Vakalagi 6:34 - KITABU KITAKATIFU

³⁴ Roho wa Yahova yaza ku Gidioni, ma nakuba ikisiliva kulanga avasaza vi ihiiri ya Abiezeri vamulonde.

Vakalagi 6:34 ပူးပေါင်းရင်းမြစ်များ

1 Kyetsinyinga 12:18

Maku Roho gwa Nyasaye yaza ku Amasai, uwaali munene wa vandu Salasini, ma navoora, “O, Daudi mwana wa Jese, kunyi koveeye avoovo! Mirembe, mirembe ku ivi, mirembe give ku yavo avakonyaa ivi! Kigira Nyasaye woovo alakokoonya.” Hene yaho Daudi yavingiriza, navakola avanene mu liihi lilie.

1 Kyetsinyinga 12:19

Lwa Daudi yaali nazizaa harara na Vafilisitia kulwaana mwami Saolo, avasikari valala kutura mu ihiiri ya Manase vazia ku lovega lwa Daudi. Navuzwa si yakoonya Vafilisitia, Kigira avami vaavo vaatia ndi yaali unyala kuvazaama ku Saolo, munene weve wa maziambiri; Kunangwa vamutuma yirani Zikilaga.

2 Kyetsinyinga 24:20

Hene yaho Roho wa Nyasaye yaduuka ku Zakaria muyaayi wa Jehoyada musaalisi. Yasingira havundu ha vandu vosi vaali vanyara kumulora, navoora, “Yahova Nyasaye ateeva, ‘Kigira ki si mwahulira malago geege, na muletaa kivi ku munyi aveene! Mwaleka Yahova na Yahova ya mulekaa.’ ”

Zaburi 51:11

Utaangunga nduli imbiri woovo mba, utatuliza Roho Mutakatifu ku inzi mba.

Livalidza 10:3

Lwa ukubaa visiliva viombi viviri, avandu vosi valivungikiza imbiri woovo, havwingiliru vwi Lihema.

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

Vagalatia 3:27

Munyi vosi avabatizwa mu lihambanywa harara na Kristo, kandi mumali kuva kuli Kristo mwene.

Joshua 17:2

Kivala keveeye imadioli wu mugera gwa Jorodani chahaanwa ku vandu vi ihiiri ya Manase: ku Abiezeri, Heleki, Asirieli, Shekemu, Heferi na Shemida. Yava vosi vaali visukululwi vayaayi va Manase, muyaayi wa Josefu; kandi vaali vimiliri vi zihiiri ziavo.

Vakalagi 13:25

Kandi zinguru zia Yahova ziatanga kuyinzira muye nu lwa yaali hagati ha Zora na Eshitaoli hokososa ha Dani.

Vakalagi 14:19

Nonoho izingulu zia Yahova ziamwizula nasulungutaa mu Ashikeloni, niyiita avasaza salasini, navatuliza izinguvu ziavo, nazihaana ku vasaza vaativura ulugano. Agene yaga nigakavita, yirana yengo wa baba weve naasinyiki ligali.

Vakalagi 15:14

Lwa yaduuka ha Lehi, vandu va Filisitia vaza wayaali nivanyagura, nivamuhanzukila. Nonoho yanyoora izingulu zia Yahova, na yakalanyia imigiye javaali nivavoheye amakono geege, nijifanaa kuli uluvusi lusambiywi mu muliru.

Vakalagi 3:10

Roho wa Yahova yaza kuye, ma naagwa umwimiliri wa vandu va Isiraeli. Ozinieli yazia mu vulwani na Yahova yamuha uvuguuti ku umwami wa Mesopotamia.

Vakalagi 3:27

Lwa yaduuka mu kivala chivigulu cha Efuraimu, yakuba ikisiliva, kulanga avandu va Isiraeli muvulwani; maku yaavimilira kusulunguta kutura mu vigulu.

Vakalagi 6:11

Maku engelosi wa Yahova yaza mu lidaala lia Ofura niyikara mumusaala gwa Joashi, umundu wihiiri ya Abiezeri. Umwana weve Gidioni yaali nahuuraa ingano havundu ahivisu hukukamululira iwaini kigira siyenya vandu va Midiani vamanye ahuuraa ingano mba.

Vakalagi 8:2

Navuzwa yavativulira, “Agandakunyaliza kokora sigaveeye aga Inzi nyara kufananyia ku aga munyi mumali kokora mba. Kali amakuzuzu ga munyi avandu va Efuraimu mumali kokora gaaviti ginyumba yange yoosi imali kokora.

1 Samweli 10:6

Nonoho Roho wa Yahova alaza ku ivi ni zinguru, na ivi ulaporofeta harara navo, kandi ulagirung'anywa kugwa umundu wu lugano lundi.

1 Samweli 11:6

Lwa Saolo yahulira amakuva yaga, Roho wa Nyasaye yaza kuye nizinguru zinene ligali muno; kandi uvutima vwivwe vwaka ligali kuli muliru.

1 Samweli 13:3

Jonazani yita munene wi liihi lia vandu va Filisitia mu lidaala lia Geba, na vandu va Filisitia vosi vahulira inguuva yiyi. Maku Saolo yatuma avatumwa kulanga Avaheburaina vosi vazie mu vulwani ku likuba kisiriva hoosi mu kivala choosi.

1 Samweli 16:14

Roho wa Yahova yatura ku Saolo, kandi Yahova yatuma roho mudamanu kudambiza Saolo.