Varumi 1:1 - KITABU KITAKATIFU

¹ Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

Varumi 1:1 ပူးပေါင်းရင်းမြစ်များ

1 Kyetsinyinga 23:13

Muyaayi weve munene, yivula Haruni na Musa. Haruni ni visukululwi vivie vaviikwa halovega kutakasa viju vitakatifu viosi, kuhaana vihaanwa vie imuli ku Yahova, kumutumikira kandi kulandiza uvugasu ku vandu mu lieta lilie mihiga ni mihiga.

Isaya 49:1

Munyi zihiiri zimenyi mu visulu vie inyanza. Mumbulirizi, munyi avandu vamenyi ihale! Yahova yananga kandi nandovola kuva mutumikiri weve lwa ndaali ningikiri kwivulwa.

Jeremia 1:5

“Ndaakotovola imbiri wa ndaali ningikiri kokolomba munda mwa mama woovo, kandi ndaaku takasa imbiri wa waali nukikiri kwivulwa. Ndaakotovola kuva muporofeti kuzihiiri.”

Marko 1:14

Kunangwa, lwa Yohana yaali namali kovofwa mu vuhambe, Yeso yazia Galilaya ni yilwaza Ivangeri ya Nyasaye.

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Yohana 15:15

Kutura kalunu sinyala kumulanga avatumwa kandi mba, kigira mutumwa siamanyi ichu mwami weve akolaa mba. Navuzwa inzi mali kumulanga avalina, kigira mali kumuvolera goosi aga ndahulira kutura ku Baba wange.

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Vikolwa 13:9

Maku, Saolo uwalangwa kandi Paolo, niyizuuyi Roho Mutakatifu, yumika musigitiri oyo,

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 21:40

Munene wu muganda yamanya naamuha munwa. Maku Paolo yamanya nasingira ku vika vie inyumba, naagerera avandu mukono. Lwa vaakiring'ana, yaatanga komoloma navo mu Luheburaina navoora:

Vikolwa 22:21

Navuzwa Mwami yambolera, ‘Zia, kigira ndakutuma ihale ku avandu vi Zihiiri zindi.’ ”

Vikolwa 22:7

Ndaagwa hasi. Nimbulira mwoyo nigombolera, ‘Saolo, Saolo! Kigira ki undambizaa?’

Vikolwa 26:1

Maku, Aguripa yavolera Paolo, “Oveeye nu munwa kovora makuva googo mwene.” Kunangwa Paolo yanyira mukono gwigwe navoora makuva geege kuli ndi:

Vikolwa 26:14

Kunyi kwosi kwagwa hasi. Ndaahulira mwoyo nigombolera mu lulimi lwu Luheburaina: ‘Saolo, Saolo! Kigira ki undambizaa? Ivi mwene wisaliriza vuzwa niiva ulasa luvasi kuli igiriki ilasaa luvasi ku vwugi vwi imbimbu yu mwene wagituga.’

Vikolwa 27:23

Uvudiku vwa lero engelosi wa Nyasaye, wa inze mbeeye mundu weve, kandi wa sigamira, yaazi ku inzi,

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 1:9

Nyasaye wa inzi ndumikiraa numwoyo gwange gwosi mu Iilwaza Ivangeri yu Mwana weve, aveeye mulolekizi wange ku gambolaa kigira gaveeye giligali. Nyasaye amanyi vulahi ndi inzi nzizuliza munyi vuli kazozo.

Varumi 11:13

Kalunu molomaa kumunyi vandu vizihiiri. Lwa ngikiri mutumwa ku munyi nziyizominyaa ku miyinzi jange.

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

Varumi 15:29

Manyi vulahi ndi lwa ndiza ku munyi, ndakaaze mu vuduukiru vwosi vwu vugasu kutura ku Kristo.

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

Varumi 16:25

Leki kuhaane vukumi ku Nyasaye! Anyala kudinyiriza munyi mu lisuuvira lienyu, kolondekana makuva malahi ga nzilwazaa kigira na makuva ga Yeso Kristo kandi kolondekana ni livuulwa lia giligali, gimbisu agaali nigaviikwa makiriri mu zing'inga zie mihiga minyingi jaavita.

1 Vakorintho 1:1

Inzi Paolo, walangwa ku vulaliri vwa Nyasaye kuva mutumwa wa Kristo Yeso, na amiitu wiitu Sosizenesi -

1 Vakorintho 9:1

Inzi mbeeye muvoholore ligali, kandi mbeeye mutumwa. Inzi ndaalora Yeso Mwami wiitu, munyi muveeye mativuli gi miyinzi jange kigira ndilwaza Ivangeri.

2 Vakorintho 1:1

Inzi Paolo, mutumwa wa Kristo Yeso mu vulaliri vwa Nyasaye, na amiitu wiitu Timateo, kong'oderaa munyi likanisa lia Nyasaye mu Korinzo, kandi ku Vakrisitayo vosi avaveeye mu kivala choosi cha Akaya.

2 Vakorintho 11:5

Sing'anagana mbeeye mukekeeke kandi wa haasi kuvita yava ava munyi mulangaa, “Avatumwa vinyu vaduukiru” mba.

2 Vakorintho 11:7

Ndilwaza ku munyi Ivangeri ya Nyasaye yo vohonyi vugira konyoora mitungu kutura ku munyi. Ndeegehiza umwene kunangwa muduuki konenehizwa. Ndaakola vudamanu, mu makuva yaga?

