Vakalagi 6:25 - KITABU KITAKATIFU

²⁵ Uvudiku yivwo Yahova yavolera Gidioni, “Vugula ijiriki ya baba woovo, ijiriki yakaviri eveeye ni mihiga saba, ma usambuli uvwali vwa Baali, uvwa baba woovo aveeye navwo, na otemagiri hasi munyasaye Ashera, wikikali ahimbi nu vwali zana;

Vakalagi 6:25 ပူးပေါင်းရင်းမြစ်များ

Litanga 35:2

Kunangwa Yakobo yavolera vandu vinyumba yeeye harara na vandi voosi vaali naye, “Muleke avanyasaye avageni avamuveeye navo; mwitakase munyi aveene ma mwiviki zinguvu zi ndahi.

1 Avami 18:21

Elija yazia ku vandu zana navoora, “Galavugula lohono ki kunangwa munyi muduuki ku likalaga? Niiva Yahova ni Nyasaye, mumusigamiri; navuzwa niiva Baali aveeye nyasaye, mumusigamiri!” Navuzwa vandu sivativula likuva kali lilala mba.

Ayubu 22:23

Wirane ku Nyasaye Wuvunyali kandi wegehize kuye, kandi utulize uvudamanu vwosi munyumba yooyo.

Zaburi 101:2

Ndahenzeriza nokolonda kunzira itaveeye nimbala; ulaaza ku inzi ng'inga ki? Ndamenya munyumba yange nu mwoyo gutaveeye nimbala.

Kutwula 34:13

Mu vogono yivwo, muvunanyie uvwali vwavo, nukusambula minaara mitakatifu jaavo, nokotemanyia vifananyi viu munyasaye wikikali wavo Ashera.

Matayo 10:37

“Uyanzaa baba weve anoho mama weve kuvita inzi, siaduukanaa kuva mulondi wange mba. Uyu uyanzaa muyaayi weve anoho mukaana weve kuvita inzi, siaduukanaa kuva mulondi wange mba.

Matayo 6:24

“Si haali nu mundu unyala kutumikira avami vaviri mba; kigira aladunyira mulala, na ayaanze wundi; anoho alava musuuvirifu ku mulala na achaye wundi. Si munyala kutumikira Nyasaye harara nu vutugi mba.

Vikolwa 4:19

Navuzwa Petero na Yohana vavativulira, “Kalagi munyi aveene niiva agaveeye malungi imbiri wa Nyasaye, kutia munyi anoho kutia Nyasaye.

Vikolwa 5:29

Navuzwa, Petero na avatumwa vandi, vativura nivavoora, “Kuduuka kutie Nyasaye, kuvita kutia avandu.

Kwidzulitsa 7:5

Kunangwa, saambuli uvwali vwavo, muvunanyie muvidonye minaara mitakatifu jaavo ja magina, mutemere hasi vifananyi viu munyasaye wavo wikikali ulangwa Ashera kandi musaambe misambwa jaavo.

Vakalagi 2:11

Maku vandu va isiraeli vaakora vwoni imbiri wa Yahova, nivatanga kusigamira vanyasaye va Baali;

Vakalagi 3:7

Avandu va Isiraeli vivilira Yahova Nyasaye wavo; vaakora vwoni imbiri weve, kandi nivasigamira vifananyi via Baali na Ashera.

Vakalagi 6:26

na wumbakiri Yahova Nyasaye woovo uvwali ku lwanda yilu mu lilohiza lilahi lia magina; na ulavugula ijiriki yakaviri nukugihaana kuli kihanwa chukusambwa; nizingu ziukusambira zilatula ku misaala ja otemagi jiumunyasaye ulangwa Ashera.”