Vakalagi 6:24 - KITABU KITAKATIFU

²⁴ Gidioni yumbakira Yahova uvwali hazana yaho, navulanga “Yahova aveeye umurembe.” Kuduuka kalunu, uvwali zana vukikiri ha Ofura, ovoveeye vwa vandu va Viezeri.

Vakalagi 6:24 ပူးပေါင်းရင်းမြစ်များ

Litanga 12:7

Maku Yahova yaloleka ku Aburamu namuvolera, “Yiki nicho kivala cha nziza kuhaana ku visukululwi vivio.” Maku Aburamu yumbakira Yahova uvwali naloleki kuye ahene yaho.

Litanga 12:8

Inyima wa yaga, Aburamu yazia Isavaalu ku kiguru keveeye Ivugwi wi Lidaala lia Bezeli. Yumbaka lihema Imadioli wa Bezeli na Ivugwi wa Ayi. Hene yaho kandi, yumbaka uvwali ma nasigamira Yahova.

Litanga 22:14

Aburahamu yagulika havundu yaho “Yahova ahaanaa.” Kandi kali kuduuka kalunu avandu vavoola, “Yahova ahaanaa ku kiguru chiche.”

Litanga 33:20

Yumbaka hene yaho vwali ma naalanga havundu hene yaho Eli, Nyasaye wa Isiraeli.

2 Samweli 24:25

Maku yumbakira Yahova uvwali kandi nahaanira ku vihaanwa viukusambwa kandi vihaanwa viemirembe. Yahova yaavugilira lisaala lia Daudi, kandi uvulwaye vudamanu vwalekera mu kivala cha Isiraeli.

1 Avami 18:32

Yatumikira magina yaga yumbaka vuhia vwali vwu kusigamira ku Yahova. Yayava mutalo kukumbiriza vwali zana, mutalo munene gwaaligunyala kuvugura himbi ziliitali komi na zine zia mazi.

Ezara 3:2

harara na Joshua mwana wa Jehozadaki, avasaalisi vache, na Zerubabeli mwana wa Sheyalitieli, harara naviiko veve; vumbaka vuhia uvwali vwa Nyasaye wa vandu va Isiraeli, kunangwa vaduuki kusambira ku visiuviliru kuli gang'odwa mulilaga lia Musa umundu wa Nyasaye.

Kutwula 17:15

Musa yumbaka uvwali, navulanga lieta “Yahova aveeye ebendera yange.”

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Livalidza 26:30

ihiiri ya Gileadi kolondekana ni viliango viavo vaali: Lezeri na Heleki,

Joshua 22:10

Lwi zihiiri zia Rubeni, Gadi, ni inusu ya Manase yi Ivugwi vaduuka ha Gelilozi, nivakikiri kolovega lwi Imadioli, mukivala cha Kanaani, vumbaka uvwali vonene ligali ahene yaho ahimbi ku mugera.

Vakalagi 21:4

Umugamba gwalonda ku avandu vavuuka kale kandi nivumbaka uvwali, ma nivahaana ivihaanwa viu kusambwa harara ni vihaanwa viu mirembe.

Vakalagi 6:23

Navuzwa Yahova yamuvolera, “Umurembe gove harara nivi; utatia, kigira siulakuza mba.”

Vakalagi 8:27

Gidioni yalomba ikimanyiru chi zahabu ma naakiviika mu lidaala lilie lia Ofura. Avaisiraeli vosi valeka Nyasaye nivasigamira ikimanyiru yiki. Yigu gwaali umutego ku Gidioni na vinyumba yeeye.

Vakalagi 8:32

Gidioni umwana wa Jaoshi yakuza mu mihiga ju vusakulu, na yateevwa mu kilindwa cha Joashi baba weve, ha Ofura lidaala lienyumba ya Abiezeri.

1 Samweli 14:35

Saolo yumbakira Yahova uvwali uvwukutanga.

1 Samweli 7:17

Maku yiranaa yengo weve mu lidaala lia Rama, uwa yatumika kuli mukalagi. Mu Rama, yumbakira Yahova uvwali.