Vakolosai 1:28 - KITABU KITAKATIFU

²⁸ Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

Vakolosai 1:28 ပူးပေါင်းရင်းမြစ်များ

Ezara 7:25

“Ivi Ezara, utumikiri ovogeri vwa Nyasaye yakuha, ma otovole aviimiliri kandi vakalagi kwamiiha vandu vosi vi Imadioli wa Efurate avamenyaa kigira lilaga lia Nyasaye woovo. Ivi kuduuka wigizi lilaga yilio ku umundu woosi utalimanyi mba.

Tsing'ano 8:5

Mukikili nu lwana? Mwigi kuva vahindira. Muveeye vasiru? Mwigi kuva ni limanya.

Kohelethu 12:9

Navuzwa kigira mwilwazi yaali mugeri, yaazizagilira kwigiza vandu gayamanya. Yenyeleriza zing'ano, kandi yageriza kohenzeriza giligali gezingano mu vusuuvirifu vwivwe.

Jeremia 3:15

Ndakamuhe avamihi avatizaa kandi valakamwamiihi novogeri nilimanyiriza.

Jeremia 6:10

Inzi ndaativura, “Ivwaha unyala kuhulira inzi niiva ndamoloma kuvo nukuviganihiza? Vaveeye avahindagirizi kandi vasuura kuhulira amakuva googo; vasekeriza aga ombolela mbavoolere.

Ezekieli 7:10

Lidiku lie kivi lizaa ku vandu va Isiraeli. Kirage kemedeki. Lielola liveeye linyingi ligali.

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Marko 6:34

Lwa Yeso yika ku lujinga lwinyanza, yalora ikiduma ekenene cha vandu navavererera, kigira vaali kuli amagondi gataali nu mwayi. Yaatanga kuvigiza ivindu vinyingi.

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 11:20

Navuzwa vandu avasuuviraa vandi vaza, avaatura Saipurasi na Kurene, vazia Andiokia nivilwaza Ivangeri yu Mwami Yeso Kristo.

Vikolwa 13:38

Kulwa yaga, avaamitu vange, nyenya mumanye ndi kuvitira mu Yeso Kristo lisamiifwa liu vwoni lilwaazwaa ku munyi.

Vikolwa 17:18

Avalala ku vigizi vageri va Epikura na vigizi va Sitoiki, vahangalizana naye. Avalala vavoola, “Mudemanyi uyu yenya kovora ki?” Kigira Paolo yaali niyilwaza amakuva ga Yeso na gi lisimuguka, avandi vavoola, “Aveeye kuli wilwazaa makuva ga avanyasaye avageni.”

Vikolwa 17:3

Yavivaalira Amang'oda Amatakatifu kandi na avamanyia ndi gaduukiraa Mesia asalirizwi nu kusimuguka kutura mu vakuzu. Yavavolera kandi, “Yeso uyu wa inzi nzilwazira munyi niyie Mesia.”

Vikolwa 20:31

Ku lwa yago, mulindi nimwizuliza ndi ku ing'inga yi mihiga jivaga, uvudiku na mbasu, sindaaluha kwigiza vuli mundu ku munyi na maliga.

Vikolwa 3:20

Nyasaye alakahaane kumunyi zinguru zia Roho Mutakatifu, kandi alakatumi Yeso, oveeye Mesia wamali kumutovolera.

Vikolwa 5:42

Vazizagilira madiku goosi kwigiza nukwilwaza mu Litembeli kandi mu zinyumba zia avandu Tvangeli ya Yeso kuli aveeye Mesia.

Vikolwa 8:35

Maku Filipo yatangila ku zimbaso zia Mang'oda Matakatifu yizio, namwilwaazira amakuva malahi ga Yeso.

Vikolwa 8:5

Filipo naye yingira mu lidaala lia Samaria, ni yilwaazira avandu valio amakuva ga Kristo.

Vikolwa 9:20

Yaatanga kwilwaza mu masinagogi ndi Yeso aveeye Mwana wa Nyasaye.

Varumi 16:25

Leki kuhaane vukumi ku Nyasaye! Anyala kudinyiriza munyi mu lisuuvira lienyu, kolondekana makuva malahi ga nzilwazaa kigira na makuva ga Yeso Kristo kandi kolondekana ni livuulwa lia giligali, gimbisu agaali nigaviikwa makiriri mu zing'inga zie mihiga minyingi jaavita.

1 Vakorintho 1:23

Navuzwa kulwa kunyi, kwilwazaa Kristo wavambwa. Ku Avayuda, likuva yili liveeye chukwikigitaliza, na ku vizihiiri liveeye uvusiru,

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 12:8

Roho ahaanaa ku mundu mulala livoora lio vogeri, na wundi ahevwa limanya kutura ku Roho mulala mwere.

1 Vakorintho 15:12

Kalunu, niiva likuva lia kwilwazaa liveeye ndi Nyasaye umali kusimugukiza Kristo kutura mu likuza, kigira ki valala ku munyi vavoola ndi sihaveeye ho ni lisimuguka lia vakuzu?

1 Vakorintho 2:15

Mundu oveeye na Roho aveeye ni likalaga lirungi ku vindu viosi, navuzwa oyo mwene sianyala kukalagirwa nu mundu wundi utaveeye na Roho mba.

1 Vakorintho 2:6

Kali ndio, nzilwazaa likuva lio vogeri ku yavo avaveeye vadukiru mu Roho. Navuzwa vogeri yivu sivoveeye vwi lirova yili liegiza, anoho vwa vami avamiiha lirova yili, avaveeye kunzira yu kudiva mba.

1 Vakorintho 4:14

Si ng'odi vindu yivi kigira kumuleganyia, navuzwa kumwiganihiza kuli avana vayaanze vange.

2 Vakorintho 10:14

Kigira munyi muveeye mu zinzako zia Nyasaye yavika ho ku kunyi, sikwasiira zinzako yizio lwa kwazia Korinzo mba. Kwaali avukutanga kuuza ku munyi nikoleetaa Ivangeri ya Kristo.

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vafeso 5:27

aduuki kwenyolera likanisa liu vukumi litaveeye nimbara anoho makunya anoho kindu kidamanu kuli yivi.

Kwidzulitsa 4:5

“Henza, inzi mali kumwigiza amalago goosi kuli Yahova Nyasaye wange yandaga ngole. Mugalonde mu kivala cha muveeye ahimbi kwingira nokukivugula.

Vakolosai 1:22

Navuzwa kalunu umali kumuhambanyia kuvitira mu likuza liu Mwana mu muviri gwinyama ya Kristo, kigira likuza lio Mwana weve aduuki kumuleeta imbiri weve avatakatifu, avataveeye nelihiolo kandi avatali nimbara kuye.

Vakolosai 2:10

kandi mumali kohevwa uvudukiru vwosi vwi livamwoyo mu Kristo. Aveeye umutwi gwa roho jamiihaa kandi aveeye nuvunyari vwosi.

Vakolosai 2:3

Kristo niyie uvula ovogeri vwosi kandi limanya lia Nyasaye.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

Vahebraina 10:14

Kigira kisiuviriru kilala yavakola avadukiru mihiga ni mihiga yavo avatakaswa kutura muvwoni vwavo.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

2 Petro 3:15

Muloraa ndi liekuzira liu Mwami liveeye vwiyangu vwa hanaa kumunyi muduuki kohona kuli Paolo, amiitu wiitu muyanze yaamungodera, natumikira ovogeri vwa Nyasaye yamuha.