Vakolosai 2:13 - KITABU KITAKATIFU

¹³ Lwa mwaali nimwakuzira mu lihiola lienyu nu mulivula kokevwa miviri jinyu, Nyasaye yaarnuha livamwoyo harara na Kristo, yakusaameha uvwoni vwitu vwosi;

Vakolosai 2:13 ပူးပေါင်းရင်းမြစ်များ

Zaburi 119:50

Kali mu lisalirizwa liange ndaleminywa mwoyo gwange, kigira lisuuviriza liilio liamba vulamu.

Zaburi 32:1

Aveeye nu vugasu oyo wa mahiolo geege gasamiihiywi, kandi wu vwoni vwivwe vutuliziywi ho.

Zaburi 71:20

Ivi umali kumbika mu vudinyu vululu ligali kandi nuvusaliri vunyingi. Navuzwa ulanziranyira zinguru; ulambonyia kutura mu likuza.

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Luka 15:24

Muyaayi wange uyu yaali yakuza, navuzwa kalunu aveeye mwoyo; yaali niyagota, navuzwa kalunu anyoleki!’ Maku vatanga kolomba lilia!

Luka 15:32

Gaduukani kolombe lilia kandi kusangale, kigira amwavo woovo uyu yaali niyakuza, navuzwa kalunu aveeye mwoyo; yaali niyagota, navuzwa kalunu anyoleki.’ ”

Luka 9:60

Yeso yamuvolera, “Oleke vakuzu vate avakuzu vaavo aveene. Navuzwa ivi uzie kwilwaza uvwami vwa Nyasaye.”

Yohana 5:21

Kuli Baba asimugukizaa avakuzu nu kuvaha livamwoyo, kandi nindio mwana ahaanaa livamwoyo ku yavo avaayaanza.

Yohana 6:63

Roho wa Nyasaye niyie uhaanaa livamwoyo, zinguru ziu mundu si zinyala kindu mba. Amakuva ga inzi mali kumuvolera nigo galetaa Roho wa Nyasaye galetaa Roho wa Nyasaye uhaanaa livamwoyo.

Varumi 4:17

Kuli Mang'oda Matakatifu gavoora, “Mali kokora ivi baba wi zihiiri zinyingi.” Lisuuvirizwa yili liveeye lilahi imbiri wa Nyasaye, wa Aburahamu yasuuvira muye, Nyasaye uhaanaa livamwoyo ku vakuzu, kandi ku malago geege aleetaa vitaveeye ho, kuva ho.

Varumi 6:13

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

Varumi 8:11

Niiva Roho wa Nyasaye, wasimugukiza Yeso Kristo kutura mu vakuzu, amenyaa mu munyi, hene yaho, uyu wasimugukiza Yeso Kristo kutura mu vakuzu alahaana livamwoyo mu miviri jinyu kuvitira mu Roho weve, omenya mu munyi.

1 Vakorintho 15:36

Ivi musiru! Lwutaagaa vumwu mu marova, si vunyala komera nivutakuzi kutanga mba.

1 Vakorintho 15:45

Mang'oda Matakatifu gavoora, “Mundu wu kutanga, Adamu yalombwa kelombe chi livamwoyo.” Navuzwa Adamu wukumaliriza aveeye Roho uhaanaa livamwoyo litahera.

2 Vakorintho 3:6

Yakokola kove avatumikiri vadukiru vi Lilagana lihia litaveeye lie lilaga liang'odwa, navuzwa lia Roho. Lilaga liang'odwa liletaa likuza, navuzwa Roho ahaanaa livamwoyo.

2 Vakorintho 5:19

Agaveeye kovora ndi, Nyasaye yahambanyia vandu vumukivala kuye mu Kristo. Siavalizaa uvwoni vwavo kuvo kandi mba. Oyo yakuha Ivangeri yukuhambanyia avandu kuye.

Vafeso 2:1

Maziambiri munyi mwaali avakuzu mu Roho kigira lihiola kandi uvwoni vwinyu.

Vafeso 2:11

Kunangwa mwizurizi ndi mwaali vandu vizihiiri ku liivulwa maziambiri. Mwalangwa, “avatakevwa,” na Avayuda avilangaa “avakevwa,” yili ni likevwa liu muviri.

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

Vakolosai 2:12

Munyi mwayavilwa harara na Kristo mu libatizwa, kandi mwasimugukizwa harara naye kuvitira mu lisuuvira lienyu, mu zinguru zia Nyasaye, wa simugukiza Kristo kutura muvakuzu.

Vahebraina 6:1

Kunangwa, gendi kwisundi imbiri kuduuka ku migizu gu vuduukiru nakoleke inyima amigizu gukutanga gu Vukristayo. Kutatema kandi musingi gwi lieganira kutura ku miyinzi midamanu, nu gwi lisuuvira mu Nyasaye mba;

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

Yakobo 2:17

Kunangwa gaveeye ndio ni lisuuvira: niiva liveeye lisuuvira litalondekanaa ni vikolwa, hene yaho liakuza.

Yakobo 2:20

Umusiru ivi! Wenyaa umanywe ndi lisuuvira vugira ivikolwa liakuza?

Yakobo 2:26

Kunangwa, kuli umuviri vugira umwoyo gwakuzi, kandi ndio, lisuuvira vugira vikolwa liakuza.

1 Yohana 2:12

Ng'oderaa munyi, avana vange, kigira uvwoni vwinyu vusamiihhiywi kigira lieta lia Kristo