Varumi 1:31 - KITABU KITAKATIFU

³¹ si vaveeye ni limanya, avatasuuvirwa, vataveeye nuvuyanzi, avatasamiihaa kandi avataveeraa avandi zimbavasi.

Varumi 1:31 ပူးပေါင်းရင်းမြစ်များ

Tsing'ano 18:2

Musiru si ahendaa mwoyo kumanya kindu mba, chayenyaa vuzwa ni kumanya kuli aveeye mugeri.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 33:8

Zimbarabara ziveeye nuvuhimwa ligali kali sihaveeye ho nogendanga kuzio mba. Vuhambani hagati hi vivala vutuliziywi ho, kandi livugilirizana liononywi. Siaveeye ho numulala ohevwa luyali mba.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Matayo 15:16

Yeso yavavolera, “Munyi simulumanyi kandi mba?

Marko 7:18

Yeso yavavolera, “Kali munyi kandi simuveeye avageri kuli avandi. Munyi si mumanyi ndi ikindu kingiraa mu mundu kutura ichova si kinyala ku mukora umudamanu mba,

Varumi 3:11

siaveeyeho nu mugeri, anoho usigamiraa Nyasaye.