Vakolosai 2:5 - KITABU KITAKATIFU

⁵ Kali nindaveeye nimunyi mumuviri, navuzwa mbeeye harara nimunyi mu Roho. Inzi kandi sangala kolola vugulu vwinyu vonene, ni lisingira vudinyu lie lisuuvira lienyu mu Kristo

Vakolosai 2:5 ပူးပေါင်းရင်းမြစ်များ

2 Kyetsinyinga 29:35

Komeeda ku vihaanwa vinyingi ligali viu kusambwa, vialiho zitinya zie vihaanwa vie mirembe, kandi ni vihaanwa vie iwaini viazia harara ni vihaanwa viu kusambwa. Na ndio lisigamira lie Litembeli lia Yahova liatangizwa kandi.

Zaburi 78:37

Sivali avasuuvirifu kuye mba; sivali avasuuvirifu ku lilagana liavo naye mba.

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Livalidza 7:11

Yahova yavolera Musa, “Ovoolere aviimiliri yava ndi, vuli lidiku ku ing'inga ya madiku 12 vuli mulala alaleeta vihaanwa vivie mu litakasa uvwali.”

Vikolwa 2:42

Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

1 Vakorintho 11:34

Na niiva umundu woosi aveeye ninzara, gamudukira alie yengo weve gase livugana lienyu liladuuka ku likalagirwa na Nyasaye. Navuzwa kolondekana na makuva gandi gatigaye, ndakamwigizi lwa ndakaaze yaho.

1 Vakorintho 14:40

Ivindu viosi gaduukanaa vikoleke mu liiva lilahi kandi mu lilohiza lilahi.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

1 Vakorintho 16:13

Mulindi, musingiri vudinyu mu lisuuvira lienyu, muve valuviriri, kandi muve ni zinguru.

Vakolosai 2:1

Nyenya mumanye miyinzi midinyu jandaakola kigira munyi, kandi kigira avandu avaveeye mu Laodikia, kandi kigira avandi vosi avakikiri kundola moni namoni.

1 Vatesalonike 2:17

Avaamitu viitu, lwa kwavukanywa kutura ku munyi ku ing'inga ngekeeke, mu muviri, sigali ndio mu mioyo jietu, navuzwa kwaali na mahooru kandi nuvuha vwosi kumulora moni na moni.

1 Vatesalonike 3:8

Kalunu koveeye mwoyo ligali kigira musingiyi vudinyu mu Mwami.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

Vahebraina 6:19

Koveeye ni lisuuvirizwa yili kuli itiiru yi mioyo jietu. Lisuuvirizwa lizizaa kuduuka ku vwali inyima wisuka yi Litembeli liu mwigulu.

1 Petro 5:9

Musingiri nu vuluviliri mu lisuuvira lienyu kandi mumwigaliri kigira mumanya Avakristayo vandi mu kivala choosi vavitira mu vusaliri vulala vwere kuli munyi.

Ruth 1:18

Lwa Naomi yalora Ruzi usaaviyi kuzia harara naye, yaleka kovolerana naye.