Vakolosai 3:22 - KITABU KITAKATIFU

²² Avatugwa, muhuliri avami vinyu vu mu lirova mu vindu viosi, sigaveeye lwa vamulola kigira mwenya vamuyaanze, navuzwa mukore vutugwa yivwo numwoyo mulahi kigira mwatia Mwami.

Vakolosai 3:22 ပူးပေါင်းရင်းမြစ်များ

Litanga 42:18

Ku lidiku lia kavaga Josefu yavavolera, “Inzi mbeeye umundu watia Nyasaye, kandi ndamuhonyia ku kivuni kilala.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Nehemia 5:9

Maku ndavoora, “Icha mukoraa keveeye kidamanu! Muduukana mutie Nyasaye na mukore agaveeye malungi. Maku simulahana ku avizihiiri kivuni choosi icha vakokolera kehenyahenye mba.

Zaburi 123:2

Kuli mutumikiri yeeledaa ku munene weve kandi kuli mukaana mutugwa yeeledaa ku munene weve, O, Yahova, Nyasaye kunyi kulazizagilira kohenza ku ivi, kuduuka lwa okoveera zimbavasi.

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Kohelethu 5:7

Maloto manyingi na mang'ana manyingi si gaveeye ni kivune mba; gakuduukiraa utie Nyasaye.

Kohelethu 8:12

Kali umwoni nakora vudamanu haali 100, navuzwa amenyaa ing'inga indambi. Oh yee, ndaamanya gavavoraa, “Niiva ulatia Nyasaye, vuli kindu choosi kilava kilahi,

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Matayo 6:22

“Emoni eveeye kuli itaya yu muviri. Emoni yooyo neveeye inamu, umuviri gugwo gwosi gulizula uvulavu.

Matayo 8:9

Inzi kandi mbeeye umundu mukekeeke hasi ha malago ga vanene vandi avambiti, mbeeye na avasikari mia hasi ha malago gange. Nimbolera uyu, ‘Zia!’ Ma azia; nu wundi, ‘Hamba!’ Ma yaza; nu mutumikiri wange, ‘Kola kindu yiki!’ Maakora.”

Luka 6:46

“Kigira ki munyi mulangaa inzi, ‘Mwami, Mwami,’ navuzwa simukola agamuvoolera mba?

Luka 7:8

Inzi mwene mbeeye hasi hu vunyali vwa vanene vange, kandi mbeeye na vasikari mia hasi hange ava inzi nindanga. Nimbolera uyu, ‘Zia,’ ma azia kandi wundi, ‘Hamba,’ ma yaza kandi mbolera mutugwa wange, ‘Kola ndi’ maakora ndio.”

Vikolwa 2:46

Amadiku goosi vahongera kuvugana mu Litembeli, navuzwa ing'inga yo komeganyia mugadi, vavugana mu zinyumba ziavo, ni vasanga viukulia viavo nu vuyanzi kandi ni mioyo jaali ligali.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

Vakolosai 3:20

Munyi avana, muhuliri aviivuli vinyu mu vindu viosi, kigira yaga nigo gayaanziza Nyasaye.

1 Vatesalonike 2:4

Navuzwa kuli wa Nyasaye yakuvugilira kokolwe avalindi vi Ivangeri yeeye, ku kovora ndio sikovoola kuyaanzizi avandu mba, navuzwa kuyaanzizi Nyasaye ugerizaa mioyo jietu.

Filemona 1:16

Sigaveeye kuli umutugwa, navuzwa aviti mutugwa ligali, aveeye amiitu umuyanze mu Kristo. Aveeye umuyanze ligali ku inzi ligali! Kandi ku ivi alava umuyanze ligali kuli mutugwa kandi kuli amiitu mu Mwami.