Vakolosai 1:5 - KITABU KITAKATIFU

⁵ Kigira lisuuvirizwa lia mwaviikirwa mwigulu. Lisuuvirizwa yili mumali kuhulira mu likuva liagiligali lie Ivangeri.

Vakolosai 1:5 ပူးပေါင်းရင်းမြစ်များ

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Luka 12:33

Mugulize vindu vienyu viosi, muhaane ku avadaka. Mwelombere zimuya zitakunguhaa mba, muve nilivikiru mwigulu ahu mwivi ataduuka, anoho ahizisere zitononyia mba.

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 13:26

“Avandu va Isiraeli vache vange, munyi kisukururwi cha Aburahamu, na avizihiiri vosi avasigamiraa Nyasaye! Likuva lio vohonyi yili lileeteywi ku kunyi.

Vikolwa 23:6

Navuzwa lwa Paolo yalora ndi kiduma kilala nicha Avasadukayo ni ikindi cha Avafarisayo, yahanzuka imbiri wi kiyaalo navoora, “Avaamitu vange, inzi nu Mufarisayo, umwana wu Mufarisayo. Inzi mali koleetwa mu kiyaalo kigira lisuuvira liambeeye nalio ndi avakuzu valakasimuguki.”

Vikolwa 24:15

Mbeeye nilisuuvirizwa lilala liere mu Nyasaye kuli avandu vene yava vaveeye nalio ndi, avandu vosi, vombi avalungi na avadamanu valakasimugukizwi.

Varumi 10:8

Icha gavoora ni yiki: “Likuva lia Nyasaye liveeye ahimbi niivi, liveeye mu munwa gugwo, kandi mu mwoyo gugwo,” - nalio liveeye likuva lie lisuuvira lia kwilwazaa.

1 Vakorintho 13:13

Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.

1 Vakorintho 15:19

Niiva lisuuvirizwa lietu mu Kristo liveeye lilahi kigira livamwoyo lie ing'inga yiyi yenyine, kunangwa gakuduukiraa koveerwe zimbavasi ligali kuvita mundu wundi woosi mu lirova.

2 Vakorintho 5:19

Agaveeye kovora ndi, Nyasaye yahambanyia vandu vumukivala kuye mu Kristo. Siavalizaa uvwoni vwavo kuvo kandi mba. Oyo yakuha Ivangeri yukuhambanyia avandu kuye.

2 Vakorintho 6:7

Kwilwaza likuva lietu lia giligali mu zinguru zia Nyasaye. Koveeye nu vulungi kuli viugi viu kulwaanira kandi kwikingira.

Vagalatia 2:14

Lwa ndaalora ndi ligenda liavo ku lovega lwa agiligali gi Ivangeri si liali lirungi, ndagondokera Petero imbiri wavo vosi, “Ivi oveeye Muyuda, na wamenyangi kuli vandu vizihiiri, si gaali kuli Muyuda mba! Ivi unyala ndi kogeriza kuniga vandu vizihiiri vamenye kuli Avayuda?”

Vagalatia 2:5

Sikwavugilira ku lienya liavo kali hakuzu mba. Kunangwa, kwenya agiligali gi Ivangeri gaduuki komenya mumirembe kigira munyi, vugira kwononywa.

Vagalatia 5:5

Navuzwa, ku lisuuvira, kulindilira nu vuha kuvitira mu roho, vulungi vwi lisuuvirizwa.

Vafeso 1:13

Munyi kandi mwagwa avandu va Nyasaye lwa mwahulira likuva lia giligali lie Ivangeri iyamuleetera vohonyi. Mwasuuvira mu Kristo, kandi Nyasaye yavika muhuri gwigwe kumanyia ndi munyi muveeye vandu aveeve, ku limuha Roho Mutakatifu wa yasuuviriza.

Vafeso 4:21

Gaveeye havulavu, mwahulira vulahi amakuva geege, kandi kuli avalondi veve mwigizwa agiligali agaveeye mu Yeso.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Vahebraina 7:19

Lilaga lia Musa siliali linyala kokora kindu choosi kuva kidukiru mba. Navuzwa kalunu mu vogono vwalio, lisuuvirizwa lilahi ligali kuvita, limali kuhaanwa lia kunyala kuvitira mu, ma kwisundi ahimbi ku Nyasaye.

1 Petro 2:2

Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

2 Petro 1:12

Kunangwa ndamwizuliza vuli kazozo vindu yivi, kali niiva mwavimanya kandi vaduukiru mu giligali ga mwanyoola.

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.