Vakolosai 4:1 - KITABU KITAKATIFU

¹ Munyi avami, muhaane ku avatugwa vinyu viu vulungi kandi viduukanu. Mwizurizi kumanya ndi munyi kandi muveeye nu Mwami mwigulu.

Vakolosai 4:1 ပူးပေါင်းရင်းမြစ်များ

Kohelethu 5:8

Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Isaya 58:3

Avandu vateva, “Kigira ki kunyi kohonge lilia niiva Yahova sialola mba? Kigira ki kwegehiza niiva ivi si uvugulaamu logendo mba?” Yahova avavolera, “Agiligali gaveeye ndi, ku ing'inga ndala nzere ya muhongaa lilia, munyi mwenya vuzwa lieyanziza lienyu aveene, ni mudambiza avayinziri vinyu vosi.

Kyavalevi 19:13

“Mutadambizi avatende vinyu anoho kuvanyaga ivindu viavo mba. Mutahaanda ku mitungu ja vatumikiri vinyu kali lidiku lilala mba.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 20:4

Maku yavavolera, ‘Munyi kandi, muzie kokora miyinzi mu mulimi gwange gwi mizabibu, inzi ndamuha mutungu gwinyu vulahi kuli gaduukanaa! Navo vazia.

Luka 19:15

“Mundu oyo yakolwa mwamihi munene ma niyirana yengo kandi. Nonoho yalanga avatumikiri va yaaha efeza, aduuki kumanya uvukala vwa vaali nivanyooye.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”