Varumi 1:20 - KITABU KITAKATIFU

²⁰ Kali kutura ing'inga ya Nyasaye yalomba lirova, liiva lilie litalolekaa ni zimoni, liveeye zinguru zizie zie mihiga ni mihiga, kandi liiva liuvunyasaye vwivwe, vumali kololeka vulahi ligali. Avandu vanyara kumanya makuva yaga kuturana ni vindu via Nyasaye yalomba. Ku lwa yago, sivaveeye ni chavativula mu liekinga liavo mba!

Varumi 1:20 ပူးပေါင်းရင်းမြစ်များ

Litanga 1:1

Mu litanga, Nyasaye yalomba ligulu ni lirova.

Litanga 21:33

Maku Aburahamu yasimika musaala gwu muvindi ha Beerisheba kandi nasigamira ho Yahova, Nyasaye uhindiraa mihiga ni mihiga.

Ayubu 12:7

Kali amanyonyi gu mwigulu, ni zinyama ziu m'mbulimu zilakwigiza.

Zaburi 104:31

Leka uvukumi vwa Yahova vuhindiri mihiga ni mihiga; leka Yahova asangaliri viosi via yalomba.

Zaburi 104:5

Ivi wavika imise je lirova jadinya ligali, kandi sijiladengeyizwa mihiga ni mihiga mba.

Zaburi 119:90

Uvusuuvirifu vuvwo vuhindira mu makura goosi. Ivi umali kusingiriza lirova mu vogono vwalio nalio limenya.

Zaburi 139:13

Ivi walomba vivero viange viosi; ivi wanyung'anyia harara munda mwa mama wange.

Zaburi 8:3

Lwa mbenzaa mu ligulu lia walomba, mweli kandi zing'ereng'ani zia wasingiriza mu vogono vwazio,

Zaburi 90:2

Imbiri wu waali nukikiri kolomba vigulu, anoho nukiri kolomba lirova na viosi viveeye mu, waali Nyasaye uhindiraa mihiga ni mihiga, kandi ulava Nyasaye mihiga ni mihiga.

Isaya 26:4

Musuuviri mu Yahova mihiga ni mihiga kigira alakukinga kazozo.

Isaya 40:26

Heenzi igulu mu Ligulu! Nivwaha walomba viosi viveeye mu? Ni oyo uviemiliraa kuli iliihi liu vulwani, yamanya ni vianga via yalomba, kandi yamanya lieta lia vuli kelombe! Kigira aveeye wizingulu kandi wuvunyali, sihakaveeye ho ne kelombe kali kilala ikinyala kogota mba.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 5:21

Muhuliri, munyi avandu vasiru kandi avataveeye ni limanya. Muveeye ni zimoni, navuzwa si munyala kolola mba. Muveeye na matuyi, navuzwa si munyala kuhulira mba.

Jeremia 51:15

Yahova yalomba lirova kuzinguru zizie mwene; Yalomba kivala novogeri vwivwe mwene kandi navambura ligulu.

Matayo 5:45

muduuki kuva avana va Baba winyu oveeye mwigulu. Kigira alavizaa iliuva lilie ku vadamanu na valahi, kandi akubizaa imbura ku valahi na vadamanu.

Marko 10:6

Navuzwa kutura mu litanga lie lilombwa lie lirova, Nyasaye yavalomba umusaza nu mukali.

Yohana 1:18

Siaveeyeho nu mundu kali mulala uwalola Nyasaye mba. Mwana muderwa wa Nyasaye yeng'ine, oveeye ku kiritu cha Baba, umali kumuvuura.

Yohana 15:22

Ndaavura kuuza komoloma navo, ngano sivakora vwoni mba; navuzwa kuli gaveeye kalunu, sivaveeye niliverererwa ku vwoni vwavo mba.

Vikolwa 17:29

“Kigira kunyi koveeye avana va Nyasaye, sivoveeye vulahi kuganagana ndi Nyasaye aveeye kuli izahabu, ifeza, anoho kali kuli ligina liavazwa; vindu viakongwa nu vusiza kandi no vogeri vwa avandu.

Vikolwa 22:1

“Avaamitu na vababa, mumbulirizi kalunu lwa nyenya kumutivulira kindu!”

Varumi 1:19

Nyasaye avaheezaa amageri goosi aganyala kumanyikana kigira gaveeye havulavu kuvo, kigira Nyasaye mwene yaagamanyia havulavu.

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

Varumi 2:1

Vandu valala ku munyi muyaara vandi mu likora madamanu, navuzwa sihaveeyeho ni liesayasaya ku ga mukoraa mba. Lwa mukalagiraa vandi, mwikalagilaa munyi vene, kigira muleleki kuva na mahiolo mu likora vindu vilala viene.

Varumi 2:15

Miima niliiva liavo vimanyia ndi, agi Lilaga lienyaa gang'odwa mu mioyo jaavo. Zing'anagani zie mioyo jaavo zilolekizaa giligali, kigira ing'inga ndala zivayaalaa, kandi ing'inga yindi zivaveraa.

1 Vakorintho 1:20

Aveeye haliha mundu mugeri? Aveeye haliha mung'odi wi Lilaga? Aveeye haliha wamanya vogeri vungingi? Nyasaye umali kumanyia ndi ovogeri vwi lirova yili voveeye uvusiru?

Kwidzulitsa 33:27

Nyasaye aveeza likingwa lienyu kazozo. Amakono geege gimihiga ni mihiga gaveeye vokonyi vwenyu. Yakunga avasigu vinyu lwa mwavingilira, kandi namuvolera muvadivizi vosi.

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.

Vakolosai 1:15

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi;

Vakolosai 2:9

Muye, koveeye ni liiva lio vuduukiru vwosi vwu uvunyasaye, vomenyaa mu Kristo, mu muviri,

Vahebraina 11:27

Kigira lisuuvira Musa yatura Egebeti vugira kutia vutima vwu mwami; siyirana inyima kigira yaali vuzwa mundu olola Nyasaye utalolekaa mba.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.