Varumi 11:31 - KITABU KITAKATIFU

³¹ Munzira ndala nzere, kigira zimbavasi zia munyi mumali konyoora, Avayuda kalunu sivatizaa Nyasaye mba, kunangwa navo kandi vaduuki konyoora zimbavasi zia Nyasaye.

Varumi 11:31 ပူးပေါင်းရင်းမြစ်များ

Varumi 10:16

Navuzwa sivaveeye vosi, avavugiliraa makuva malahi yaga mba. Isaya mwene yavoola, “Mwami, nivwaha umali kusuuvira makuva giitu?”

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Varumi 11:30

Kulwa munyi vandu vizihiiri, mwavura kutia Nyasaye maziambiri, navuzwa kalunu mumali konyoora zimbavasi zia Nyasaye kigira Avayuda sivaatia Nyasaye mba.

Varumi 11:32

Nyasaye umali kokora avandu vosi vahambe vi livula kutia, kunangwa aduuki kuva nizimbavasi kuvo vosi.