Vakalagi 6:31 - KITABU KITAKATIFU

³¹ Navuzwa Joashi yavolera vosi avamuhangalizaa, “Munyi muveeye kolovega lwa Baali? Mundu oveeye kolovega lwa Baali alakuza nivukiri kucha. Niiva Baali ni nyasaye, muleke mwene yikingi. Maku muvooleraa uvwali vwivwe nivwo vumali kusambulwa!”

Vakalagi 6:31 ပူးပေါင်းရင်းမြစ်များ

1 Avami 18:27

Mbasu hagati, Elija yaatanga kuvakolera kehenyahenye; “Saali vudinyu! Aveeye nyasaye! Alootaa mbasu anoho asoosaa, anoho hawundi uziiyi ko logendo. Anoho agonaa na kuduuka mumuvukize!”

1 Avami 18:29

Mbasu hagati vazizagilira kuhanzuka no komoloma kuli vandu valalu kuduuka ing'inga yukuhaana kisiuviriru cha mugolova. Navuzwa si vahulira mwoyo gwosi mba; kandi sihaali ho na mativuli, mba.

1 Avami 18:40

Elija yalaga, “Gumira avaporofeti va Baali; mutaleki mulala kuvo yiruki mba!” Avandu vavagumira vosi na Elija yaavimilira kusulunguta ku mugera gwa Kishoni, navitira yo.

Kutwula 23:2

Utalonda uvunyingi vwa vandu lwa vaakora uvudamanu anoho agiligali lwahaana lilolekiza lio vovehi kugirung'anyia agiligali mba.

Isaya 41:23

Muvoore vindu vilakekoleke mu madiku gaaza, kunangwa kuduuki kumanyiriza ndi, muveeye avanyasaye! Mukore kindu kilahi anoho muleete kivi; kunangwa kuduuki kuva ni ligenya kandi nu vuti ligali!

Isaya 46:1

“Yiki nekeheri cha Beli na Nebo, avanyasaye va Babiloni, avasigamirangwa mu litanga; navuzwa kalunu vagingiywi ku zibunda, uvuliduhu ku migongo ji zinyama ziiluhi.

Isaya 46:7

Vavugura munyasaye uyu nu kumugingira ku mavega gaavo, ma vamusingiriza havundu, kandi sianyala kogenda mba. Niiva mundu alasaala kuye, sianyala kumuha amativuli mba, anoho sianyala kumuhonyia kutura mu kivi mba.

Jeremia 10:11

Kunangwa muvavoolere: “Avanyasaye yava avavura kolomba ligulu ni lirova navadivi kutura mu lirova kandi isi wiligulu.”

Jeremia 10:5

Ivifananyi kuli yivi viveeye kuli ivifananyi viukutihiza mu mulimi gwi zindaange; sivinyala komoloma mba, kuduuka vigingwi kigira sivinyala kogenda mba. Mutavitia mba: Sivinyala kumusaliriza mba, kandi sivinyala kumukolera uvulahi mba.”

Livalidza 14:6

Joshua muyaayi wa Nuni na Kalebu muyaayi wa Jefune, avaari valala ku vatunyirizi, vatandula zinguvu ziavo mu vovereri.

1 Vakorintho 8:4

Kunangwa, iliilia lie viukulia vihaaniywi ku vifananyi; kunyi Avakristayo kwamanya ndi vifananyi siviveeye vindu viveeye mwoyo mba; kwamanya vuzwa Nyasaye aveeye mulala yenyine.

Vafeso 5:11

Mutava ni lisanga ni miyinzi ji kisundi ijitaveeye nu vukala mba, navuzwa nivulahi mujichaye havulavu.

Vakalagi 6:30

Maku avandu vi lidaala vavoolera Joashi, “Leeta umwana woovo aduuki kukuza, kigira yaakotemanyia nukusambula uvwali vwa Baali nikifananyi cha Ashera.”

Vakalagi 6:32

Kutura ulwene yilwo, Gidioni yamanyikana kuli Jerubali kigira Joashi yavoola, “Leka Baali mwene yikingi mwene; uvwali vwivwe nivwo vwasambulwa.”

1 Samweli 12:11

Na Yahova yatuma Gidioni, Baraka, Yafeza, kandi lwu kumaliriza Samweli. Sa mulala ku kunyi yamuhonyia kutura ku vasigu vinyu kutura ku vuli lovega na munyi mwamenya mumirembe.