Vakalagi 7:13 - KITABU KITAKATIFU

¹³ Lwa Gidioni yaduuka mulivoona zana, yahulira umundu navolera uwache amalooto gayaali naaloti. Yavoola, “Ndoti ndi umugadi gwi ingano gugwiyi hagati hokososa ha vandu va Midiani, ma ni gogomagoma, niguduya ilihema. Ilihema zana liavunikana kandi niligwa hasi.”

Vakalagi 7:13 ပူးပေါင်းရင်းမြစ်များ

1 Vakorintho 1:27

Navuzwa Nyasaye yatovola ivindu vie lirova liganaganaa kuva uvusiru, aduuki kuhaana zisoni ku vageri. Nyasaye yatovola ivindu vie lirova liganaganaa kuva videdekere aduuki koleganyia yavo avaveeye nizinguru.

Vakalagi 3:15

Navuzwa lwa vandu va Isiraeli vanira ku yahova, yavatumira umundu kuvavoholola. Umundu zana yaali Ehudi. Yatumikiraa umukono mumosi, na yaali umwana wa Gera, kutura muhiiri ya Benjamini. Avandu va Isiraeli vaatuma vihaanwa ku Egiloni umwami wa Moabu kuvitira ku Ehudi.

Vakalagi 3:31

Inyima wa Ehudi, uwalonda mu vwimiliri yaali Shamugari, mwana wa Anazi, uwaasola vandu va Isiraeli, maniyiita vandu va Filisitia miasita natumikira uludanga ulwugi lwi zigiriki.

Vakalagi 4:21

Sisera yaali naluhi ligali, nayaatanga kogona. Maku Jaeli yavugula inyundu harara ni kivambo chi lihema, naanyenyeka, nazia naduuka hayaali naagoni, ma namwiita lwa yamuduya ni kivambo ku mutwi gwigwe nikifudulanyia kuduuka hasi mumalova.

Vakalagi 4:9

Debora yativura navoora, “Ligali ndazia harara nivi; nitali uvukumi sivulava harara nivi mulogendo lulwo mba, kigira Yahova alahaana Sisera mu mukono gwu mundu mukali.” Maku Debora yaatanga logendo kuzia na Baraka kuzia Kedeshi.

Vakalagi 6:15

Gidioni yativura navoora, “Navuzwa Yahova, Inzi nyara kohonyia ndi Isiraeli? Vandu vi inyumba yange vavura zinguru mu ihiiri yoosi ya Manase, kandi Inzi simanyikani kali mu vandu vi nyumba yange mba.”

Vakalagi 7:12

Avandu va Midiani, Maleki harara na avandu vi zihiiri ziu mwigendanyama vaaloreka kuva vanyingi mulivoona kuli izisigi, na vaali ni zing'amia izinyingi kuli umuyeka kulujinga lwinyanza.

Vakalagi 7:14

Maku umulina weve yamutivulira navoora, “Yiki ni kivavi cha Gidioni, umwana wa Joashi, umusaza wa vandu va Isiraeli, kigira Nyasaye umali kuhaana vandu va Midiani harara na hokososa hoosi mumukono gwigwe!”

Vakalagi 8:10

Zeba na Zalimuna vaali ha Karikori harara ni liihi liavo. Iliihi lie zihiiri ziu mwigendanyama liatigala na vandu 15,000. Avaari ni viitwa ni 120,000.