Varumi 1:23 - KITABU KITAKATIFU

²³ mu vogono vwu kusigamira Nyasaye uhindiraa mihiga ni mihiga, vasigamira nukukuminya vifananyi vialombwa vive mu liiva liu mundu ukuza anoho vifananyi via manyonyi, zinyama anoho zinzoka.

Varumi 1:23 ပူးပေါင်းရင်းမြစ်များ

Zaburi 106:20

Vaagirung'anyia uvukumi vwa Nyasaye, kugwa kifananyi chi inyama yaya vunyasi.

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 40:26

Heenzi igulu mu Ligulu! Nivwaha walomba viosi viveeye mu? Ni oyo uviemiliraa kuli iliihi liu vulwani, yamanya ni vianga via yalomba, kandi yamanya lieta lia vuli kelombe! Kigira aveeye wizingulu kandi wuvunyali, sihakaveeye ho ne kelombe kali kilala ikinyala kogota mba.

Isaya 44:13

Umuvazi agelaa lubaho numugoye. Akekolaa umufano gwi kindu cha yenya kuvaaza, ma akivaaza ni viju vivie nokokelomba mu lifana liu mundu, mu lifana liu mundu mulahi wukuyaanziza ma akiviika munyumba yeye.

Jeremia 2:11

Sieveeye ho ni Ihiiri imali kugirung'anyia avanyasaye vayo mba, kali niiva si vaali avanyasaye vagiligali mba. Navuzwa avandu vange vamali kungirung'anyia, inzi Nyasaye wavaletera uvukumi, na vanyasaye vatanyala kokora kindu choosi.

Ezekieli 8:10

Kunangwa ndingira mugati nimbenza. Ndalora ovong'ole ku madigi vwi zinzoka, ni zinyama zindi ziukuvihiliriza kandi vifananyi viosi, via vandu va Isiraeli vaasigamira.

Vikolwa 10:12

Musuuka yeyo ziali mu zing'ano ziosi zie zinyama zie virenge vine, zinyama zimolaa hasi, na amanyonyi gu mwigulu.

Vikolwa 17:29

“Kigira kunyi koveeye avana va Nyasaye, sivoveeye vulahi kuganagana ndi Nyasaye aveeye kuli izahabu, ifeza, anoho kali kuli ligina liavazwa; vindu viakongwa nu vusiza kandi no vogeri vwa avandu.

Varumi 1:25

Vagirung'anyia agiligali ga Nyasaye kuva vovehi; vasigamira nu kutumikira vindu via Nyasaye yalomba mu vogono vwu Mulombi mwene, udukana kwizominywa mihiga ni mihiga! Amini.

1 Vakorintho 12:2

Mumanye vulahi ndi lwa mwaali nimukikiri kumanya Nyasaye, mwagotizwa mu zinzira zinyingi mu lisigamira vifananyi vitaveeye ni livamwoyo.

Kwidzulitsa 5:8

“ Mutelomberi vifananyi viavazwa vie lifaana lie vindu viosi mu ligulu anoho ku lirova, anoho mazi anoho musi mu lirova.

1 Petro 4:3

Mwamenya ing'inga indambi mu madiku gaavita nimwagotera mu likora aga avi kivala vayaanza kokora. Ilimenya lienyu liali lie miima midamanu, liegomba lidamanu, uvuhambiki, ilisieva, uvuhambiki vwu mu viduma, ni lisigamira liu kuvihiliriza lie vifananyi.

Likunula 9:20

Avandu vaatigara, avavura kwitwa na amaduywa yaga, siviganira ku miyinzi jamakono gaavo gakoraa mba. Kandi sivaleka kusigamira amademoni, anoho vifananyi vie zahabu, ji ifeza, umugasa, je ligina, ni jimisaala jitanyala kuyinzira, anoho kuhulira, anoho kogenda.