Varumi 10:17 - KITABU KITAKATIFU

¹⁷ Kunangwa lisuuvira liizaa kutura ku lihulira amakuva; kandi kuhuliraa amakuva kuvitira mu lilwaza Kristo.

Varumi 10:17 ပူးပေါင်းရင်းမြစ်များ

Ayubu 42:5

Mu ing'inga yavita, ndaamanya vuzwa makuva ga vandu vandi vaali nivamali kombola. Navuzwa kalunu inzi mali kolola ivi ne emoni yange.

Marko 4:24

Yeso yavavolera kandi, “Mutegize amatu ku goosi aga muhulira! Amalago ga mutumikiraa kukalagira avandu vandi, nigo aga Nyasaye atumikiraa kumukalagira nu vutima vonene kuvita ligali.

Luka 11:28

Yeso yamutivulira, “Yee, navuzwa vaveeye nuvugasu ligali kuvita, avahulira likuva lia Nyasaye, ma valilonda.”

Luka 8:11

Yiki nicho kivuni chu lugano yilu “Uvuguza ni likuva lia Nyasaye.

Luka 8:21

Navuzwa Yeso yavavolera, “Mama wange na avamwavo vange, ni yavo avahulira likuva lia Nyasaye nivalilonda.”

Yohana 1:37

Lwa Aviigi vaviri yavo vahulira Yohana navoora ndio, valonda Yeso.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 10:14

Avandu valanira ndi ku uyu wa vakikiri kusuuvira? Valamusuuvira ndi nivakikiri kuhulira amakuva geege? Valahulira ndi amakuva geege vugira umwilwazi?

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

Vagalatia 3:2

Nyenya kumanya vuzwa kindu kilala kutura ku munyi. Mwavugula Roho wa Nyasaye ku likora agi Lilaga lienyaa, anoho ku lihulira Ivangeri nu kugisuuvira?

Vagalatia 3:5

Nyasaye ohezaa munyi Roho, kandi okolaa vilolekizu hagati hinyu, akolaa vindu yivi viosi kigira mulonda agi Lilaga lienyaa, anoho kigira muhulira Ivangeri nu kugasuuvira?

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

Vahebraina 4:2

Kunyi kwamala kuhulira amakuva malahi gi Ivangeri kuli navo vilwazirwa, vahulira likuva zana, navuzwa siliavakoonya mba, kigira lwa valihulira, sivalivugula ni lisuuvira mba.

1 Petro 1:23

Kuvitira mu likuva lia Nyasaye iliveeye mwoyo kandi ilihindiraa mihiga ni mihiga, munyi mumali kwivulwa kaviri kuli avana vu mwivuli utakuzaa.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.