Vakalagi 8:32 - KITABU KITAKATIFU

³² Gidioni umwana wa Jaoshi yakuza mu mihiga ju vusakulu, na yateevwa mu kilindwa cha Joashi baba weve, ha Ofura lidaala lienyumba ya Abiezeri.

Vakalagi 8:32 ပူးပေါင်းရင်းမြစ်များ

Litanga 15:15

Navuzwa ivi ulamenya kuduuka uhindiri, ulakuza na ulatevwa ni mirembe.

Litanga 25:8

Yakuza naveeye musakulu ligali kandi muviri gwigwe gwayavilwa kuli avaguuga veve.

2 Samweli 2:32

Joabu na avandu veve vaavugura muviri gwa Asaheli, nivaguyavira mu kilindwa cha avinyumba yeeye mu Bezelehemu. Maku vagenda uvudiku vwosi, kandi vaduuka ha Heburoni mu mavwevwe.

Ayubu 42:17

Maku Ayubu yakuza naveeye musakulu wi mihiga minyingi ligali.

Ayubu 5:26

Ulakuza noveeye mukungu ligali, kuli kiganda chi ingano ilavi vulahi, eleteywe koloze ing'inga yiligesa.

Vakalagi 6:24

Gidioni yumbakira Yahova uvwali hazana yaho, navulanga “Yahova aveeye umurembe.” Kuduuka kalunu, uvwali zana vukikiri ha Ofura, ovoveeye vwa vandu va Viezeri.

Vakalagi 8:27

Gidioni yalomba ikimanyiru chi zahabu ma naakiviika mu lidaala lilie lia Ofura. Avaisiraeli vosi valeka Nyasaye nivasigamira ikimanyiru yiki. Yigu gwaali umutego ku Gidioni na vinyumba yeeye.

Vakalagi 8:31

Kandi yaali nu mukali wa yavika mu Shekemu uwamwivulira umuyaayi wayalanga Abimeleki.

Vakalagi 8:33

Kunangwa lwa Gidioni yaali niyakakuza, avandu va Isiraeli valeka Yahova, nivasigamira vanyasaye va Baali; nivalomba Baali wi lilagana kuva munyasaye wavo.