Vakolosai 1:29 - KITABU KITAKATIFU

²⁹ Kolola ndi yaga gekoleki, nyang'anaa nokokola miyinzi vudinyu ligali nindumikiraa zinguru zinene zia Kristo ahaanaa, kandi zikolaa miyinzi mu inzi.

Vakolosai 1:29 ပူးပေါင်းရင်းမြစ်များ

Luka 13:24

“Mukore zinguru kwingira mukiliango keng'erere; kigira avandu vanyingi valageriza kwingira mu Vwami vwa Nyasaye navuzwa sivalinyala mba.

Varumi 15:20

Likayirwa liange kazozo liveeye kwilwaza makuva malahi hoosi hi lieta lia Kristo likikiri kutalwa, gase ndumbaka ku musingi gwu mundu wundi.

Varumi 15:30

Kunangwa avaamitu vange, mugoonyaa ligali imbiri wo Mwami wiitu Yeso Kristo, kandi mu vuyanzi vwa Roho ahaanaa, muhambane harara ninzi mu lisaala nu mwoyo gwu vugulu ku Nyasaye.

1 Vakorintho 12:11

Yiji josi jiveeye imiyinzi ja Roho mulala mwere; kandi ahaanaa ku mundu sa mulala kihaanwa kuli mwene atovoraa.

1 Vakorintho 12:6

Haveeye ho ni zing'ano zinyingi zio kokora miyinzi, navuzwa Nyasaye aveeye mulala uhaanaa vunyali kuavandu vosi kokora miyinzi lugano lugano.

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

2 Vakorintho 11:23

Yavo vaveeye avatumikiri va Kristo? Inzi mbeeye mutumikiri mulahi wa Kristo ligali kuvavita; mboraa yaga kuli umulalu. Mali kuyinzira vudinyu ligali mali kuvikwa mu vuhambe haali kanyingi. Mali kukuywa haali kanyingi ligali, kandi mali kuva ahimbi ku likuza vuli ing'inga.

2 Vakorintho 13:3

Mulakalole aveene ndi Kristo amolomaa kuvitira mu inzi. Lwa Kristo ayinziraa ni munyi, Kristo siaveeye mudedekere mba, mu vogono yivwo, amanyia zingulu zizie hagati hinyu.

2 Vakorintho 5:9

Nikuva nikoveeye ho mu livamwoyo yili, anoho mu livamwoyo liu mwigulu, lienya lietu linene liveeye kumuyanziza.

2 Vakorintho 6:5

Kwamala kukuywa, kwavofwa mu vuhambe; kwavihilirwa no kosekerizwa, kandi ividuma viakokolera kehenyahenye, kwayinzilizwa vudinyu vugira lisosa; sikwanyoola ligona zindoolo kali hakuzu, kandi kwaali ninzara.

Vafeso 1:19

Kandi muduuki kumanya kuli ovonene vwi zinguru zizie vuyinziraa mu kunyi avakusuuviraa. Zinguru yizi ziyinziraa mu kunyi yizio, ziveeye zindala nzere kuli zinguru zinene ligali,

Vafeso 3:20

Kalunu uyu, wi zinguru zizie ziyinziraa mu kunyi, anyala kokora amanyingi ligali kuvita yago agakunyala koteeva anoho kuganaganaa.

Vafeso 3:7

Inzi ndakorwa mutumikiri wi Ivangeri ku kihanwa kidukiru chi zimbavasi zia Nyasaye cha yamba kuvitira mu miyinzi ji zinguru zizie.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 1:30

Munyi harara ninzi koveeye mu vulwani vulala vwere kuli mwaandola mazambiri, kandi vwa muhulira, inzi ngilwaanaa vulwani yivu.

Vafilipi 2:13

Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

Vafilipi 2:16

lwa muva muvahezaa likuva lie livamwoyo. Nimuva nimukora ndio, inzi ndava ni kivuni chukwekonya kigira munyi Lidiku lia Kristo, kigira lilamanyia ndi ilinyang'ana liange liosi harara ni miyinzi josi sijali ja vuzwa mba.

Vakolosai 2:1

Nyenya mumanye miyinzi midinyu jandaakola kigira munyi, kandi kigira avandu avaveeye mu Laodikia, kandi kigira avandi vosi avakikiri kundola moni namoni.

Vakolosai 2:12

Munyi mwayavilwa harara na Kristo mu libatizwa, kandi mwasimugukizwa harara naye kuvitira mu lisuuvira lienyu, mu zinguru zia Nyasaye, wa simugukiza Kristo kutura muvakuzu.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

1 Vatesalonike 2:9

Munyi mwizulizaa, avaamitu viitu, kuli kwayinzira vudinyu kandi nikunyang'ana! Kwayinzira vudiku na mbasu ku kunyangiza mundu kali mulala ku munyi lwa kwamwilwazira Ivangeri ya Nyasaye.

2 Vatesalonike 3:8

Kunyi sikwaalia chukulia chu mundu kali mulala vugira kutuunga mba. Navuzwa muvogono yivwo kwanyangana kandi nikuyinzira vudinyu. Kwazizagilira kuyinzira vudiku nu mbasu kunangwa kuvuli kumina mundu kali mulala ku munyi.

Vahebraina 12:4

Mu lihandalala kuguuta vwoni, mukikiri kulwaana nukuhingira vwoni kuduuka ku kika chu kwitwa;

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

Likunula 2:3

Ivi oveeye umwikuziri kandi umali kusalira kigira inzi, navuzwa siwakuza mwoyo mba.