Varumi 1:13 - KITABU KITAKATIFU

¹³ Avaamitu vange, nyenya munyi mumanye ndi, ndalohiza haali kanyingi kuuza kumuluta, navuzwa sindaanyaliza mba. Ndakayanzi konyoora avalondi valahi kigira Kristo hagati hinyu kuli ndanyoora mu vandu vi Zihiiri.

Varumi 1:13 ပူးပေါင်းရင်းမြစ်များ

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Yohana 12:24

Muvooleraa agiligali, enzori yi ingano itigalaa yenyine vuzwa nitagiywi mu marova ma ikuze, itigalaa yeng'ine. Navuzwa niiva ilakuza, yaama ingano inyingi.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 4:36

Mugesi anyoora madanyi geege, ma avungiza viamo kigira livamwoyo litahera mba, kunangwa mundu utagaa nogesaa vasangala harara.

Vikolwa 1:15

Inyima wa madiku makekeeke, liali ho livugana lia vandu avasuuviraa, vaduuka ahimbi mia moja na sirini. Petero yasingira hagati haavo,

Vikolwa 14:27

Lwa vaduuka Andiokia vavuganyia likanisa lia ahene yaho, nivavavoolera amakuva gi vindu viosi via Nyasaye yakola harara navo, kandi kuli yigulira avandu vi Zihiiri zindi kiliango chu kwingira mu lisuuvira.

Vikolwa 15:12

Kiduma choosi chakiring'ana; nivahuliriza Baranaba na Paolo nivivalanga vilolekizu ni viokogenyia via Nyasaye yakola kuvitira muvo na amakono gaavo mu avandu vi Zihiiri.

Vikolwa 19:21

Inyima wa makuva yago, Paolo yatovola kuzia Jerusalemi, naavitira Makedonia na Akaya. Yavoola, “Nimali kuduuka yo, galaniga kuzia Rumi kandi.”

Vikolwa 21:19

Lwa Paolo yamala kuvacheliza, yavavolera amakuva goosi ga Nyasaye yaali niyaakola hagati hi zihiiri kuvitira mu vutumiki vwivwe.

Vikolwa 28:14

Uwene yeyo kwanyoora yo avaamitu valala, vakusaala komenye navo lisiza lilala. Kunangwa kwaduka Rumi.

Varumi 1:12

Agambooraa gaveeye ndi, munyi ninzi kulakoonyana ku ing'inga ndala nzere, lisuuvira lienyu, kandi lisuuvira lienyu lilangonya.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Varumi 7:1

Avaamitu vange, suuviraa mulamanyiriza amakuva ga nyenya kovora, kigira munyi mwosi mwamanya Lilaga. Lilaga liamiihaa vuzwa ku mundu ing'inga yaveeye mwoyo.

1 Vakorintho 1:10

Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

1 Vakorintho 10:1

Avaamitu vange, nyenya mwizurizi ikindu chekoleka ku vaguuga viitu vosi avavohololwa kutura mu kivala cha Egebeti. Vosi vaali hasi hi likingwa lie lilesi yilio kandi vosi vaambuka vulahi kuvitira munyanza Inzakanyu.

1 Vakorintho 12:1

Kalunu avaamitu vange, kolondekana na mateeva ginyu ku vihaanwa via Roho; nyenya mumanye vulahi agiligali gavio.

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

1 Vakorintho 9:2

Kali niiva avandi sivambugilira kuli mutumwa, munyi mumbugiliraa kigira munyi muveeye muhuri gwu vutumwa vwange mu Mwami.

2 Vakorintho 1:8

Avaamitu, kwenyaa kumwizuliza uvudinyu vwa kwanyoora mu kivala cha Asia. Vudinyu yivwo vwakumiina kuvita kegero kali nikogeha lisuuvira liu kuva mwoyo.

2 Vakorintho 2:14

Navuzwa, lisandiza live ku Nyasaye ukwimilira kazozo mu logendo lwi liguuta mu Kristo. Nyasaye akutumikiraa kulandiza limanya agiligali ga Kristo havundu hoosi kuli umwayu mulahi.

Vagalatia 3:15

Avaamitu vange, ndamufananyira ku limenya lia kazozo: lwa avandu vaviri vavugirizana ku likuva, sihaveeye ho nu mundu unyala kuvunanyia, anoho komeeda kindu kugo mba.

Vagalatia 6:18

Zimbavasi ziu Mwami wiitu Yeso Kristo zive harara ni munyi mwosi, avaamitu vange. Amini.

Vafilipi 1:22

Navuzwa niiva ndazizagilira kuva mwoyo mangole miyinzi milahi, ku inzi simanyi ichanyala kotovola mba.

Vafilipi 4:17

Sigaveeye nyenya vuzwa konyoora ivihaanwa, navuzwa nyenya kolola ivikolwa ivilahi nivimedekaa ku ga mumali.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Vakolosai 1:6

Ivangeri yiyi imali kuduuka ku munyi kuli wa veeye mu lirova liosi nokoleta vugasu no komeedeka, kuli eveeye ku munyi kandi, kutura lidiku lia mwa hulira nu kumanyiriza zimbavasi zia Nyasaye mu agiligali.

1 Vatesalonike 2:18

Kigira yaga, kwenya kuuza ku munyi, inzi Paolo mwene ndageriza kwirana kumugeniha lwu kutanga kandi lwa kaviri, navuzwa Setani ya kwigalira.

1 Vatesalonike 4:13

Avaamitu, viitu kwenya munyi mumanye agiligali ga makuva ga yavo avamala kukuza. Mutaverera kuli yavo avataveeye nilisuuvirizwa.

2 Vatesalonike 2:7

Muchamu wukutihiza, aveeye ku miyinzi kalunu, navuzwa sialaloleka kuduuka lwa oyo umwigaliraa alitulizwa ho.