Varumi 1:30 - KITABU KITAKATIFU

³⁰ kandi vahuzirizaa, avandu vu kuvihilira Nyasaye, avatindi, avelori, avukwiyizominya, avigingiri, avakongi vi vindu vidamanu, na avatahuliraa aviivuli vaavo;

Varumi 1:30 ပူးပေါင်းရင်းမြစ်များ

1 Avami 20:11

Mwami Ahabu yativura navoora, “Vooleri mwami Benihadadi ndi musikari wiligali avoora lieyizominya lilie inyima wuvulwaani, siliveeye imbiri wavwo mba.”

2 Kyetsinyinga 19:2

Muporofeti Jehu muyaayi wa Hanani, yazia kwaganira mwami Jehoshafati namuvolera, “Sivoveeye uvulungi okokoonya yavo avaveeye avadamanu nokolomba vulina nayavo avadunyiranga Yahovamba? Agokoli gamali koleta uvutima vwa Yahova ku ivi.

2 Kyetsinyinga 25:19

Kalunu mwami Amazia, ivi welolaa ndi umali kuguuta vandu va Edomu, navuzwa inzi ng'ogelihiza ove hango; Kigira ki utaangiza uvudinyu vulileta ikivi ku ivi mwene na vandu vovo?”

Zaburi 10:3

Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Zaburi 106:39

Vekola aveene avadamanu ku vikolwa viavo, kandi vasigamira vifananyi viavo.

Zaburi 49:6

avandu vadamanu avasuuviraa mu vutugi vwavo, vigingiraa kigira uvunyingi vwu vutugi vwavo.

Zaburi 5:5

Avigingiri si valasingira imbiri woovo mba, udunyiraa vandu vosi avachamu.

Zaburi 52:1

Kigira ki wigingilira vudamanu vuvwo, ivi mundu wi zinguru? Vusuuvirifu vwa Nyasaye voveeye vwi mihiga ni mihiga.

Zaburi 81:15

Yavo avadunyiraa inzi Yahova vakasigami imbiri wange mu vuti; lihevwa amageri liavo liakahindiyi mihiga ni mihiga.

Zaburi 94:4

Avavunagi va malago valekonya nukwenenehiza kuduuka ng'inga ki? Valigingira kigira uvudamanu vwa vakolera avandu kuduuka ng'inga ki?

Zaburi 97:7

Sa mulala usigamiraa vifananyi avikiywi mu zisoni; avanyasaye vosi viinama imbiri wa Yahova.

Zaburi 99:8

O, Yahova Nyasaye wiitu, ivi wativulira avandu vovo; wavamanyia ndi oveeye Nyasaye usamiihaa; kali wavaha mageri kigira uvwoni vwavo.

Tsing'ano 24:8

Oyo olohizaa uvudamanu ing'inga yoosi, alalaangwa mundu oletaa uvudinyu.

Tsing'ano 25:23

Makuva gavuzwa galetaa vutima kuli vukindu vuturaa Ivaale voletaa imbura.

Tsing'ano 30:17

Mundu woosi ohenyahenyeraa baba weve anoho uchayaa mama weve mu vokeere vwivwe vwakaveeye vulahi zisoti ziamulia anaho majikoro gavoze zimoni zizie.

Tsing'ano 8:36

Yavo vatanyoolaa visalilizaa vene, ku woosi oveeye nu vusigu ninzi yayanza likuza.”

Kohelethu 7:29

Yaga goosi nigo gamali kwiga. Nyasaye yakolomba vandu valungi, navuzwa kwagirung'ana kuva novogeri kuvita kuli Nyasaye yakolomba.

Ezekieli 14:5

Vifananyi yivi viosi vimali kugirung'anyia vandu va Isiraeli kuzia ihale kutura ku inzi, navuzwa kuvitira mumativuli gange mbe nilisuvira ndi valirana ku inzi.

Ezekieli 22:7

Baba na mama si vahevwa luyali mba. Avageni vadambizwa kandi avavisandu na vakunzakali vakolerwa vudamanu.

