Vakalagi 7:20 - KITABU KITAKATIFU

²⁰ Ni ividuma vindi viakola ndio kandi vosi vagumira izimemo ziavo mumukono mulungi, ma vosi nivahaanzuka, “Vulwani vwa Yahova kandi vulwani vwa Gidioni!”

Vakalagi 7:20 ပူးပေါင်းရင်းမြစ်များ

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Jeremia 47:6

Munyi mwaniri, ‘Kivavi cha Yahova! Mulazizagilira kwiita kuduuka ing'inga ki? Mwirane muchura chiinyu mumenye mu ma musoose!’

1 Vakorintho 15:52

Lwi kisiriva kilikubwa, avakuzu valakasimugukizwi, kandi sivalikuza kandi mba, na kunyi vosi kulakagilung'anywi.

2 Vakorintho 4:7

Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba.

1 Vatesalonike 4:16

Gulakave ho nu mwoyo munene gwu kulanga, kandi nu mwoyo gwe engelosi Munene, kandi nugwi kisiriva cha Nyasaye, maku Mwami mwene aliika kutura mwigulu. Yavo vaakuza nivasuuvira mu Kristo valakasimuguki kutanga.

Vahebraina 11:4

Kigira lisuuvira, Habili yahaana ku Nyasaye kisiuviriru kilahi kuvita cha Kaini. Kuvitira mu lisuuvira yanyoora livugilirwa lia Nyasaye kuli mundu mulungi kigira Nyasaye mwene yavugilira vihaanwa vivie. Kuvitira mu lisuuvira lilie, Habili kali niyakuza, akikiri mwoyo.

Joshua 6:16

Ku ing'inga ya saba, lwa vasaalisi vaali ahimbi kukuba visiriva, Joshua yalaga avandu vasaza veve vosi vahanzuki, kandi yavoola, “Yahova umali kuha munyi lidaala linene yili.”

Joshua 6:20

Kunangwa avasaalisi vaakuba visiliva. Nonoho lwa vasaza zana vahulira mwoyo gwi visiliva, nigukuba ku lohono, vahaanzuka nu mwoyo munene ligali, na amadigi gulugaga gaagwa hasi. Maku iliihi liosi lia Isiraeli vanigira kiguru vulungi nokwingira mu lidaala linene nivaligumira.

Joshua 6:4

Avasaalisi saba, vuli mulala nagiingi kisiriva che zinziga zie ugoondi limigu, valimilira imbiri wi Lisandugu lie Lilagana. Ku lidiku lia saba, ivi harara na vasikari vi liihe vovo, mulagenda kovodong'ana lidaala yilio haali saba, avasaalisi navo nivakubaa visiliva.

2 Petro 1:15

Ndakora zinguru kumulomba muduuki kwizuliza ivindu yivi vuli ing'inga, kali niiva ni inyima wi likuza liange.

Vakalagi 7:19

Gidioni harara ni kiduma cha vandu miamoja, yaduuka ku lwako lwa hokososa vudiku hagati nivukikili kuduuka vudiku hagati lwa va lindi vahia vaali nivakasamuula. Maku vandu va Isiraeli vaakuba ivisiriva, kandi nivatanyia izinyingu ziavaali nivagumiyi mumakono gaavo.

Vakalagi 7:21

Vuli mundu yetegeka hayaviikwa ku lwako lwa hokososa, kandi liihi lia vandu va Midiani liosi lianyagura; vaakuba izikwiri niviruka.

1 Samweli 11:11

Vudiku yivwo Saolo yagavula vasaza vukulwaana veve mu viduma vivaga; kandi mugambazuri mumavwevwe, vazia zimbiru mu hokososa ha vasigu kandi niyingilira avandu va Amoni. Kuduuka mbasu hagati vaali nivaviiti. Avaari nivahononoki, musaza sa mulala niyirukaa ku vwivwe.