Vakolosai 2:16 - KITABU KITAKATIFU

¹⁶ Kunangwa mutaleka mundu woosi amukalagiri kigira viukulia anoho viukunwa anoho ku lidiku lie lisavo, anoho kulilonda mweli muhia, anoho lisabato mba.

Vakolosai 2:16 ပူးပေါင်းရင်းမြစ်များ

2 Avami 4:23

Musaza weve yateeva “Kigira ki uzie kalunu? Siliveeye lisabato kinga lisavo liu Mweli Muhia.” Yativura, “Utahenda mwoyo mba.”

1 Kyetsinyinga 23:31

kandi vuli lwosi lwi vihaanwa ku Yahova visambwa ku Lisabato, Lilia liu Mweli Muhia, kandi na masavo gandi. Malago galombwa mu likora miyinzi yigi nigavooraa vandu va Levi vanga avatovolwa kokora miyinzi yigi vuli ing'inga. Vandu va Levi vatovolwa kokora miyinzi ju kusigamira Yahova kulwi zing'inga ziosi.

2 Kyetsinyinga 31:3

Lihaana liu mwami liatula ku vutugi vwivwe, na viahaanwa kuva kuli vihaanwa viu kusambwa via mugambazuri na ha mugolova, kandi ku masabato, mieli mihia, kandi ku masavo gatovolwa kuli gang'odwa mu lilaga lia Yahova.

Nehemia 10:31

Niiva avageni valaleta vuswage kinga ivindu vindi viosi kukugulizira ku lidiku lie Lisabato anoho ku lidiku lindi liosi litakatifu, kunyi sikulavigula kutura kuvo mba. Vuli muhiga gwa saba, sikulalima milimi mba, kandi kulaleka livanza magovi goosi.

Nehemia 10:33

Kulahaana ivindu yivi kigira lisigamira lie Litembeli: Mugadi mutakatifu, kihanwa chu vuswage cha vuli lidiku, izinyama zienyekaa zisambwe kuli visiuviliru vuli lidiku, vihaanwa vitakatifu kigira Lisabato masavo gu mweli muhia, kandi namasavo gandi, vihaanwa vitakatifu vindi, vihaanwa viukukunika uvwoni vwa Isiraeli, kandi nikindu kindi choosi ichenyekaa kigira uvutumiki vwi Litembeli.

Nehemia 8:9

Lwa avandu vosi vahulira agi Lilaga lienyaa, vaasalirizwa mu mioyo jaavo ligali, ma nivatanga kulira. Kunangwa Nehemia, uwaali mwamihi, harara na Ezira, uwaali musaalisi kandi mwigizi wi Lilaga vasomera avandu Lilaga lia Nyasaye, na vandu va Levi avaari ni vivaalaa Lilaga vaavoolera avandu ndi, “Lidiku lia kalunu liveeye litakatifu ku Yahova Nyasaye, kunangwa mutalira anaho kusioma mba.

Zaburi 42:4

Mwoyo gwange guzunangwa novovereri vonene ligali lwa nzizuliza kuli ndaziza nu muganda gwa vandu mu Litembeli lia Nyasaye ni mbimiliraa mu zimbaso lwa vagenda nivimba nukuhanzuka zinyimbu zie lizominywa ku Nyasaye.

Zaburi 81:3

Mukubi kisiriva kigira lilia, lwu mweli gulavaa kandi lwu mweli guchelaa.

Isaya 1:13

Mutandeteli vihaanwa vienyu vitaveeye novokoonyi kandi mba. Lifunya lie kimuli cha musambaa limbihilirizaa. Sinyala kwikuzira ku amasavo ginyu gu mweli muhia, Amasabato, na mavugano ginyu; viosi vikoleywe vidamanu nuvwoni vwinyu.

Ezekieli 4:14

Maku ndaamutivulira, “Ah Mwami Munene Yahova! Inzi sindayeyononyia ku kali hakuzu mba. Kutura mu vosooleri vwange kuduuka kalunu ndi, inzi sindaalia ku kindu choosi chaakuza anoho ichiitwa ni zinyama ziu muvulimu mba, anoho si ndaaliaku inyama yukuvihiririza mba.”

