Vakolosai 3:8 - KITABU KITAKATIFU

⁸ Navuzwa kalunu gamuduukira mutuliziho vindu yivi viosi; uvutima, likayirwa lidamanu, livihirirwa, amanyego na makuva madamanu gatatula mu minwa jinyu mba.

Vakolosai 3:8 ပူးပေါင်းရင်းမြစ်များ

Zaburi 37:8

Utava ni lihenda mwoyo, anoho uvutima mba, kigira yivi viosi viviika mundu mu vudinyu.

Tsing'ano 17:14

Litanga lie lihing'ana liveeye kuli ligalira lia mazi; ugigariri nigakiri kuzia ihale.

Tsing'ano 19:19

Niiva mundu aveeye nu vutima vululu muleke anyoore agadukanaa naye. Niiva ulamutuliza mu vudinyu ing'inga indala, gadukanaa umukonye kandi.

Tsing'ano 29:22

Mundu wu vutima vululu aletaa lirembana, nuvudinyu kandi akolaa vwoni vunyingi.

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Marko 7:22

okoheya, ukukayirwa, uvuviti kokora kifavi chi zing'ano ziosi; ovovehi, embodoka, kolegeriza, kugina kwelola harara nuvusiru

Varumi 13:13

Ligenda lietu kuduuka live lio vohocha kuli avandu vamenyi mu vulavu vwi lidiku; kutava mu lihuvaala nilisieva, mu lihambika, mu vohenyi, anoho kifavwi cho voheyi mu volembani nilikubana kandi nembodoka mba.

1 Vakorintho 3:3

kigira mukemenyi kuli avandu vi lirova yili vamenya. Lwe embodoka ni lirembana vikikiri hagati hinyu, vindu yivi vimanyia ndi munyi mukikiri vandu vi kivala, kandi mumenyaa kuli avandu vatamanyi Nyasaye.

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vagalatia 5:15

Navuzwa, ni mulumana kuli zinyama ziu mbulimu nu kusalirizana aveene naveene, muhenze vulahi gase muladivizana aveene naveene.

Vagalatia 5:20

ukusigamira vifananyi, ovologi, uvusigu, ovolembani, embodoka, uvutima, uvwimani, amahangari, ukwavukana, ukwikala vidieli,

Vagalatia 5:26

Leki kuvuli kuva ni liekonya lia vuzwa nu kutindilana aveene naveene, no kokolerana embodoka aveene naveene.

Vafeso 4:22

Kunangwa, mutulizi mundu winyu wa kale uwamukola mumenye kuli mwamenyaa; mundu wa kale wdivizwaa ni likayirwa lilie liuvugadi.

Vafeso 4:25

Kigira yaga, musuuli uvovehi, vuli mundu gamuduukira avolere musuuviri wache gagiligali, kigira koveeye kwosi kevero kilala aveene naveene harara mu muviri gwa Kristo.

Vafeso 4:26

Nimuveeye nuvutima, mutakoli uvwoni mba. Mutaleki liuva liyeere nimuveeye nuvutima mba.

Vafeso 4:29

Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.

Vafeso 5:4

Kifavwi, anoho amakuva gi zisoni nu guvusiru, anoho amahing'ani, anoho zimbaka, sividukana munyi kuvitivula mba, navuzwa nivulahi musandizi Nyasaye.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

Vakolosai 3:9

Mutaveherana aveene na aveene mba, kigira mumali kutulizaho liiva lia kale harara ni milima jinyu.

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

Yakobo 2:7

Yava nivo avanyegaa lieta lilahi lia mumali koheevwa.

1 Petro 2:1

Kunangwa, mwerehe ku vudamanu vwosi; ovovehi uvugadi, embodoka kandi amanyego.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

2 Petro 2:7

Yahonyia Loti mundu mulungi wavererizwa ligali ku limenya lie kifavwi cho voheyi lia vandu vachamu.

Yudasi 1:13

Avandu yavo vaveeye kuli iviguvuli vinene vie inyanza ivitiigalilangwa ni ivikolwa viavo vie zisoni vilolekaa kuli ulufulu. Vaveeye kuli zing'ereng'ani zivodong'ana nga, izia Nyasaye yavikira uvwiyangu mu kisundi mihiga ni mihiga.

Yudasi 1:8

Munzira ndala nzere, avandu vaazana yava valora amalola agavakolaa vone ku imiviri jaavo aveene, vambakana uvunyali vwa Nyasaye, kandi vanyega ivilombe viu mwigulu.

Likunula 16:9

Avandu vasaambwa ligali nu kuhaka. Vaanyega lieta lia Nyasaye oveeye ni izingulu ku amaduywa yaga. Navuzwa vasuura kwiganira no koleka vwoni vwavo, nu kuha Nyasaye ilizominywa.