Varumi 1:10 - KITABU KITAKATIFU

¹⁰ Ing'inga yoosi mu lisaala liange, sala Nyasaye nayanza mu vulaliri vwivwe, yanombere vwiyangu vwu kuuza kumulora.

Varumi 1:10 ပူးပေါင်းရင်းမြစ်များ

Vikolwa 18:21

Navuzwa lwa yaali navasiivulaa, yavoola, “Niiva Nyasaye nayanza ndaaza nzizi ku munyi kandi vwangu.” Yanina muliato natura Efeso.

Vikolwa 19:21

Inyima wa makuva yago, Paolo yatovola kuzia Jerusalemi, naavitira Makedonia na Akaya. Yavoola, “Nimali kuduuka yo, galaniga kuzia Rumi kandi.”

Vikolwa 21:14

Lwa kwatamwa kumugirung'anyia kwakiring'ana, nikovoola vuzwa, “Vulaliri vwu Mwami vokolwi!”

Varumi 15:29

Manyi vulahi ndi lwa ndiza ku munyi, ndakaaze mu vuduukiru vwosi vwu vugasu kutura ku Kristo.

1 Vakorintho 1:1

Inzi Paolo, walangwa ku vulaliri vwa Nyasaye kuva mutumwa wa Kristo Yeso, na amiitu wiitu Sosizenesi -

1 Vakorintho 4:19

Navuzwa, Mwami nayanza, ndaaza nzizi kumugeniha vwangu. Na ulwene yilwo sindamanya limoloma lia vandu vigingiraa yavo lienyine mba, navuzwa kandi zinguru ziavo zia Roho wa Nyasaye.

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.

1 Vatesalonike 2:18

Kigira yaga, kwenya kuuza ku munyi, inzi Paolo mwene ndageriza kwirana kumugeniha lwu kutanga kandi lwa kaviri, navuzwa Setani ya kwigalira.

Filemona 1:22

Harara na yaga, wetegekizi inyumba yange kigira suuviraa ndi, Nyasaye alahaana amativuli ku lisaala lienyu vosi, ma nduuki kwirana ku munyi.

Vahebraina 13:19

Kandi mugoonyaa ligali nu mwoyo gwosi kusaala ndi Nyasaye aduuki kunziranyia ku munyi vwangu.

Yakobo 4:15

Ngano muvooraa: “Mwami nayanza nakove mwoyo ma nakokole yaga anoho gala.”