Ezekieli 45:17

Gulava muyinzi gwu mwamihi kuhaana vihaanwa viu kusambwa, vihaanwa viu vuswage kandi vihaanwa vie iwaini ku ihiiri yoosi ya Isiraeli ku ing'inga ya masavo gu Mweli Muhia, Lisabato kandi masavo gandi. Kandi alahaana vihaanwa viu vwoni, vihaanwa viu vuswage, vihaanwa viu kusambwa, kandi vihaanwa vie mirembe kunangwa vandu va Isiraeli vaduuki kusamifwa uvwoni vwavo.”

Kyavalevi 16:31

Lidiku yilio lilava lidiku litakatifu ligali, lilara lisabato, liokohonga lilia kandi lia mutakola miyinzi josi mba. Malago yaga galalondwa kazozo.

Amosi 8:5

Mwevoleraa aveene, “Lihonga liu mweli muhia lilafa ng'inga ki, ku kuduuki kuguliza vuswage vwitu? Kandi lidiku lie Lisabato lilahera ng'inga ki kunangwa kuduuki kuguliza vuswage vwitu kandi? Hene yaho kunyala kuviika vuswage ku vuguli vwi igulu ligali nu kutumikira vibimu viu vugadi nukuviika ziratiri ziu vugadi ukugaada avaguli.

Livalidza 10:10

Kandi ku lidiku liu vusangali vwinyu, ing'inga yi lilia mu litanga lie mieli mihia, mulakuba visiliva lwa muhaana vihaanwa viu kusambwa kandi vihaanwa vie mirembe. Yivi vilava kuli lizuliza imbiri wa Nyasaye. Inzi mbeeye Yahova Nyasaye winyu.”

Matayo 15:11

Kindu kekolaa umundu kuva mudamanu, si keveeye ikindu kingiraa mu munwa gwigwe mba, navuzwa ikitulaa muye nicho kimukolaa kuva mudamanu.”

Marko 7:19

kigira si kimwingira mu mwoyo mba, navuzwa kizizaa munda, na inyima kitulaa ichova?” Mu livoora yaga, Yeso yavoola iviukulia viosi vive iviukuliivwa.

Vikolwa 15:20

Navuzwa kuvang'odere ibarwa kuvavoolera ndi vatalia viukulia vikoleywi vidamanu ku lihaanwa ku misambwa ja vanyasaye mba; valeke ovoheyi; vatalia inyama yoosi imigiywi, kandi vatanwa amasahi.

Varumi 14:10

Kunangwa, kigira ki ivi ukalagiraa amwavo woovo? Na ivi, kigira ki uchayaa amwavo woovo? Kunyi vosi kulakasingiri imbiri wa Nyasaye kukalagirwa naye.

Vagalatia 4:10

Munyi muhenzerizaa nu mukuminya amadiku, mieli, izing'inga mi mihiga.

Vakolosai 2:20

Nimuva ni mwakuza harara na Kristo ku amigizu ga kale gilirova kandi ni muhonywa kutura mu zinguru zia roho jamiihaa vwerefu, kigira ki mumenye kandi kuli yava avakikiri mu lirova yili? Kigira ki muviikirwaa amalago ga mulonda kuli,

Vahebraina 13:9

Mutahunzulanywi yiyi nayiyi kutura kunzira yuvulungi na migizu mageni gi zing'ano ziosi mba. Ni vulahi konyoora zinguru ziu mu mwoyo kutura ku zimbavasi zia Nyasaye, na sigaveeye ku lilonda amalago ni viukulia mba, yavo avalonda malago yago, sigavakonya mba.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.

Yakobo 4:11

Avaamitu vange, mutamonyana aveene na vene mba. Niiva ulamonya Mukristayo wache anoho umukalagiri omonyaa Lilaga kandi ulikalagira. Niiva ulakalagira Lilaga, sioveeye mulala ku yavo avaliloondaa mba, navuzwa oveeye mulala ku avalikalagira.

1 Samweli 20:18

Maku Jonazani yamuvolera, “Kigira mugamba liveeye Lisavo liu Mweli Muhia, livula kuva ho liilio lilaloleka niiva ulavula kuva komesa ing'inga yi chukulia.

1 Samweli 20:5

Kunangwa Daudi yativura, “Mugamba ni Lisavo liu Mweli Muhia, na gandukira kulia harara nu mwami. Navuzwa niiva voveeye vulahi ku ivi, ndazia kwivisa mu mulimi kuduuka hamugorova gwi lidiku liakavaga.