Vakalagi 9:6 - KITABU KITAKATIFU

⁶ Avandu va Shekemu na Bezimilo vivungiza harara, ma ni vazia ahimbi nu musaala gwumunaara gwa Shekemu nivatovola Abimeleki kuva umwami wavo.

Vakalagi 9:6 ပူးပေါင်းရင်းမြစ်များ

2 Samweli 5:9

Inyima wukugumira nukuguuta imbinga zana yeyo, Daudi yamenya muyo kandi yagigulika, “Lidaala linene lia Daudi.” Yumbaka lidaala linene ku likumbiriza kutangira havundu hu mulimi gwaali ni gwizulizwa mu amavona ku lovega lwa Ivugwi wi kiguru.

1 Avami 12:1

Rehoboamu yazia Shekemu uwa vandu vosi va Ivaale wa Isiraeli vaali nivavungi kumukola mwami.

1 Avami 12:20

Lwa vandu va ivaale wa Isiraeli vahulira ndi Jeroboamu umali kwirana kutura Egebeti, vamugenihiza mu livugana lia vandu, kandi nivamukora ave mwami wa Isiraeli. Ihiiri ya Yuda yeng'ine yaatigara isuuvirifu ku visukululwi via Daudi.

1 Avami 12:25

Mwami Jeroboamu wa Isiraeli yumbaka imbinga kukumbiriza lidaala lia Shekemu mu kivala chi vigulu cha Efuraimu. Kandi namenya yo ku ing'inga ngekeeke. Maku yatura mu niyumbaka imbinga yi lidaala lia Penueli.

2 Avami 12:20

Vanene veve vamuziila haasi ma ni vamwitira munyumba ha Bezimilo, kunzira isulungutaa kuzia Sila.

Joshua 24:26

Joshua yang'oda malago yaga mu kitabu chi Lilaga lia Nyasaye. Maku yavugula ligina linene nukuliviika isi wu musaala munene mutakatifu ugwali ahimbi ni lisandugu lie lilagana.

Vakalagi 9:5

Yazia munyumba ya baba weve ha Ofura, niyiita avamwavo veve sabwini, avana va Gidioni, natumikira ligina lilala. Navuzwa Jozamu, umuyaayi wa Gidioni mukogoti yaatigara kigira yaali niyivisi.

Vakalagi 9:7

Lwa Jozamu yahulira yaga, yazia kusingila ku Kiguru cha Gerizimu nukuvahanzukira, “Munyi avandu va Shekemu muhuliri ga Inzi mboraa, na ndio Nyasaye alahulira Aduuki kuhulira gamuvoola!