Livalidza 10:35

Vuli ing'inga lwa vandu va Isiraeli vaatura kuzia ni lisandugu lie lilagana, Musa yavoola, “Yahova, singira usalanye vasigu vovo, kandi okole yavo avakudunyiraa viiruki!”

Matayo 15:4

Nyasaye yalaga navoora, ‘Wizominye baba woovo na mama woovo’ kandi, ‘Ku vosi, onyegaa baba anoho mama weve, gamudukira yiitwi ligali.’

Matayo 16:21

Kutura ing'inga yeyo, Yeso yaatanga kumanyia aviigi veve havulavu ndi, “Gandukira kuzia Jerusalemi, kandi ngubizwi kivi kenene na vakulundu vasaalisi vanene harara na avigizi vi Lilaga, kandi nzitwi, navuzwa ku lidiku lia kavaga ndakasimugukizwi.”

Luka 21:16

Aviivuli vinyu na avamwavo vinyu naviiko vinyu, na avalina vinyu; valamuzaama, kandi valiita avalala ku munyi.

Yohana 7:7

Avandu vu mu kivala sivanyala kuva ni kivuni chu kusuura nu kudunyira munyi mba, navuzwa vandunyiraa kigira mbavooleraa havulavu ndi miyinzi jaavo ni midamanu.

Vikolwa 5:36

Mwizurizi kumanya ndi, mundu mulala walangwa Teuda yasingira mihiga mikekeeke ijiviti, navoora, ‘Mbeeye mundu munene.’ Na avandu vaduuka ahimbi zimia zine vaamulonda. Navuzwa yitwa, na avalondi veve vosi vasalanywa, nu muganda gwigwe ni gogota.

Varumi 2:17

Niiva wilangaa Muyuda, ivi weleedaa ku Lilaga, kandi wiyizominya kigira uvwiko vuvwo ku Nyasaye;

Varumi 2:23

Wiyizominya ndi oveeye ni Lilaga lia Nyasaye, navuzwa uhaanaa zisoni ku Nyasaye ku livunaga Lilaga?

Varumi 3:27

Kunangwa kindiki kinyala kokolomba kwiyizominye? Kindu mba! Kandi yaga gaveeye ku kivuni ki? Ni kigira kunyi kutizaa Lilaga? Awa! Navuzwa kigira Lisuuvira.

2 Vakorintho 10:15

Kunangwa, sikwekonyaa kigira miyinzi ja vandu vandi vamala kokora kuvita kegero cha Nyasaye yakuha mba. Navuzwa lisuuvirizwa lietu liveeye ndi, kuli lisuuvira lienyu linenehaa, lwako lwu vuyinziri vwitu hagati hinyu luduuki konenehizwa ligali kolondekana ne kegero cha Nyasaye yaviikaho.

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Kwidzulitsa 27:16

“ ‘Alaamwe uchayanga aviivuli veve.’ “Avandu vosi valativura, ‘Amini!’

Kwidzulitsa 7:10

Navuzwa sialilindagira kuhaana amageri maduukiru ku vandu avamudunyira mba.

2 Vatesalonike 2:4

Alahing'ana na yivio viosi ivilangwa nyasaye, anoho viosi visigamirwa; na aliviika umwene kuva igulu wavio viosi. Alingira nu kwikala mu Litembeli lia Nyasaye, nu kwekola umwene ndi aveeye Nyasaye.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Yakobo 3:5

Gaveeye ndio kandi nu lulimi: kali ni loveeye ekevero kekekeeke chu muviri, navuzwa lunyala kwikonya ku ivindu vinene. Muhenze kuli umulitu goveeye munene na gusambwa nesese ngekeeke yu umuliru.

Yakobo 4:16

Navuzwa kalunu mwigingiraa kandi molekonya. Liekonya kuli yili liveeye lidamanu.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

Yudasi 1:16

Avandu yava avililiraa kazozo na nivadura avandu vandi. Valonda likayirwa lidamanu liavo aveene, vekonyaa nukwetovooza aveene kandi vizominyaa avandu vandi muvugaadi kigira venya kwenyolera vindu via venya.