Varumi 1:11 - KITABU KITAKATIFU

¹¹ Kigira ngayilwa ligali kolola munyi, nduuki kusanga harara nimunyi mu kihanwa cha roho kunangwa muduuki kuva ni zinguru.

Varumi 1:11 ပူးပေါင်းရင်းမြစ်များ

Litanga 31:30

Inzi manyi ndi wiruki kigira waali nuvuha kwirana hango ha baba woovo, navuzwa kigira ki wiva avanyasaye vi inyumba yange?”

2 Samweli 13:39

Mwoyo gwu mwami Daudi gwaali namaholu ku Abisolomu, kigira yaali niyakalema mwoyo ku likuza lia Amunoni.

2 Samweli 23:15

Daudi yaali na mahooru kolola yengo navoora, “Kimba mundu yandetera amazi gukunwa kutura mu kidaho ha kirivwa cha Bezelehemu!”

2 Kyetsinyinga 20:20

Mugambazuri lidiku lialonda ku, avandu vatura kuzia mwigendanyama lia Tekoa. Lwa vaali nivaziizaa, mwami Jehoshafati yasingira navavoolera, “Avasaza vi Ivuyuda na Jerusalemi; musuuviri Yahova Nyasaye winyu, kandi musingiri vudinyu. Musuuviri aga vaporofeti veve vamuvolera, na mulaguuta.”

Vikolwa 16:5

Kunangwa makanisa gameeda kuva zinguru mu lisuuvira, ni livaliza lia vandu vasuuvira liameeda madiku goosi.

Vikolwa 19:21

Inyima wa makuva yago, Paolo yatovola kuzia Jerusalemi, naavitira Makedonia na Akaya. Yavoola, “Nimali kuduuka yo, galaniga kuzia Rumi kandi.”

Vikolwa 19:6

Maku Paolo yavika makono geege kuvo, Roho Mutakatifu yika kuvo, nivatanga livoora mu zinimi ziavukani na amakuva ga Nyasaye.

Varumi 1:12

Agambooraa gaveeye ndi, munyi ninzi kulakoonyana ku ing'inga ndala nzere, lisuuvira lienyu, kandi lisuuvira lienyu lilangonya.

Varumi 15:23

Navuzwa, kigira kalunu maliyi miyinzi jange mu zimbega zinu, kandi kigira ni mihiga minyingi ningayilangwa ligali kuuza ku munyi,

Varumi 15:29

Manyi vulahi ndi lwa ndiza ku munyi, ndakaaze mu vuduukiru vwosi vwu vugasu kutura ku Kristo.

Varumi 15:32

Kunangwa mu vulariri vwa Nyasaye, ndaaza ku munyi ninzizuuyi uvusangari vwosi, nduuki kusangara ligali ni munyi.

Varumi 16:25

Leki kuhaane vukumi ku Nyasaye! Anyala kudinyiriza munyi mu lisuuvira lienyu, kolondekana makuva malahi ga nzilwazaa kigira na makuva ga Yeso Kristo kandi kolondekana ni livuulwa lia giligali, gimbisu agaali nigaviikwa makiriri mu zing'inga zie mihiga minyingi jaavita.

2 Vakorintho 1:15

Mu agiligali yaga, ndegomba kuuza ku munyi kutanga, kunangwa munyi muduuki kugasizwa haali kaviri.

2 Vakorintho 1:21

Ni Nyasaye mwene okolaa kunyi harara ni munyi kusingira vudinyu mu lihambanywa harara na Kristo; ni Nyasaye mwene wakuviika halovega ukuvakaa maguta;

2 Vakorintho 11:4

Munyi muvugiliraa nu vusangali umundu woosi uzaa ku munyi kandi yilwaza Yeso oveeye lugano, utali wa kunyi kwilwaza; kandi muvugiliraa roho ni Ivangeri eveeye lugano ligali kutura ku Roho ni Ivangeri ya mwanyoola kutura ku kunyi.

2 Vakorintho 9:14

Kunangwa, harara nu vuyanzi vonene vwu mu mwoyo, valamusaavira, kigira zimbavasi ziokogenyia zia Nyasaye amali kumuha.

Vafilipi 1:8

Nyasaye aveeye mulolekizi wange ndi mboraa agiligali, lwambolaa ndi vuyanzi vwange ligali ku munyi mwosi vuturaa ku Kristo Yeso.

Vafilipi 2:26

Aveeye ni lienya ligali kolola munyi mwosi, na yaveeye ni liverera kigira munyi mwahulira ndi aveeye umulwaye.

Vafilipi 4:1

Kunangwa, vamiitu vange, munyi muveeye avayaanze vange mbeeye na mahooru kolola munyi ligali! Munyi mungolaa kuva nu vuyanzi kandi nzekonyaa kigira munyi. Gamudukira musingiri vudinyu mu Mwami.

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

1 Vatesalonike 3:2

Kwatuma Timateo, amiitu wiitu kandi muyinziri wache kigira Nyasaye mu Ivangeri ya Kristo, yaaze yaho kumudinyiriza nokumukoonya mu lisuuvira lienyu.

2 Vatesalonike 2:17

aleminye mioyo jinyu nu kumudinyiriza mukore imiyinzi josi imilahi kazozo kandi kovora makuva goosi amalahi.

2 Vatesalonike 3:3

Navuzwa Mwami aveeye musuuvirifu kandi alamuha izingulu nu kumulinda vulahi ku Mudamanu oyo.

Vahebraina 13:9

Mutahunzulanywi yiyi nayiyi kutura kunzira yuvulungi na migizu mageni gi zing'ano ziosi mba. Ni vulahi konyoora zinguru ziu mu mwoyo kutura ku zimbavasi zia Nyasaye, na sigaveeye ku lilonda amalago ni viukulia mba, yavo avalonda malago yago, sigavakonya mba.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

1 Petro 5:12

Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.

2 Petro 1:12

Kunangwa ndamwizuliza vuli kazozo vindu yivi, kali niiva mwavimanya kandi vaduukiru mu giligali ga mwanyoola.