Varumi 11:29 - KITABU KITAKATIFU

²⁹ Nyasaye namali kugasiza avandu ni vihaanwa kandi namali kuvalanga, si agirung'anaa mu zing'anagani zizie kandi mba.

Varumi 11:29 ပူးပေါင်းရင်းမြစ်များ

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Malaki 3:6

“Inzi mbeeye Yahova kandi singirung'anaa mba, kunangwa munyi, visukululwi via Yakobo, simulagota vosi ligali mba.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Varumi 11:30

Kulwa munyi vandu vizihiiri, mwavura kutia Nyasaye maziambiri, navuzwa kalunu mumali konyoora zimbavasi zia Nyasaye kigira Avayuda sivaatia Nyasaye mba.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

Varumi 8:30

Kunangwa yavo ava Nyasaye yaahula, yavalanga; navo avayalanga, yavakola vave avalungi harara naye, kandi yaasanga uvukumi vwivwe harara navo.

1 Vakorintho 1:26

Avaamitu vange, kalunu mwizurizi kuli mwaali lwa Nyasaye yamulanga. Kolondekana ni zing'anagani zia vandu, ni vakekeeke ku munyi avamwali vageri, anoho, aviivulwa munyumba yu vwamihi.

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vafeso 4:1

Kunangwa, inzi oveeye muhambe kigira ndumikiraa Mwami, mugoonyaa mumenye kolondekana ni liiva lia Nyasaye yaviikaho lwa yamulanga.

Vafeso 4:4

Haveeye nu muviri mulala, kandi Roho mulala, kuli haveeye kandi ni lisuuvirizwa lilala lia Nyasaye yamulangira.

Vafilipi 3:14

Kunangwa inzi nyagura zimbiru vulungi kuduuka ahukutwekizira no okonyora itaji yi liguuta eveeye lilangwa lia Nyasaye kuvitira mu Kristo Yeso, kuduuka ku livamwoyo lie igulu.

2 Vatesalonike 1:11

Kigira yaga, kumusaalira vuli kazozo. Nyasaye wiitu aduuki kumukola kuva avadukiru mu livamwoyo lia yamulangira komenye. Nyasaye ayaanze atwekizi lienya lienyu liu vulahi, kandi atwekizi miyinzi josi ji lisuuvira.

Vahebraina 3:1

Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.

Vahebraina 7:21

Navuzwa Yeso yakolwa musaalisi munzira yi liesuuha lwa Nyasaye yamuvolera, “Mwami umali kolomba lisuuvirizwa liu kwisuuha kandi sialagirung'anyia zing'anagani zizie mba: ‘Ivi ulava Musaalisi mihiga ni mihiga.’ ”

2 Petro 1:10

Kulwa yaga, avaamitu, muyinziri ni zinguru miyinzi milahi mulombe lilangwa ni litovolwa lienyu vive via agiligali. Nimukora yaga simunyala koleka lisuuvira lienyu mba.