Vakolosai 2:19 - KITABU KITAKATIFU

¹⁹ kandi yaleka kolonda Kristo oveeye mutwi gwu muviri. Mu vwimiliri vwa Kristo, muviri gwosi gu gasiziywi nu kuhambanywa harara mu viungu viagwo kandi guvirukaa kuli Nyasaye yenya guviruki.

Vakolosai 2:19 ပူးပေါင်းရင်းမြစ်များ

Luka 5:38

Lwaini imbia izukwaa mu zimuya zievisero zimbia!

Yohana 17:21

Saalanga vosi vaduuki kuva kindu kilala. Baba! Saalaa vave mu kunyi kuli ivi oveeye mu inzi, nainzi mbeeye mu ivi. Saalaa vave kindu kilala, kunangwa avumukivala vaduuki kusuuvira ivi wanduma.

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

Varumi 11:17

Yee, zindala ku zisia ziu muzeituni gwu mulimi gwa vasembeleraa zimali kuvunagwa, na mu vwiyangu vwazio, munyi iziisia zia muzeituni gwu mu mulitu zimali kuhambanywa kugwo, munyi avandu vi zihiiri zindi ni munyi avaveeye kuli iziisia zia muzeituni gwu mulitu, na kalunu musangaa harara na Vayuda livamwoyo liumu Roho lie zinguru.

1 Vakorintho 1:10

Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

1 Vakorintho 11:3

Navuzwa nyenya mumanye ndi Kristo aveeye mwimiliri wa vuli musaza, nu musaza aveeye mwimiliri wu mukali weve, kandi, Nyasaye naye aveeye umunene wa Kristo.

1 Vakorintho 3:6

Inzi ndaataga uvuguza, na Apolo naasama amazi; navuzwa Nyasaye naavuvirukiza.

Vafeso 1:22

Nyasaye yavika vindu viosi isi wi virenge via Kristo namukora kuva Mwami munene ku vindu viosi kigira likanisa lilie,

Vafeso 1:23

iliveeye muviri gwa Kristo, uvudukiru vwa uyu umwene utwekizaa vindu viosi havundu hoosi.

Vafeso 2:21

Niyie uhambanyia harara kandi agenenehizaa kuva Litembeli litakatifu iliaviikwa halovega kuva liu Mwami.

Vafeso 4:3

muve ni zinguru kulinda uvuhambani vwa Roho ahaanaa kuvitira mu mirembe ji muviika harara.

Vafeso 5:29

Sihaveeyeho nu mundu ku vosi uvihiliraa inyama yu muviri gwigwe mwene mba; navuzwa agulihizaa kandi agodenda, kuli Kristo adendaa likanisa,

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Vakolosai 1:18

Aveeye mutwi gwu muviri gwigwe, likanisa; aveeye uvutangiliru vwi livamwoyo liu muviri zana. Aveeye Muyaayi watanga kwivulwa, uwasimugukizwa kutura mu likuza, kunangwa oyo yenyine aduuki kuva wu mu vindu viosi.

Vakolosai 2:2

Inzi ngolaa yaga ni kivuni ndi, vaduuki koleminywa mioyo, vahambanywe harara mu vuyanzi, kunangwa vaduuki ku vutugi vwosi vwi lisuuvirizwa voletaa limanyiriza. Mu yaga; vaduuki kumanya agaviswa ga Nyasaye, agaveeye Kristo mwene.

1 Vatesalonike 3:12

Umwami amukole muyaanzane aveene naveene; kandi vuyanzi vwinyu vuduuki komeedeka ku vandu vosi.

1 Vatesalonike 4:10

kigira mukoraa likuva yilio ndio, kuyaanza avamwavo vosi avaveeye mu Makedonia mwosi, avaamitu viitu kunyi kumuzuva mumeede kokora ndio ligali.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.