Vakolosai 3:12 - KITABU KITAKATIFU

¹² Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri.

Vakolosai 3:12 ပူးပေါင်းရင်းမြစ်များ

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 45:4

Ndaakotovola kuva mukonyi wu mutumikiri wange Isiraeli, avandu vamali kotovola. Mali kuhaana luyali lonene ku ivi, kali niiva siumanyi mba.

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Isaya 65:22

Si valumbaka zinyumba ma vandu vandi vamenye mu mba. Si valataga mizabibu mu milimi jaavo na vandu vandi kulia amakuyu gajo mba. Amadiku gi limenya lia vandu vange avatovole galava kuli amadiku gi limenya lie misaala. Kandi valasangalira amakuyu gi miyinzi ja makono gaavo ku madiku manyingi.

Isaya 65:9

Ndagasiza avandu va Isiraeli avaveeye vi ihiiri ya vandu vi Ivuyuda, kandi visukululwi vaavo valamenya mu kivala change chi ivigulu. Avandu vange avatovole, avandumikiraa, valamenya mu kivala yiki.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 31:3

Inzi ndaaloleka kuvo kutura ihale. Avandu va Isiraeli, inzi muyanzaa kazozo, kunangwa ndazizagilira kumumanyia uvuyanzi vwange vutaveeye nekeheri.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Matayo 24:22

Navuzwa Nyasaye umali kwimbihiza amadiku yago. Alavula kokora ndio, ngano sihaveeyeho nu mundu woosi uwakahoni mba. Navuzwa kigira avatovole veve, Nyasaye alakimbihiza madiku yago.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Matayo 24:31

Naye alatuma zingelosi veve ni kisiriva chu mwoyo munene, navo valavungiza avatovole veve vatuli zimbega zine ziosi zie lirova, kutura ku keheri yiki kuduuka ku keheri kindi chi lirova.

Marko 13:20

Navuzwa Umwami yayimbihiza amadiku gene yago; alavula kwimbihiza amadiku, avandu vosi vaali vakadivi. Navuzwa kigira avandu veve avatovole, Umwami yayimbihiza amadiku yago.

Marko 13:22

Kigira avamesia na vaporofeti vovovehi valatura nokokola ivilolekizu harara na agokogenyia, vaduuki kogotiza avatovole va Nyasaye, niiva ganyalika.

Marko 13:27

Maku Kristo alatuma zingelosi veve kuvungiza avatovole veve kutura mu zimbega ziosi zine zie lirova kutura ku keheri chi lirova kuduuka ku kindi.

Luka 1:78

Nyasaye wiitu aveeye wi zimbavasi kandi umulahi. Alalomba vulavu vwovohonyi vwake ku kunyi kutura mwigulu.

Luka 18:7

Kalunu, Nyasaye sialakalagira avandu avatovole veve uvulungi, avamwanira mbasu nuvudiku? Alalindagilira ko lohono kuvativulira lianira liavo?

Varumi 1:7

Kunangwa ng'oderaa munyi vosi avamuveeye mu Rumi, ava Nyasaye yayanza kandi, navalanga vave vatakatifu veve. Zimbavasi ni mirembe kutura ku Nyasaye Baba wiitu, kandi ku Mwami Yeso Kristo zive ni munyi.

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

Varumi 9:11

Kali niiva vaali nivakikiri kwivulwa kandi nivakikiri kokora vulahi anoho vudamanu vwulugano Iwosi, na kuduuka ovotovoli vwa Nyasaye vuzizagiliri, sigaveeye kigira imiyinzi ja makono gu mundu, navuzwa kigira ililangwa lilie.

1 Vakorintho 13:4

Vuyanzi vwikuziraa, kandi voveeye no vohoma; sivoveeye ne embodoka, anoho ni liegingira mba.

2 Vakorintho 6:6

Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vafeso 4:2

Muve ni liegehiza kazozo, vahoma kandi vikuziri; Mumanyie vuyanzi vwinyu ku liekuzirana aveene na vene,

Vafeso 4:24

kuduuka mwiviki liiva liu mundu muhia, ilialombwa muliiva lia Nyasaye, lievulaa liene mu liiva lia giligali kandi uvutakatifu.

Vafeso 4:32

Muve novohooma aveene ku aveene; muve nu mwoyo gwi zimbavasi kandi musamiihane aveene naveene kuli Nyasaye yasamiha munyi mu Kristo.

Vafilipi 1:8

Nyasaye aveeye mulolekizi wange ndi mboraa agiligali, lwambolaa ndi vuyanzi vwange ligali ku munyi mwosi vuturaa ku Kristo Yeso.

Vakolosai 3:10

Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie.

1 Vatesalonike 5:15

Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

Tito 1:1

Inzi Paolo, umutumikiri wa Nyasaye kandi mutumwa wa Yeso Kristo ng'oda ibarwa yiyi. Inzi ndaatovolwa nukutumwa kokonya lisuuvira lia avandu vatovole va Nyasaye, kandi kuvimilira ku agiligali gi dini yitu yigizaa.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.

2 Petro 1:10

Kulwa yaga, avaamitu, muyinziri ni zinguru miyinzi milahi mulombe lilangwa ni litovolwa lienyu vive via agiligali. Nimukora yaga simunyala koleka lisuuvira lienyu mba.

1 Yohana 4:19

Kunyi kuyaanza kigira Nyasaye yakuyaanza mu litanga.

2 Yohana 1:13

Avana vumukaana winyu muyanze vakuchelizi.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”