Varumi 1:8 - KITABU KITAKATIFU

⁸ Ndanga kusandiza Nyasaye wange kuvitira mu Yeso Kristo kigira munyi mwosi, avandu vanyingi mu lirova liosi vamali kuhulira amakuva gi lisuuvira lienyu.

Varumi 1:8 ပူးပေါင်းရင်းမြစ်များ

Matayo 24:14

Ekeheri ni kikiri kuduuka, Ivangeri yu Vwami vwa Nyasaye iliilwazwa mu lirova liosi eve ekelolero ku zihiiri ziosi, maku keheri kilakaduuki.

Luka 2:1

Mumadiku yago lilago liatura ku Kaisaria Agosto ndi avandu vosi vang'odwi amita mu kivala choosi chamiifa na Varumi.

Vikolwa 11:28

Kunangwa mulala kuvo walangwa Agabo yasingira; na ku zinguru zia Roho, yalolekiza ndi inzara enene ilaaza mu lirova liosi. Inzara yeyo yaza maku ing'inga ya Kilaudia yaali niyamiha.

Vikolwa 28:22

Navuzwa kwegomba kuhulira kutura ku ivi mwene agaveeye mu zing'anagani zizio. Kunyi kumanyi ndi muganda gwa oveeye mu yigu, avandu vaguhangalizaa havundu hoosi.”

Varumi 10:18

Navuzwa ndeva: Gaveeye agiligali yavo sivali nivahulira makuva? Nagiligali vahulira; kuli Mang'oda Matakatifu gavoora: “Lilangiliza liu mwoyo gwaavo liahulirika mu lirova liosi; amakuva gaavo gaduukaa kokeheri chi lirova liosi.”

Varumi 16:19

Avandu vosi vaahuliyi amakuva gu vusuuvirifu vwinyu ku Ivangeri, kandi ku kivuni yiki, mbeeye nu vuyanzi ligali kigira munyi. Nyenya muve avageri mu limanya agaveeye malahi, muvuli konyooleka ni kindu ku gaveeye madamanu.

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

1 Vakorintho 1:4

Sandizaa Nyasaye wange kazozo kigira zimbavasi ziamali kuhaana ku munyi kuvitira mu Kristo Yeso.

2 Vakorintho 2:14

Navuzwa, lisandiza live ku Nyasaye ukwimilira kazozo mu logendo lwi liguuta mu Kristo. Nyasaye akutumikiraa kulandiza limanya agiligali ga Kristo havundu hoosi kuli umwayu mulahi.

Vafeso 1:15

Kutura nimbulira lisuuvira lienyu mu Mwami Yeso, nu vuyanzi vwinyu vwa muveeye navwo ku vatakatifu vosi,

Vafeso 1:16

sindaaleka, kuhaana lisaandiza ku Nyasaye kigira munyi mba. Nzizuliza munyi no kumutala mu lisaala liange kazozo.

Vafeso 3:21

Uvukumi vove ku Nyasaye mu likanisa kandi mu Kristo Yeso, zing'inga ziosi, mihiga ni mihiga. Amini.

Vafeso 5:20

Mwizominye kandi muhaane lisandiza kazozo ku Baba Nyasaye kigira vindu viosi mu lieta liu Mwami wiitu Yeso Kristo.

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.

Vafilipi 1:3

Sandizaa Nyasaye wange zing'inga ziosi lwa nzizuliza munyi.

Vakolosai 1:3

Kusandizaa Nyasaye, Baba wu Mwami wiitu Yeso Kristo lwa kumusaalira kazozo,

1 Vatesalonike 1:2

Kusandizaa Nyasaye zing'inga ziosi kigira munyi mwosi, kumwizulizaa mu lisaala lietu vuli kazozo.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

Filemona 1:4

Amiitu Filimona, sandizaa Nyasaye wange kazozo, lwa ngwizulizaa mulisaala liange,

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.