Varumi 11:17 - KITABU KITAKATIFU

¹⁷ Yee, zindala ku zisia ziu muzeituni gwu mulimi gwa vasembeleraa zimali kuvunagwa, na mu vwiyangu vwazio, munyi iziisia zia muzeituni gwu mu mulitu zimali kuhambanywa kugwo, munyi avandu vi zihiiri zindi ni munyi avaveeye kuli iziisia zia muzeituni gwu mulitu, na kalunu musangaa harara na Vayuda livamwoyo liumu Roho lie zinguru.

Varumi 11:17 ပူးပေါင်းရင်းမြစ်များ

Zaburi 52:8

Navuzwa inzi mbeeye kuli Muzeituni gomeraa mu Litembeli lia Nyasaye; inzi suuviraa mu zimbavasi ziu vuyanzi vwivwe mihiga ni mihiga.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Jeremia 11:16

Maziambiri ndaavalanga Muzeituni gwa amatu amavisi kandi ugwa makuyu amalahi, navuzwa kalunu, harara ni liatuluruka kuli lie inguba, ndahambiza umuliru mu amatu gagwo kandi ndavunanyia zisia ziagwo.

Jona 1:16

Yiki chakola aveeremi kutia Yahova ligali, kali nivahaana visiuviliru, nivalaga kumutumikira.

Zekaria 4:3

Kulovega lwi kinaara chi taya haali ho ni misaala ja Muzeituni 2; mulala ku vuli lovega.”

Matayo 21:43

“Kigira yaga muvooleraa, munyi mulanyagwa Uvwami vwa Nyasaye ma vohevwe avandu vi ihiiri yindi, avanyala kwama amakuyu amalahi.”

Yohana 15:1

“Inzi mbeeye muzabibu gwiligali, na Baba wange niyie musimiki.

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Varumi 11:24

Munyi vandu vizihiiri, muveeye kuli ulusia lwa muzeituni lwu mu mulitu ugwatemwa navuzwa litaveeye lilahi mwahambanywa ku muzeituni mulahi gwu mu mulimi, havundu hataali ahinyu. Avayuda vaveeye kuli iziisia ziakale zia muzeituni gwasembelerwa yigu; na vulava vodoto ku Nyasaye kuhambanyia iziisia ziavunika yizi ku musaala gwa gwo gwene kandi.

Vagalatia 2:15

Agiligali kunyi aveene koveeye Avayuda mu liivulwa lietu na sikoveeye “Avandu vizihiiri voni” kuli yavo valangwa mba.

Vafeso 3:6

Agaviswa gene ni yaga: kuvitira mu Ivangeri ya Nyasaye, vandu vizihiiri vagwiyi avasangi vi miandu harara na Avayuda mu zimbavasi zia Nyasaye; vave muviri mulala na vasaange mu lisuuvirizwa lia Nyasaye yalomba kuvitira mu Kristo Yeso.

Kwidzulitsa 8:8

kivala chamaa ingano ni shairi, mazabibu, makuyu, maguta ga mizeituni kandi uvwuki.

Vakolosai 2:13

Lwa mwaali nimwakuzira mu lihiola lienyu nu mulivula kokevwa miviri jinyu, Nyasaye yaarnuha livamwoyo harara na Kristo, yakusaameha uvwoni vwitu vwosi;

Likunula 11:4

Yava vaveeye imisaala giviri ja mizeituni, kandi vinara viviri vie zitaya, visingira imbiri wu Mwami wi lirova.