Varumi 10:16 - KITABU KITAKATIFU

¹⁶ Navuzwa sivaveeye vosi, avavugiliraa makuva malahi yaga mba. Isaya mwene yavoola, “Mwami, nivwaha umali kusuuvira makuva giitu?”

Varumi 10:16 ပူးပေါင်းရင်းမြစ်များ

Isaya 50:10

Nivwaha ku munyi wegehizaa ku Yahova, kandi uhuliraa amakuva gu mutumikiri weve? Oyo ogeendaa mu kisundi, kandi utaveeye mu vulavu, navuzwa asuviraa mu lieta lia Yahova, yeredaa ku Nyasaye weve?

Isaya 53:1

Avandu vaativura; “Nivwaha usuuviyi makuva giitu? Nivwaha wi zinguru zia Nyasaye ziavulika kuye?

Matayo 13:14

Kuvo gadukizwi kuva agu muporofeti Isaya yavoola: ‘Lihulira mulahulira, navuzwa si mulamanya ligali mba; lihenza mulahenza, navuzwa si mulalora mba,

Yohana 10:26

Navuzwa munyi si musuuviraa mba, kigira simuveeye magondi gange mba.

Vikolwa 28:24

Avalala kuvo vasuuvira amakuva geege, navuzwa avandi sivasuuvira mba.

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 11:17

Yee, zindala ku zisia ziu muzeituni gwu mulimi gwa vasembeleraa zimali kuvunagwa, na mu vwiyangu vwazio, munyi iziisia zia muzeituni gwu mu mulitu zimali kuhambanywa kugwo, munyi avandu vi zihiiri zindi ni munyi avaveeye kuli iziisia zia muzeituni gwu mulitu, na kalunu musangaa harara na Vayuda livamwoyo liumu Roho lie zinguru.

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

Varumi 2:8

Avandu vaveeye vahuvali kandi vasuura kindu keveeye kilungi kunangwa vaduuki kokora vindu viveeye vichamu; Nyasaye alaviika vutima vwivwe vululu kuvo.

Varumi 3:3

Navuzwa galava ki niiva valala kuvo sivaali vasuuvirifu? Livula kuva nu vusuuvirifu liavo, linyala kutulizaho vusuuvirifu vwa Nyasaye?

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vagalatia 5:7

Mwaali ni mukoraa vulahi! Nivwaha wamwigalira muvura kolonda agiligali? Yamugoonya kuli ndi?

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Vahebraina 11:8

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa.

Vahebraina 4:2

Kunyi kwamala kuhulira amakuva malahi gi Ivangeri kuli navo vilwazirwa, vahulira likuva zana, navuzwa siliavakoonya mba, kigira lwa valihulira, sivalivugula ni lisuuvira mba.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 2:8

Mang'oda Matakatifu gavoora, “Yili nilio ligina liu kwikigitariza avandu, ulwanda ululivalomba vagwi.” Vikigitara kigira sivasuuvira mu likuva yivwo vwali uvulariri vwa Nyasaye kuvo.

1 Petro 3:1

Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,