Vakalagi 6:13 - KITABU KITAKATIFU

¹³ “Navuzwa umwami,” Gidioni yativura, “Niiva Yahova aveeye harara ni kunyi, kigira ki yaga goosi gaakoleki ku kunyi? Iviokogenyia zana viveeye hai ivia vaguuga viitu vaakovolera ulwavavoora: ‘Yahova siyakutuliza Egebeti? Navuzwa kalunu Yahova umali kukwivilira, ma okoleki mu makono ga vandu va Midiani.’ ”

Vakalagi 6:13 ပူးပေါင်းရင်းမြစ်များ

Litanga 25:22

Yaali nazizaa konyoora avana malongo. Inyima wa vaali ni vakikiri kwivulwa, valwaana aveene ku vene munda. Rabeka yavoola, “Ki giraki kindu kuli yiki chekoleke ku inzi?” Kunangwa yazia koteeva Yahova amuhe mativuli.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

Zaburi 27:9

O, Nyasaye, muhonyi wange utiivisa kutura ku inzi mba. Kandi utava nu vutima niinzi; utisigana mutumikiri woovo. Ivi oveeye mukonyi wange, utaandeka mba, utaang''ra mba.

Zaburi 44:1

O, Nyasaye, kunyi kwa huliriza ligali na amatu giitu kutura ku avaguuga viitu, amakuva gi vindu viokogenyia viawakola mu ing'inga yaavo ya kale.

Zaburi 44:2

Wakunga zihiiri ni zinguru ziu mukono gugwo. Maku wavika avandu vovo mu kivala chavo; kandi wahaana amageri ku zihiiri zindi kandi wahaana ku vandu vovo linyola lie miandu minyingi.

Zaburi 44:9

Navuzwa kalunu, ivi umali kokoleka kandi umali kukuviika mu liguutwa, sinzizaa harara na mahi giitu kuzia kulwaana avasigu viitu mba.

Zaburi 89:49

O, Yahova, lilolekiza liu vuyanzi vutaveeye ne keheri vuvwo vwa maziambiri voveeye haliha? Lisuuvirizwa lia walomba na Daudi mutumikiri woovo liveeye haliha?

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Jeremia 23:33

Yahova yambolera, “Jeremia, kunangwa lwa mulala ku vandu vange anoho muporofeti kinga musaalisi akoteeva, ‘Likuva lia Yahova liveeye ki?’ Mbolere, ‘Ivi oveeye uvuliduhu ku Yahova kandi azizanga kukutulizaho.’

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Kwidzulitsa 29:24

Maku lirova liosi, zihiiri ziosi zilateeva, ‘Kigira ki Yahova akoli yaga ku kivala chavo? Uvutima vululu vusamba yivu voveeye kigira ki?’

Kwidzulitsa 31:17

Lwa yago galiekoleka, ndakave nu vutima vonene ligali. Ndakavaleke kandi valakadivizwi. Amaduywa gukutihiza, manyingi ni kivi galakavagwiri, ma kandi valakamanyirizi ndi vindu yivi viekoleka kuvo kigira inzi, Nyasaye wavo simbeeye navo kandi mba.

Vakalagi 6:1

Avandu va Isiraeli vaakora uvwoni imbiri wa Yahova, kandi Yahova yaleka avandu va Midiani vavamiihi ku mihiga saba.

Vakalagi 6:12

Engelosi wa Yahova yaloleka ku Gidioni na amuvoleraa, “Yahova aveeye nivi, mundu muluviliri kandi mundu wuvunyali.”