Varumi 10:19 - KITABU KITAKATIFU

¹⁹ Ndeva kandi: Avandu va Isiraeli vaali ni vakikiri kumanya? Musa mwene aveeye wu kutanga kutivula, “Ndakamukole mukendekere avandu vataveeye ihiiri yiligali; kandi ndatumikira ihiiri ya vandu vasiru kumukola muve nuvutima.”

Varumi 10:19 ပူးပေါင်းရင်းမြစ်များ

Jeremia 10:14

Mulilora yaga, avandu vafwana avasiru kandi vugira limanyiriza; yavo avalombanga ivifananyi vavikangwa muzisoni, kigira avanyasaye vavalomba sivaveeye avagiligali mba kandi sivaveeye ni livamwoyo mba.

Jeremia 10:8

Vosi vaveeye vasiru kandi vayingu, nikindiki chavanyala kwiga kutura ku ivifananyi viumusaala?

Hosea 2:23

Ndaviika avandu vange mu kivala kandi ndavakora kugasizwa. Ndayaanza yavo avalangwa “Avatayanzwa,” kandi ndayaanza yavo avalangwa, “Avandu vataveeye avange.” Kalunu ndavoora, “Munyi muveeye avandu vange,” navo valativura, “Ivi oveeye Nyasaye wiitu.”

Varumi 10:18

Navuzwa ndeva: Gaveeye agiligali yavo sivali nivahulira makuva? Nagiligali vahulira; kuli Mang'oda Matakatifu gavoora: “Lilangiliza liu mwoyo gwaavo liahulirika mu lirova liosi; amakuva gaavo gaduukaa kokeheri chi lirova liosi.”

Varumi 11:11

Kunangwa ndeva: lwa Avayuda vikigitara, vaagwa kuduuka ku lidiva ligali? Awa. Sigaveeye ndio mba! Navuzwa kigira vayona, ovohonyi vumali kuduuka ku vandu vizihiiri kolomba Avayuda vaduuki kuvakendekera.

Varumi 11:14

Suuviraa nyara kokora avandu vi ihiiri yange vakendeke, na ndio nduuki kohonyia valala kuvo.

Varumi 3:26

Gaali kololekiza ku ing'inga ya lero ndi, Nyasaye mwene aveeye mulungi, kandi akolaa uyu oveeye ni lisuuvira mu Yeso kuva mulungi.

1 Vakorintho 1:12

Leka mbore ndi: sa mulala ku munyi avoora kindu lugano ku wundi. Mulala avoora, “Inzi nondaa Paolo”; wundi avoora, “Inzi nondaa Apolo”; wundi avoora, “Inzi nondaa Petero”; kandi wundi avoora, “Inzi nondaa Kristo.”

1 Vakorintho 10:19

Maku nyara kuva nimbora ndi, kifananyi kinyala kuva Nyasaye wa giligali? Anoho chukulia kihanwa ku kifananyi kinyala kuva kisiuviriru cha giligali?

1 Vakorintho 11:22

Kigira ki? Simuveeye ni zinyumba zienyu zia muduukana kulia mu nu kunwa? Anoho muloraa ni vulahi ku munyi kolegeriza likanisa lia Nyasaye kandi koleganyia avataveeye navio? Kunangwa mwenya inzi muvoolere ndi? Nzizominyi munyi? Awa! Sindavugilira yaga mba.

1 Vakorintho 12:2

Mumanye vulahi ndi lwa mwaali nimukikiri kumanya Nyasaye, mwagotizwa mu zinzira zinyingi mu lisigamira vifananyi vitaveeye ni livamwoyo.

1 Vakorintho 15:50

Kunangwa muvooleraa yaga avaamitu vange, inyama na masahi sivinyala konyoora vwami vwa Nyasaye mba; kandi vwoneku sivunyala konyoora vutaveeye uvwoneku mba.

1 Vakorintho 7:29

Avaamitu, aganyenyaa kovora ni yaga: keheri keveeye ahimbi. Kutura kalunu yavo avaleetaa vakali vamenye kuli vakikiri koleta.

Kwidzulitsa 32:21

Harara nifananyi viavo, vamali kongola mbe nu vutima, vamali kungola kokendekela vanyasaye vaavo vanyasaye vataveeye vagiligali kunangwa, ndatumikira ihiiri kuvakola vave nu vutima, Ndavakora vandekele ihiiri yavandu vasiru.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

1 Petro 2:10

Lwimbiri munyi simwali avandu va Nyasaye, navuzwa kalunu muveeye avandu veve; lwimbiri simwamanya zimbavasi zizie, navuzwa kalunu mwamala konyoora zimbavasi zizie.