Varumi 1:32 - KITABU KITAKATIFU

³² Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

Varumi 1:32 ပူးပေါင်းရင်းမြစ်များ

Zaburi 50:18

Mwalomba uvulina na vuli aviivi vosi va mwagana navo; kandi mwahambana harara na avaheyi vi zing'ano ziosi.

Tsing'ano 28:4

Yavo avasuuraa malago vizominyaa vandu vachamu, navuzwa yavo avalindaa malago sivaveeye harara navagasulaa mba.

Hosea 7:3

Yahova avoora, “Avandu vagada mwami harara navatumikiri veve nililohiza lidamanu liumuvwivisu.

Luka 11:48

Kulwaga mumanyia kandi muvugiliraa vikolwa via vaguuga vinyu vaakora; kigira vita avaporofeti, namunyi nimwumbaka ivilindwa viavo.

Vikolwa 22:20

Lwa masahi ga Sitefano, mulolekizi woovo gasundulwa, inzi mwene ndaasingira ho, nimbugiliraa kekolwa yicho; kandi ndaalinda zinguvu zia yavo avaari nivamwita.’

Vikolwa 8:1

Saolo yalora kekolwa navugilira ku liitwa lia Sitefano. Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria.

Varumi 1:18

Nyasaye umali kololekiza vutima vwivwe kutura mwigulu ku vwoni vwosi, nu ku vudamanu vwosi vwa vandu, vi zinzira ziavo zindamanu zigaliraa agiligali gavuli kumanyikana.

Varumi 1:21

Kali niiva vamanya Nyasaye aveeye ho, navuzwa sivamukuminyaa kuli aveeye Nyasaye, anoho sivamusandizaa mba. Mu vogono vwo kokora ndio, zing'anagani ziavo ziagirung'anywa kuva vuzwa, ni mioyo jaavo juvusiru jayizula kisundi.

Varumi 6:21

Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

2 Vatesalonike 2:12

Kunangwa vosi avavulanga kusuuvira agiligali, navuzwa nivayaanza kokora uvwoni vakalagirwa.