Vakolosai 1:17 - KITABU KITAKATIFU

¹⁷ Kristo yaali ho imbiri wi vindu viosi, kandi mu lihambanywa harara naye, ivindu viosi viveeye mu vwiyangu vwavio vulahi.

Vakolosai 1:17 ပူးပေါင်းရင်းမြစ်များ

Zaburi 75:3

Kali niiva vilombe viosi mu lirova lidengeyizwa, inzi mwene niyie usingirizaa misingi jalio vudinyu.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Yohana 17:5

Baba! Ombe vukumi imbiri woovo kalunu, vukumi vulala vwene vwa ndaali navwo harara niivi lirova nilikikiri kolombwa.

Yohana 8:58

Yeso yavavolera, “Agiligali muvooleraa, imbiri wa Aburahamu akikiri kwivulwa, inzi ndaali ho.”

Vikolwa 17:28

Mundu mulala yavoola, ‘Muye komenyaa kandi koveeye mwoyo, kogenda, kandi koveeye ho!’ Gaveeye kuli avalala ku vandu vinyu vavoola, ‘Kunyi koveeye avana veve.’

1 Vakorintho 8:6

navuzwa ku kunyi aveeye ho Nyasaye mulala yenyine vuzwa, Baba oveeye mulombi wi vindu viosi, wa koveeye mwoyo kigira oyo. Kandi haveeye ho vuzwa nu Mwami mulala Yeso Kristo, wi vindu viosi vialombwa kuvitira muye; kandi koveeye mwoyo kuvitira muye.

Vakolosai 1:15

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi;

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 13:8

Yeso Kristo aveeye mulala mwere, mugolova, kalunu kandi kuduuka mihiga ni mihiga.

Likunula 1:11

nigovoora, “Ng'oda via ololaa mu kitabu yiki ma ukihiri mu amakanisa gaveeye mu madaala manene saba yaga: Efeso, Simarina, Perigamo, Ziatira, Saride Filadefia, na Laodikia.”

Likunula 1:17

Lwa ndaamulola, ndaagwa havirenge vivie kuli mukuzu. Yavika mukono gwigwe mulungi ku inzi, navoora, “Utatia mba! Mbeeye wukutanga kandi wu kumaliriza.

Likunula 1:8

Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”

Likunula 2:8

“Ng'oderaa engelosi wi likanisa liveeye mu Simarina: “Yaga nigo amakuva ga uyu oveeye litanga kandi limaliriza, uwakuza kandi naava mwoyo. Avoora.

1 Samweli 2:8

Agingaa avadaka igulu kutura mu luguchi, kandi avukizaa avilienya kutura mu vudinyu vwavo. Avakolaa kuva avalina va vayaayi va vami vanene. Na avaviika mu vogono vwu luyali. Mise jilirova jiveeye ja Yahova; na kujo yamala kolomba musingi gwi lirova.