Vakolosai 1:9 - KITABU KITAKATIFU

⁹ Kigira yaga, kutura nikuhulira, amakuva ginyu kwamenya ni kumusaalira kazozo. Koteva Nyasaye aduuki kumukola Mwizuli limanya liu vulaliri vwivwe, no vogeri vwosi kandi ni limanyiriza liosi lia Roho weve ahaanaa.

Vakolosai 1:9 ပူးပေါင်းရင်းမြစ်များ

Zaburi 119:99

Manyiriza kuvita avigizi vange, kigira ng'anagana ligali ku amigizu googo.

Zaburi 143:10

Ivi oveeye Nyasaye wange; unzigize kokora uvulariri vuvwo. Roho gugwo umulahi gunzimiliri kunzira yu vulungi.

Yohana 7:17

Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange.

Vikolwa 12:5

Kunangwa lwa Petero yaali muvuhambe likanisa liamusaalira Nyasaye ni zinguru ziosi.

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

1 Vakorintho 1:5

Kigira mu lihambanywa harara na Kristo, mumali kokolwa avatugi mu vindu viosi mu limoloma liosi kandi mu limanya liosi.

Vafeso 1:8

zia yahaana ku kunyi kuvita kegero. Mu vogeri vwivwe vwosi kandi limanya,

Vafeso 5:10

Mugerizi kwiga agayaanziza Mwami.

Vafeso 5:17

Kigira yaga, mutava avasiru, navuzwa mugerizi kumanyiriza uvulariri vwu Mwami.

Vafeso 6:6

Vutava vutumiki vwu kuyanziza vandu kigira mwenya vamuvugiliri mba, mukore kuli Nyasaye yenya nimioyo jinyu josi.

Vafilipi 1:4

Vuli ing'inga lwa salira munyi mwosi, saalaa nu uvusangari

Vakolosai 1:6

Ivangeri yiyi imali kuduuka ku munyi kuli wa veeye mu lirova liosi nokoleta vugasu no komeedeka, kuli eveeye ku munyi kandi, kutura lidiku lia mwa hulira nu kumanyiriza zimbavasi zia Nyasaye mu agiligali.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

Vakolosai 4:5

Muve no vogeri ku vandu avatasuuvira. Mutumikiri vwiyangu ni ing'inga ya muveeye nayo vulahi.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

1 Vatesalonike 5:17

musaale Nyasaye vugira kolekera.

2 Vatesalonike 1:11

Kigira yaga, kumusaalira vuli kazozo. Nyasaye wiitu aduuki kumukola kuva avadukiru mu livamwoyo lia yamulangira komenye. Nyasaye ayaanze atwekizi lienya lienyu liu vulahi, kandi atwekizi miyinzi josi ji lisuuvira.

Filemona 1:4

Amiitu Filimona, sandizaa Nyasaye wange kazozo, lwa ngwizulizaa mulisaala liange,

Filemona 1:6

Lisaala liange liveeye ndi, lisanga lietu harara niivi ku vandu avasuuviri lilakaleete limanyiriza linene liu uvugasu vwosi vwa kunyi koveeye navwo, mu vuhambani vwitu mu Kristo.

Vahebraina 10:36

Gamuduukira muve nu vwikuziri, kunangwa muduuki kokora uvulariri vwa Nyasaye, kandi munyore via Nyasaye amulagaa.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

1 Petro 2:15

Uvulariri vwa Nyasaye voveeye ku likora vulahi muduuki kukiring'anyia limoloma lia vandu avasiru.

1 Petro 4:2

Kutura kalunu, mutazizagilira komenya mu likaayirwa lia vandu mba navuzwa mu vulaliri vwa Nyasaye.

1 Yohana 2:17

Kivala harara ni vindu viacho viosi via avandu vakayirwa vivitaa, navuzwa uyu okolaa uvulariri vwa Nyasaye ahindiraa imihiga ni mihiga.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.