Varumi 11:22 - KITABU KITAKATIFU

²² Kunangwa, wizulizi uvulahi, kandi uvululu vwa Nyasaye. Aveeye mululu ku yavo avamali kugwa, navuzwa uvulahi vwa Nyasaye voveeye ku ivi niiva ulazizagilira mu vulahi vwivwe. Nigataveeye ndio, ivi kandi ulahalulwa.

Varumi 11:22 ပူးပေါင်းရင်းမြစ်များ

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Ezekieli 18:24

“Navuzwa lwu mundu mulungi aleka kokora uvulungi na akole uvwoni vwa vandu vadamanu vakora, mundu uyu alamenya? Awa! Uvulahi kandi uvulungi vwivwe vwa yakola si ndizuliza kandi mba. Alakuza kigira umali kokora uvugadi kandi kigira uvwoni vwa mali kokora.

Ezekieli 3:20

“Kandi niiva umundu mulungi alaleka uvulungi nokokola zimbi, ndavika chukwikigatala imbiri weve, na alakuza. Kigira si wamwiganihiza mba, alakuza kigira uvwoni vwivwe mwene. Amalungi goosi agayakola si galizulizwa mba, na ndakudula ku likuza lilie.

Luka 8:15

Uvuguza vwagwa mu marova malahi na magunamu ni yavo avahulira likuva ma valigumira nu vusuuvirifu vwosi kandi numwoyo mulahi gwosi kandi vikuzira kuduuka lwa vaama amakuyu.

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 8:31

Kunangwa, Yeso yavolera Avayuda yavo avaari nivamusuuviyi, “Niiva mulagumira amigizu gange mulava ligali aviigi vange;

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Varumi 11:21

Niiva Nyasaye siyavererera Avayuda vaveeye iziisia zieligali, uganaganaa alavererera ivi?

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

1 Vakorintho 15:2

Ivangeri yeyo, niyio makuva gamwilwazira. Mwahonywa kuvitira mu vangeli niiva mwakagigumira vudinyu. Nigataveeye ndio lisuuvira lienyu liveeye vuzwa.

Vagalatia 6:9

Kunangwa kunyi kutaluha ku likora uvulahi mba, kigira kulavuna mu zing'inga ndahi, kulakagese niiva si kukuza mioyo mba.

1 Vatesalonike 3:5

Ku kivuni yiki, lwa ndaali si nyara, ndatuma Timateo, kunangwa nduuki kumanya kuli lisuuvira lienyu liveeye. Ndaali nuvuti, namusia mugerizi wamugeriza munzira yoosi, na miyinzi jietu ja kwa kola hagati hinyu jive ja vuzwa.

1 Vatesalonike 3:8

Kalunu koveeye mwoyo ligali kigira musingiyi vudinyu mu Mwami.

Vahebraina 10:23

Gendi kugumiri vudinyu lisuuvira lietu vugira lihayahaya, kigira Nyasaye walomba lilagana yili aveeye musuuvirifu.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.

Likunula 2:5

Wizulizi ha watura niwaguluka. Wiganiri na oleke uvwoni vuvwo, ma wirane kokora miyinzi ja wakola mulitanga. Niiva si uliganira, ndaaza ku ivi vwangu, nu kutuliza ikinara chicho chi zitaya aha keveeye.