiitu, Ivi wamala kongolera vindu viokogenyia vinyingi; sihaveeyeho nu mulala kuli ivi mba! Viveeye vinyingi ligali ivitanyala kuvalizwa.

Zaburi 77:19

Ivi wangenda kuvitira mu viguvuli via mazi; kandi wambuka luliva lwinyanza, navuzwa zinduvatiru zizio siziali zinyala kololekaa mba.

Zaburi 92:5

O, Yahova, vikolwa vivio viveeye vinene ligali! Zing'anagani zizio ziveeye ziu musi ligali!

Zaburi 97:2

Malesi nikisundi kenene vimukumbirizaa; yamiha nuvulungi kandi ni likalaga liuvulungi.

Tsing'ano 25:2

Kwizominya Nyasaye kuvindu via viswa, kwizominya vami ku vindu viavivaalaa.

Tsing'ano 25:3

Siunyala kumanya zing'anagani ziumwami mba; zing'anagani zizie ziavita zigangani zietu. Zing'anagani zizie ziveeye kuli muvwelofu vwumwigulu, anaho mululiva lwinyanza.

Kohelethu 3:11

Yalomba vindu viosi vilahi mu ing'inga yavio; kandi ya viika limanya lie mihiga ni mihiga muziganagani ziu mundu, navuzwa mundu si yamanyiriza ga Nyasaye yakola kutura mulitanga kuduuka mulimalirika mba.

Kohelethu 7:24

Mundu anyala ndi kumanya kivuni chi livamwoyo. Yaga gaveeye madinyu ku kunyi kandi madinyu kumanyiriza.

Kohelethu 8:17

Kandi si ndaali nyara kumanyiriza kindu cha Nyasaye akolaa mu kivala mba. Kali niiva ndaageriza vudinyu, mundu siyaali unyala kumanya mba. Kali niiva vandu vageri vavoola vamanya, nuvuzwa sivamanyi mba.

Isaya 28:29

Ovogeri yivu vwosi vuturaa ku Yahova Wuvunyali. Ovolohizi vwa Nyasaye voveeye vwokogenyia kandi vogeri vwivwe voveeye vuduukiru ligali.

Isaya 40:28

Munyi mukikiri kuhulira? Kandi mukikiri kumanya? Yahova aveeye Nyasaye wi mihiga ni mihiga; uwalomba ligulu ni lirova. Sialuhaa anoho siakuzaa umwoyo mba. Siaveeye ho mundu umanya zing'anagani zizie mba.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

Varumi 9:23

Yenya kandi kuvuula vukumi vwivwe vunyingi vwaviikwa ku kunyi avakoveeye viju viu vukumi vwivwe, yavo avavetegekiza vanyoore vukumi vwivwe.

1 Vakorintho 2:10

Nyasaye umali kuvulira kunyi agaviswa geege kuvitira mu Roho weve. Roho yenyeleriza vindu viosi kali viaviswa ligali mu luliva lwa Nyasaye.

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vafeso 2:7

Yakola ndio kunangwa aduuki kumanyia mu zing'inga ziosi izizaa, ovonene vwuvutugi vwi zimbavasi zizie muvuyaanzi vwa yamanyia kunyi kuvitira mu Kristo Yeso.

Vafeso 3:10

kunangwa ku ing'inga ya lero, kuvitira munzira yi likanisa, zingelosi vamiihi, kandi vaveeye ni zinguru mwigulu vaduuki kwiga kuli Nyasaye aveeye mugeri mu liiva liosi.

Vafeso 3:16

Inzi saalanga ku Nyasaye kutura ku vuhinda vwu vukumi vwivwe ahaane zinguru kumunyi kuvitira mu Roho weve, muduuki kuva nizinguru mu liiva lienyu liu mugati.

Vafeso 3:18

kunangwa, munyi harara na vandu va Nyasaye vosi muduuki kuva nizinguru ziu kumanyiriza uvuyanzi vwa Kristo vutaveeye nekegero.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.