Vakolosai 3:16 - KITABU KITAKATIFU

¹⁶ Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Vakolosai 3:16 ပူးပေါင်းရင်းမြစ်များ

1 Avami 3:28

Lwa avandu va Isiraeli vahulira amakuva gi likalaga lia Solomoni, vosi vaaha Solomoni uluyali lonene ligali, kigira valora ndi Nyasaye umali kumuha ovogeri kukalaga ovosooro nuvulungi.

1 Kyetsinyinga 25:7

Avandu 24 yava vaali vi limanya linene, na vandu va Levi vache vaavo vigizwa kwimba zinyimbu. Vosi vaali avandu 288.

Nehemia 12:46

Kutura ing'inga yu mwami Daudi, nu mwimbi Asafu, kale ligali muno, aviimbi vimilira zinyimbu zie lisandiza ku Nyasaye.

Ayubu 23:12

Vuli kazozo inzi ngolaa aga Nyasaye yandaga, nondaa vulaliri vwivwe, navuzwa si nondaa lienya liomwoyo gwange mwene mba.

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Zaburi 119:54

Mu limenya liange liimbi mu lirova, nombaa zinyimbu kolondekana na malago googo.

Zaburi 138:1

O, Yahova, ngusandizaa, nu mwoyo gwange gwosi. Nyimbaa liizominywa ku ivi imbiri wa vanyasaye vosi.

Zaburi 28:7

Yahova aveeye zinguru ziange, kandi inguva yange; inzi suuviraa muye: mwoyo gwange gu lamusangalira ligali; kigira amali kongonya; ndamwizominya ni zinyimbu ziu kumusandiza ligali.

Zaburi 32:7

O, Yahova Ivi oveeye havundu hange hu kwivisa, ulambonyia kutura mu vudinyu vwange vwosi. Ndimba vudinyu zinyimbu ziu kwizominya ovohonyi vuvwo kigira ukingaa inzi.

Zaburi 71:23

Inzi ndahanzuka kigira uvusangari lwa nyimbaa lizominywa liilio ku vukana; ndimba nu mwoyo gwange gwosi kigira ivi umali kombonyia.

Tsing'ano 14:8

Mundu mugeri atumikilaa ovogeri vwivwe kolola inzira yeeye, navuzwa vusiru vwu musiru vumuganda.

Tsing'ano 18:1

Vandu vatahulirizanaa na vandi viyanza; vahing'ana na agavandi vamanyi kuva malungi.

Lwimbu lwa Solomoni 1:1

Yizi ni zinyimbu zindahi ligali zia Solomoni.

Isaya 10:2

Mukora ndio kunangwa muduuki kwigalira avadaka vavuli konyoora uvulungi vwavo, kandi vavuli konyoora likalaga liu vulungi. Nindio mukoraa muduuki kuvugura miandu ja vakunzakali na vavisandu.

Isaya 26:1

Lidiku liizaa lwa vandu valakimbi lwimbu yilu mu kivala chi Ivuyuda: Lidaala linene lietu liveeye lie zinguru! Nyasaye mwene akingaa madigi galio nizimbinga zialio!

Isaya 30:29

Navuzwa munyi avandu va Nyasaye, mulimba zinyimbu ni musaangara kuli mukoraa mu ing'inga yu vudiku vwe lilia litakatifu. Mulimba ni musaangara kuli mundu agendaa kunzira niyimba nilirere kuzia mu Litembeli lia Yahova, mukingi wa avandu va Isiraeli.

Isaya 5:1

Huliriza lwa ngwimbira lwimbu yilu. Lwimbu lwu mulina wange harara nu mulimi gwi kizabibu chiche: Mulina wange yaali nu mulimi gwi kizabibu ku kiguru cha malova magunamu.

Jeremia 15:16

Ivi wamoloma ninzi na ndaahuliriza vuli likuva liilio. Inzi mbeeye woovo, Yahova Nyasaye Wuvunyali, kunangwa makuva googo galeetanga vusangali kandi uvuyanzi mu mwoyo gwange.

Matayo 26:30

Maku viimba ulwimbu nukutura ichova kuzia mu Kiguru cha Mizeituni.

