Vakalagi 6:23 - KITABU KITAKATIFU

²³ Navuzwa Yahova yamuvolera, “Umurembe gove harara nivi; utatia, kigira siulakuza mba.”

Vakalagi 6:23 ပူးပေါင်းရင်းမြစ်များ

Litanga 32:30

Yakobo yavoola, “Inzi mali kolola Nyasaye moni na moni, na kalunu ngikiri mwoyo.” Kunangwa yalanga havundu yaaha “Penieli.”

Litanga 32:31

Yakobo yatura Penieli liuva nilikiri kutura. Yagenda nasegera kigira ivazwa yeeye.

Litanga 43:23

Mutumikiri yavoola, “Mutadegera mba. Nyasaye winyu, Nyasaye wa baba winyu, kuduuka ave niyie wamuvikira mabese mu misigo jiinyu. Inzi ndanyoora mitungu jiinyu.” Maku yavaleetera Simioni.

Zaburi 85:8

Mbulirizaa ku aga Yahova Nyasaye avoora; asuuvirizaa kuhaana mirembe ku kunyi, avandu veve vene, niiva sikulirana kuzia mu zinzira zietu ziuvusiru.

Danyeli 10:19

Yavoola, “Nyasaye yakuyaanza, ku lwayago utaleka kindu choosi kikuhendizi mwoyo anoho kikutiihizi mba.” Lwa yaali ni yakavoola yaga, ndanyoora nzingulu kandi ni mboraa, “Mwami wange, moloma na inzi kigira ombeeye zinguru.”

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Yohana 20:19

Lwali hamugorova gwi lidiku lia Jumapili, kandi aviigi vaali nivavugani harara munyumba, viliango nivihaniywi kigira vaatia avanene va Avayuda. Yeso yaza, nasingira hagati haavo, navavoolera, “Mirembe jive ku munyi!”

Yohana 20:26

Inyima wa madiku munane aviigi yavo vaali kandi harara munyumba, na Tomasi yaali harara navo. Miliango jaali ni jihaniywi. Navuzwa Yeso yaza, nasingira hagati haavo, navoora, “Mirembe ku munyi!”

Varumi 1:7

Kunangwa ng'oderaa munyi vosi avamuveeye mu Rumi, ava Nyasaye yayanza kandi, navalanga vave vatakatifu veve. Zimbavasi ni mirembe kutura ku Nyasaye Baba wiitu, kandi ku Mwami Yeso Kristo zive ni munyi.

Vakalagi 19:20

Umusakulu zana yavoola, “Mugenihiziywi hango hange! Ndamulinda; simunyala kogona kuluhia mba.”

Vakalagi 6:22

Maku Gidioni yaamanyiriza ndi uyu yaali engelosi wa Yahova; na Gidioni yavoola, “Oh, Yahova Nyasaye, Inzi mali kolola engelosi moni na moni.”

Vakalagi 6:24

Gidioni yumbakira Yahova uvwali hazana yaho, navulanga “Yahova aveeye umurembe.” Kuduuka kalunu, uvwali zana vukikiri ha Ofura, ovoveeye vwa vandu va Viezeri.