2 Vakorintho 12:11

Mbeeye kuli musiru! Navuzwa munyi nivo avanigaa kuva kuli ndio. Munyi nivo avaadukana munzizominyi kigira, kali niiva simbeeye kindu, simbeeye mukekeeke ligali kuvita “avatumwa vaduukiru” vinyu yavo mba.

2 Vakorintho 2:12

Lwa ndaaduuka mu Turoasi kwilwaza Ivangeri kigira Kristo, ndaadegela ndi Mwami yaali niyiguuyi ikiliango chi miyinzi wene yeyo.

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

Vagalatia 1:1

Inzi Paolo, uwa lilaangwa liange kuva mutumwa si liatura ku avandu, anoho kuvitira mu zinguru ziu mundu mba, navuzwa kutura ku Yeso Kristo kandi Nyasaye Baba, uwamusigukiza kutura mu likuza,

Vafeso 1:1

Inzi Paolo, uwagwa mutumwa wa Kristo Yeso ku vulaliri vwa Nyasaye, Ng'odera munyi Avakristayo avaveeye Efeso, avaveeye avasuuvirifu mu Kristo Yeso.

Vafeso 1:13

Munyi kandi mwagwa avandu va Nyasaye lwa mwahulira likuva lia giligali lie Ivangeri iyamuleetera vohonyi. Mwasuuvira mu Kristo, kandi Nyasaye yavika muhuri gwigwe kumanyia ndi munyi muveeye vandu aveeve, ku limuha Roho Mutakatifu wa yasuuviriza.

Vafeso 4:11

Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Kwidzulitsa 10:8

Yahova yatovola avasaza vi ihiiri ya Levi, valindi Lisandugu lia malago ga Yahova, vamutumikiri kuli avasaalisi kandi kugasiza avandu mu lieta lilie. Yiji ni miyinzi jaavo kali kuduuka kalunu.

Vafilipi 1:1

Inzi Paolo na Timateo, avatumikiri va Kristo Yeso, Kong'oderaa munyi Avakristayo vosi mu Filipi avahambanywa na Kristo Yeso, avahenzi na aviimiliri va amakanisa harara na avakonyeleri vaavo.

Vafilipi 2:11

kandi vandu vosi valalaandiza havulavu ndi Yeso Kristo nu Mwami, kigira uvukumi vwa Nyasaye oveeye Baba.

Vakolosai 1:1

Inzi Paolo, mutumwa wa Kristo Yeso kigira uvulariri vwa Nyasaye; harara na Timateo amiitu wiitu

Vakolosai 1:25

Kandi mali kokolwa mutumikiri wi likanisa na Nyasaye uwahaana ku inzi muyinzi gwu vulindi yigu ngole kigira uvukala vwinyu. Goveeye muyinzi gwu kwilwaza likuva lia Nyasaye.

1 Vatesalonike 2:2

Munyi mumanya kuli kwaali ni kusaliriziywi kandi ni konyegeywi mu Filipi nikukiri kuuza ku munyi mu resalonike. Kali niiva vuhing'ani vonene vwali ho, Nyasaye wiitu yakuha uvuluviliri kumuvolera Ivangeri yeeye.

1 Vatesalonike 2:8

Kigira vuyanzi vwitu vonene ku munyi, kwaali avetegeku kusanga ni munyi; sigaveeye mu Ivangeri ya Nyasaye yenyine, navuzwa kali ni livamwoyo lietu, kigira mwamala kuva avayaanze viitu ligali.

1 Vatesalonike 2:9

Munyi mwizulizaa, avaamitu viitu, kuli kwayinzira vudinyu kandi nikunyang'ana! Kwayinzira vudiku na mbasu ku kunyangiza mundu kali mulala ku munyi lwa kwamwilwazira Ivangeri ya Nyasaye.

Tito 1:1

Inzi Paolo, umutumikiri wa Nyasaye kandi mutumwa wa Yeso Kristo ng'oda ibarwa yiyi. Inzi ndaatovolwa nukutumwa kokonya lisuuvira lia avandu vatovole va Nyasaye, kandi kuvimilira ku agiligali gi dini yitu yigizaa.

Vahebraina 5:4

Sihaveeyeho nu mundu wivuguliraa umwene luyali lwu kuva musaalisi munene mba. Samulala gamudukira Nyasaye amutovole kuli yatovola Haruni.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

Yakobo 1:1

Inzi Yakobo, Mutumikiri wa Nyasaye kandi wu Mwami Yeso Kristo: Nduma mirembe jange ku munyi, zihiiri likomi na ziviri zia avasalanywa mu kivala choosi.

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.

Likunula 1:1

Kitabu yiki keveeye livuula lia Yeso Kristo, lia Nyasaye yamuha, aduuki kumanyia avatumikiri veve, agazizaa kwekoleka vwangu. Yakola ivindu yivi vimanyikane ku mutumikiri weve Yohana lwa yatuma engelosi weve kuye.

Likunula 22:6

Maku engelosi yambolera, “Amakuva yaga gaveeye agiligali agukusuuvirwa. Mwami Nyasaye, ohezaa Roho weve ku avaporofeti umala kutuma engelosi weve kumanyia avatumikiri veve ivindu viduukana viekoleke vwangu.”

Likunula 22:9

Navuzwa yambolera, “Utakola ndio mba! Inzi mbeeye vuzwa umutumikiri wacho, harara na avamwavo vovo avaporofeti, harara na yavo valonda amakuva gi kitabu yiki. Sigamira Nyasaye!”