Varumi 10:9 - KITABU KITAKATIFU

⁹ Kunangwa, nuuva nuwiyama nu munwa gugwo ndi, Yeso aveeye Mwami, nu kusuuvira mu mwoyo gugwo ndi, Nyasaye yamusimugukiza kutura mu likuza ulahonywa.

Varumi 10:9 ပူးပေါင်းရင်းမြစ်များ

Luka 12:8

“Agiligali muvooleraa, mundu woosi ulinziyama havulavu imbiri wa avandu, inzi nu Mwana wa Adamu, ndakamwiyame imbiri wizingelosi va Nyasaye.

Yohana 9:22

Aviivuli veve vavoola ndio kigira vaatia avanene va Avayuda kigira avanene yavo vaali nivavugilirizani ndi mundu woosi uwiyama havulavu ndi asuviraa Yeso kuva Mesia, alakungwa kutura mu Lisinagogi.

Vikolwa 16:31

Navo vaamutivulira, “Usuuviri Mwami Yeso, na ivi ulahonywa harara navinyumba yooyo vosi.”

Vikolwa 2:24

Navuzwa Nyasaye yamusimugukiza kutura mu vakuzu na muvoholora kutura mu vusaliri vwi likuza, kigira si ganyalika ndi likuza limuvohe mba.

Vikolwa 2:32

Nyasaye umali kusimugukiza Yeso uyu kutura mu likuza, na kunyi kwosi koveeye avalolekizi ku likuva yili.

Vikolwa 8:36

Lwa vaali ni vakizizagilira no logendo, vaduuka havundu ha amazi gaali. Kiziri oyo yavoola, “Henza amazi ngaga yaaha, ni kindu ki ikinzigalira mburi kubatizwa?” [

Varumi 10:10

Gaveeye kigira lisuuvira lietu kokolwa valungi na Nyasaye, kandi gaveeye kigira lieyama niminwa jietu, kwahonywa.

Varumi 14:11

Amang'oda Matakatifu gavoora, “Kuli inzi ligali mbeeye Nyasaye oveeye mwoyo, Mwami avoora; mundu sa mulala alakasigame imbiri wange, kandi mundu woosi alakiyame ndi inzi mbeeye Nyasaye.”

Varumi 14:9

Kristo yakuza, nasimuguka kandi, aduuki kuva Mwami wa vaveeye mwoyo kandi wa vakuzu.

Varumi 4:24

Navuzwa likuva yili liveeye ku kunyi, avakusuuviraa ku Nyasaye wasimugukiza Yeso, Mwami wiitu kutura mu vakuzu.

Varumi 8:34

Nivwaha ulikalaga? Ni Kristo Yeso wakuza yee, wasimugukizwa kutura mu vakuzu, oveeye ha mukono mulungi gwa Nyasaye, ukusaaliraa?

1 Vakorintho 12:3

Nyenya mumanye ndi, umundu woosi wimilirwa na Roho wa Nyasaye sianyala kovora, “Yeso alaamwe mba!” Kandi sianyala kwiyama, “Yeso aveeye Mwami”, natimiliywi na Roho Mutakatifu.

Vafilipi 2:11

kandi vandu vosi valalaandiza havulavu ndi Yeso Kristo nu Mwami, kigira uvukumi vwa Nyasaye oveeye Baba.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

1 Yohana 4:15

Mundu woosi wiyama Yeso nu mwana wa Nyasaye, Nyasaye amenyaa muye, naye mu Nyasaye.

2 Yohana 1:7

Avagaadi vanyingi vamali kulanda mu lirova, liosi na avandu yava nivo avavura kwiyama ndi Yeso Kristo yaazaa mu liiva liu umundu. Umundu kuli uyu aveeye umugadi kandi umusigu wa Kristo.