Varumi 1:28 - KITABU KITAKATIFU

²⁸ Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Varumi 1:28 ပူးပေါင်းရင်းမြစ်များ

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

2 Samweli 22:27

Oveeye mulungi ku yavo avaveeye valungi. Navuzwa oveeye mululu ku yavo avachamu.

Zaburi 69:27

Uvameede amageri ligali ku vudamanu vwavo, utaleka vanyoore ovohonyi vuvwo mba.

Tsing'ano 1:22

“Vandu vasiru! Mulava avasiru kuduuka ing'inga ki? Mulasangalira kokolera ovegeri kehenyahenye kuduuka ing'inga ki? Muliiga ing'inga ki?

Tsing'ano 1:29

Munyi mwasuura ovogeri, kandi mwasuura kutia Yahova.

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 17:16

Gaveeye na vokonyi ki mundu musiru kutumikira mabese konyoora ovogeri kuvataveeye ni limanya?

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 6:30

Kunangwa valalangwa ifeza yasuulwa kigira inzi, Yahova mali kuvasuura.”

Jeremia 9:6

Yahova avoora vakora uvugadi vuli ing'inga; kigira uvugadi vwavo vasuura kumanyiriza inzi, Yahova avoora.

Ezekieli 14:5

Vifananyi yivi viosi vimali kugirung'anyia vandu va Isiraeli kuzia ihale kutura ku inzi, navuzwa kuvitira mumativuli gange mbe nilisuvira ndi valirana ku inzi.

Ezekieli 20:25

“Maku ndaavaha lilago litaveeye lilahi kandi amalago gavula koleta livamwoyo.

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Vikolwa 17:23

Lwa ndavita mu lidaala lienyu linene nimbenza ahukusigamira hinyu, ndanyoora uvwali vwang'odwa ku amakuva yaga, ‘Ku Nyasaye utamanyikani’ uyu wa musigamiraa vugira kumumanya niyie wa inzi nzilwazira munyi.

Vikolwa 17:32

Navuzwa lwa vahulira Paolo navoora makuva gi lisimuguka lia avakuzu, avalala kuvo eseko yaali ivamale; navuzwa avandi vavoola, “Kulayaanza kukuhulira kandi ku likuva yili!”

Varumi 1:18

Nyasaye umali kololekiza vutima vwivwe kutura mwigulu ku vwoni vwosi, nu ku vudamanu vwosi vwa vandu, vi zinzira ziavo zindamanu zigaliraa agiligali gavuli kumanyikana.

Varumi 1:21

Kali niiva vamanya Nyasaye aveeye ho, navuzwa sivamukuminyaa kuli aveeye Nyasaye, anoho sivamusandizaa mba. Mu vogono vwo kokora ndio, zing'anagani ziavo ziagirung'anywa kuva vuzwa, ni mioyo jaavo juvusiru jayizula kisundi.

Varumi 1:24

Kigira yaga, Nyasaye yavaleka vakole vindu vidamanu viemioyo jaavo jikayirwa, kandi vakora vindu vie zisoni nu kwononyia vukumi vwi miviri jaavo aveene.

Varumi 1:26

Kigira vaakora yago, Nyasaye yavaleka mu likayirwa liavo lie zisoni. Kali avakali vaavo vagirung'anyia umwima gwaavo gwu kuva harara na vasaza, nivava harara na vakali vandi;

1 Vakorintho 15:34

Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

2 Vakorintho 10:5

Kwononyia amahangari kandi chukwikigitaliza chukwekonyera ku choosi chaviikwaho kuhing'ana ni limanya lia Nyasaye, kandi kuvugura zing'anagani ziosi nu kuzikola kutia Kristo.

Vafeso 5:4

Kifavwi, anoho amakuva gi zisoni nu guvusiru, anoho amahing'ani, anoho zimbaka, sividukana munyi kuvitivula mba, navuzwa nivulahi musandizi Nyasaye.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Filemona 1:8

Ku kivuni yiki mbeeye nu vuluviliri vwosi, kuli amiitu woovo mu Kristo, ngulaga okole ikiduukanaa kekolwi.

2 Petro 3:5

Avandu yavo aveene vivilira kumanya ndi lwimbiri Nyasaye yahaana lilago, na ligulu kandi lirova vialombwa. Lirova lialombwa kutura ku mazi kandi na mazi,