Vakolosai 3:4 - KITABU KITAKATIFU

⁴ Kristo aveeye livamwoyo lienyu liagiligali, kandi lwa liloleka, ahene yaho munyi mulakaloleke harara naye, mu uvukumi vwivwe.

Vakolosai 3:4 ပူးပေါင်းရင်းမြစ်များ

Zaburi 17:15

Navuzwa inzi ndakalole ivi kigira mbeeye mu vulungi. Lwa mbuukaa, ndiizura uvusangari kigira mali kolola ivi.

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Matayo 13:43

Na avalungi valang'ereng'ana kuli liuva mu Vwami vwa Baba wavo. Oveeye na matu gu kuhulira, ahuliri.

Luka 17:30

Nindio galiva kandi lidiku liu Mwana wa Adamu aliloleka mu vukumi.

Yohana 11:25

Yeso yamuvolera, “Inzi niyie lisimuguka kandi livamwoyo. Usuviraa inzi kali niiva alakuza alava mwoyo;

Yohana 14:3

Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Vikolwa 3:15

Munyi mwita oyo oveeye uvutangiliru vwi livamwoyo. Navuzwa Nyasaye yamusimugukiza kutura mu likuza, nakunyi koveeye avalolekizi ku yaga.

Varumi 8:18

Ndolaa ndi uvusaliri vwitu vwi ing'inga ya kalunu yiyi si vunyala koleng'anywa nu vukumi vwa kulilola kali hakuzu mba.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

1 Vakorintho 1:7

kunangwa muvuli kogehera kihanwa cha Roho lwa muva nimulindiliraa liloreka liu Mwami wiitu Yeso Kristo.

1 Vakorintho 15:43

Guyavirwa mu livula kwizominywa; gusimugukizwa mu lizominywa. Guyavirwa mu vodedekere; gusimugukizwa mu zinguru.

2 Vakorintho 4:17

Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vafilipi 3:21

Alakagirung'anyie imiviri jietu midedekere yiji nukujikola kuva kuli umuviri gwigwe umwene gwu vukumi; Alakatumikiri zinguru yizio koleta ivindu viosi isi wu vwamihi vwivwe.

1 Vatesalonike 4:17

Kunangwa kunyi avakukiri mwoyo ing'inga yeyo kulakavungizwi harara navo mu malesi kwaganira mwami mu vwerefu; na ndio kulava harara nu Mwami mihiga ni mihiga.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

1 Yohana 5:12

Uyu oveeye nu mwana aveeye ni livamwoyo yili; uyu utaveeye nu mwana wa Nyasaye, siaveeye ni livamwoyo yili mba.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 22:14

Vaveeye nuvugasu avogizaa zinguvu ziavo, vaduuki kulia amakuyu gu musaala gwi livamwoyo kandi kwingira mu virivwa nu kuduuka mu lidaala linene.