Luka 2:51

Kunangwa yirana harara naviivuli kuduuka Nazareti, ni yegehiza kuvo. Mama weve yavika amakuva yaga goosi mu mwoyo gwigwe.

Yohana 15:7

Nimumenya mu inzi na amigizu gange nigamenya mu munyi, musaale choosi cha mwenya na munyi mulahevwa.

Varumi 10:17

Kunangwa lisuuvira liizaa kutura ku lihulira amakuva; kandi kuhuliraa amakuva kuvitira mu lilwaza Kristo.

Varumi 15:14

Avaamitu vange, mbeeye ni lisuuvira ndi munyi kandi mwizuyi uvulahi vwosi kandi, muveeye ni limanya liosi; kandi munyala kwigizana aveene naveene.

1 Vakorintho 14:15

Kunangwa ngoleki? Ndasaara na roho gwange, kandi ndasaara ni zing'anagani ziange; ndimba na Roho gwange, kandi nimba ni zing'anagani ziange.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

Vafeso 1:17

Saalaa kandi ndi, Nyasaye wu Mwami wiitu Yeso Kristo, Baba wuvukumi, ahaane ku munyi Roho weve ulikola munyi kuva avageri kandi ulivuula Nyasaye ku munyi kunangwa muduuki kumumanya vulahi ligali.

Vafeso 5:17

Kigira yaga, mutava avasiru, navuzwa mugerizi kumanyiriza uvulariri vwu Mwami.

Vafeso 5:19

Muvolerane aveene naveene makuva gi zizaburi, muzinyimbu kandi mu zinyimbu zindakatifu. Mwimbi zinyimbu kandi zizaburi ku Mwami ni lizominya mu mioyo jinyu ku Mwami.

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

Vakolosai 1:9

Kigira yaga, kutura nikuhulira, amakuva ginyu kwamenya ni kumusaalira kazozo. Koteva Nyasaye aduuki kumukola Mwizuli limanya liu vulaliri vwivwe, no vogeri vwosi kandi ni limanyiriza liosi lia Roho weve ahaanaa.

Vakolosai 4:6

Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.

1 Vatesalonike 1:8

Siliali kigira likuva liu Mwami lienyine kutura ku munyi ilialanda mu Makedonia na Akaya mba, navuzwa amakuva gi lisuuvira lienyu mu Nyasaye gamali kuhulirika havundu hoosi. Kunangwa sikunyala kuva ni kindu cha kovora mba.

1 Vatesalonike 4:18

Kunangwa mu leminyane mioyo munyi aveene naveene namakuva yaga.

2 Vatesalonike 3:15

Navuzwa mutamuvugula kuva umusigu mba, navuzwa mu mwiganihizi kuli aveeye mulala ku vandu vasuuvira.

Tito 3:6

Nyasaye yahaana kukunyi Roho Mutakatifu muvunyingi yahaana kuvitira mu Yeso Kristo, Muhonyi wiitu;

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

Yakobo 5:13

Aveeye ho nu mulala ku munyi oveeye mu vudinyu? Gamudukira asaale. Aveeye ho nu mulala ku munyi oveeye nu vusangali? Gamudukira yimbi zinyimbu ziu kwizominya.

1 Yohana 2:14

Ng'oderaa munyi avababa, kigira mumanya Baba. Ng'odera munyi, avasoleri kigira muveeye ni zinguru, kandi likuva lia Nyasaye limenya mu munyi; kandi mumali kuguuta mudamanu.

1 Yohana 2:24

Muleke amigizu gamwahulira kutura mu litanga gamenye mumunyi. Ni mugumira amigizu ga mwahulira kutura mu litanga, mulamenya mu mwana, kandi mu Baba.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

2 Yohana 1:2

Agiligali gamenyaa mu kunyi, kandi galava ni kunyi kuduuka mihiga ni mihiga.

Likunula 14:3

Vimba ulwimbu luhia imbiri wendeve yu uvwami, kandi imbiri wi vilombe viveeye mwoyo vine kandi imbiri wa vakulundu. Siyaali ho nu mundu uwaali anyala kwiga ulwimbu zana yilwo nivataveeye vuzwa avandu vaali 144,000 yavo avahonywa mu lirova na Nyasaye vave avandu veve.

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.