Vakolosai 2:18 - KITABU KITAKATIFU

¹⁸ Mutaleka mundu kali mulala amukalagiri mba, wekolaa kuva munene ligali kuvita avandu vandi kigira amalola maduukiru kandi udinyiriza liegehiza liu vugadi, kandi lisigamira lie zingelosi. Mundu kuli uyu siaveeye ni kivuni kigira niyigingiraa mu zing'anagani zizie ziumuviri mba;

Vakolosai 2:18 ပူးပေါင်းရင်းမြစ်များ

Litanga 3:13

Maku Yahova Nyasaye yateva mukali, “Ni kindiki cha ivi umali kokora?” Mukali yativura, “Enzoka yaangada ma nindia likuyu.”

Ayubu 38:2

“Ivi oveeye vwaha uhing'anaa ni zing'anagani ziange na makuva gataveeye mu ni limanyiriza?

Isaya 57:9

Mwivakaa amarashi namaguta gafunyaa umwayu ma muzia kusigamira umunyasaye Moleki. Mutumaa avatumwa venyu kuzia ihale na himbi, kali kuduuka mu kihadisi ukwenya avanyasaye va musigamira.

Ezekieli 13:3

Yaga nigo aga Yahova Wuvunyali avoora: “Kivi keveeye ku vaporofeti vasiru yava! Vavoola makuva gi zing'anagani ziavo aveene kandi avelombera malola gaavo aveene.

Danyeli 11:38

Mu vugono vwene yivwo, alakahaane luyali ku vanyasaye vakingaa zimbinga. Alakahaane kihanwa chi izahabu, ifeza, magina guvuguli, kandi vihaanwa vindi viu vuguli ku nyasaye wa vaguuga veve vavura kusigamira.

Livalidza 25:18

kigira uvudamanu vwa vamukolera lwa vamugada ha Peori, kandi kigira Kozibi, uwiitwa ing'inga yu vulwaye vuhambizana ha Peori.”

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Varumi 1:25

Vagirung'anyia agiligali ga Nyasaye kuva vovehi; vasigamira nu kutumikira vindu via Nyasaye yalomba mu vogono vwu Mulombi mwene, udukana kwizominywa mihiga ni mihiga! Amini.

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

1 Vakorintho 13:4

Vuyanzi vwikuziraa, kandi voveeye no vohoma; sivoveeye ne embodoka, anoho ni liegingira mba.

1 Vakorintho 3:3

kigira mukemenyi kuli avandu vi lirova yili vamenya. Lwe embodoka ni lirembana vikikiri hagati hinyu, vindu yivi vimanyia ndi munyi mukikiri vandu vi kivala, kandi mumenyaa kuli avandu vatamanyi Nyasaye.

1 Vakorintho 4:18

Avalala ku munyi vatangi liegingira kigira hawundi muganaganaa ndi sindaaza nzizi ku munyi mba.

1 Vakorintho 4:6

Avaamitu vange, inzi mali kokora yaga goosi ku inzi mwene, kandi ku Apolo kulwu vukala vwinyu, kunangwa muduuki kwiga kutura kukunyi kivuni chi livoora yili, “Mulonde amalago gadukanaa.” Kulwayago mulala ku munyi atava ni liegingira na achaye wundi mba.

1 Vakorintho 8:1

Kalunu, nyenya kong'oda kolondekana ni viukulia visalisirangwa vifananyi, gaveeye agiligali ndi, “Kunyi kwosi koveeye nilimanya,” kuli vavoola. Navuzwa limanya kuli yilio lilombaa mundu kuva ni liegingira, nitali uvuyanzi vokolaa kunyi kuviruka mu Roho.

1 Vakorintho 9:24

Mumanyi vulahi ndi mu ligerana lie zimbiru, avanyaguli vosi vageranaa, navuzwa mulala kuvo niyie onyoora kihaanwa. Kunangwa kuduuka munyaguli muduuki konyoora kihaanwa.

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vafeso 4:17

Mu lieta liu Mwami, nziganihizaa munyi ndi: Mutazizagilira komenya kuli avandu vatamanyi Nyasaye mba vamenyaa mba; aviziganagani ziavo zindamanu ziveeye izia vuzwa

Vafeso 5:6

Mutaleka mundu kali mulala amugaade na makuva gu vusiru mba; gaveeye kigira vindu yivi uvutima vwa Nyasaye vuduuka ku avandu vosi avavuraa kumutia.

Kwidzulitsa 29:29

“Vindu viaviswa viveeye via Yahova Nyasaye wiitu navuzwa viveeye havulavu viveeye vietu harara na vana viitu mihiga ni mihiga, kunanwa kuduuki kokora makuva gi lilaga lilie.

Vafilipi 3:14

Kunangwa inzi nyagura zimbiru vulungi kuduuka ahukutwekizira no okonyora itaji yi liguuta eveeye lilangwa lia Nyasaye kuvitira mu Kristo Yeso, kuduuka ku livamwoyo lie igulu.

Vakolosai 2:23

Mugiligali, malago yaga gaveeye kuli gidiira kovogeri mu linigwa lisigamira zingelosi, numuliegehiza liu vugadi nu mu vwikuziri mu likubiza umuviri kivi; navuzwa siviveeye vindu viu kwigalira likayirwa liu muviri mba.

Vakolosai 2:4

Mboraa yaga, kunangwa mundu kali mulala avuli kuduuka kumugada na makuva go vovehi mba, kali nigava nigaveeye malahi kuli ki.

Vakolosai 2:8

Muhenze vulahi gase mundu woosi alamukola vahambe kandi avatugwa ku vogeri vwu mu kivala nuvugadi vwa vuzwa, vwo vogeri ni miima ja avandu vituraa ku miigizu ga avandu na mademoni gamiihaa mu vwerefu, agataveeye ga Kristo.

2 Petro 2:14

Sivenyaa vaheenze ku kindu kindi mba, navuzwa avakali vaheyi venyine; kandi liegamba liavo ku likora uvwoni siliveeye ne keheri mba. Vagoonya nu kwimilira avandu vadedekere kwingira mu mutego gwu uvwoni. Imioyo jaavo jaanalizwa kuva mu vuhuvaali. Nyasaye yavalaama!

1 Yohana 2:26

Vindu yivi mung'oderaa kigira yavo avagerizaa kumugaada.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 13:14

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.

Likunula 3:11

Nziza vwangu. Ugumiri vudinyu icha oveeye nacho. Atava ho nu mulala uhiraa itaji yooyo yi liguuta.