Varumi 10:18 - KITABU KITAKATIFU

¹⁸ Navuzwa ndeva: Gaveeye agiligali yavo sivali nivahulira makuva? Nagiligali vahulira; kuli Mang'oda Matakatifu gavoora: “Lilangiliza liu mwoyo gwaavo liahulirika mu lirova liosi; amakuva gaavo gaduukaa kokeheri chi lirova liosi.”

Varumi 10:18 ပူးပေါင်းရင်းမြစ်များ

1 Avami 18:10

Ku Yahova oveeye mwoyo, Nyasaye woovo, nzisuha ndi mwami yavodong'ana mukivala choosi na kwenyaa mu lirova. Ing'inga yosi lwu mwamihi wi kivala yaleeta makuva ndi sioveeye mu kivala chiche, Ahabu yateevaa mwamihi oyo yisuuhi ndi ivi sionyoleki mba.

Zaburi 19:4

navuzwa amakuva gavio galaanda mu lirova mwosi; kandi gahulilikaa kuduuka ku keheri chi lirova. Nyasaye yalombera iliuva hango muvwerefu.

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Zaburi 98:3

Yaduukiza lisuuviriza lilie ku vandu va Isiraeli nu vusuuvirifu kandi nuvuyanzi vwivwe vutaveeye nekeheri kuvo. Avandu vosi havundu hoosi vamali kolola liguuta lia Nyasaye wiitu.

Isaya 24:16

Kutura ihale ku zinduru zie lirova kuhulira zinyimbu: “Vukumi voveeye ku oo mulungi wengine.” Navuzwa ndavoora, “Inzi mbeeye vuzwa, Inzi mbeeye vuzwa! O, vayaayi kivi keveeye ku inzi! Umugadi azaama! Nuvugaadi umugadi azaama!”

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Matayo 24:14

Ekeheri ni kikiri kuduuka, Ivangeri yu Vwami vwa Nyasaye iliilwazwa mu lirova liosi eve ekelolero ku zihiiri ziosi, maku keheri kilakaduuki.

Matayo 26:13

Agiligali muvooleraa, hoosi mu lirova, aha Ivangeri yiyi ilakilwazwe, ekekolwa chu mukali uyu akoli, kilakatalwi kumwizuliza.”

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Matayo 4:8

Setani yamuhira ku kiguru kitambi ligali naamumanyia uvwami vwosi vwi lirova harara nu vukumi vwali.

Marko 16:15

Yavavolera, “Muzie mu lirova liosi kandi mwilwaze Ivangeri ku avandu vosi.

Marko 16:20

Aviigi vazia kwilwaza muvivala viosi. Mwami yayinzira harara navo, nadinyiriza amakuva gaavo ni vilolekizu vialondekana navo.]

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 26:20

Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Varumi 1:8

Ndanga kusandiza Nyasaye wange kuvitira mu Yeso Kristo kigira munyi mwosi, avandu vanyingi mu lirova liosi vamali kuhulira amakuva gi lisuuvira lienyu.

Varumi 15:19

kuzinguru zie vilolekizu ni viokogenyia, harara ni zinguru zia Roho Mutakatifu. Kunangwa, mu ligenda hoosi, kutura Jerusalemi kuduuka Iliriku, mali kwilwaza makuva malahi goosi ga Kristo.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 1:6

Ivangeri yiyi imali kuduuka ku munyi kuli wa veeye mu lirova liosi nokoleta vugasu no komeedeka, kuli eveeye ku munyi kandi, kutura lidiku lia mwa hulira nu kumanyiriza zimbavasi zia Nyasaye mu agiligali.

1 Vatesalonike 1:8

Siliali kigira likuva liu Mwami lienyine kutura ku munyi ilialanda mu Makedonia na Akaya mba, navuzwa amakuva gi lisuuvira lienyu mu Nyasaye gamali kuhulirika havundu hoosi. Kunangwa sikunyala kuva ni kindu cha kovora mba.