Vakalagi 6:12 - KITABU KITAKATIFU

¹² Engelosi wa Yahova yaloleka ku Gidioni na amuvoleraa, “Yahova aveeye nivi, mundu muluviliri kandi mundu wuvunyali.”

Vakalagi 6:12 ပူးပေါင်းရင်းမြစ်များ

Kutwula 3:12

Nyasaye yamuvolera, “Inzi ndava harara nivi, na lwa utuliza avandu yava mu Egebeti mulakasigamiri ku kiguru yiki. Yicho kilava kimanyiru ndi inzi mali kukutuma.”

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Luka 1:11

Engelosi wu Mwami yaloleka kuye nasingiyi ku mukono mulungi gwu vwali, olovega lwi kimuli chasambirwa.

Luka 1:28

Engelosi yazia kuye namuvolera, “Mirembe Maria! Ivi ugasiziywi ni zimbavasi zinyingi! Mwami aveeye harara na ivi.”

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Joshua 1:5

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Vakalagi 11:1

Jefuza, umuluviliri wu vulwani, kutura Gileadi yaali umwana wu mukali mulaya;

Vakalagi 13:3

Engelosi wa Yahova yaloleka ku mukali uyu namuvolera, “Ukikiri kwivura ku avana, navuzwa vwangu, ulaheliza na ulivuula umwana umuyaayi.

Vakalagi 2:18

Vuli ing'inga lwa yahova yahaana vakalagi ku vandu va Isiraeli, yakonya vakalagi yava vave nivo avahonyia vandu kutura ku vasigu vaavo madiku goosi gavalange vakalagi; kigira Yahova yalange ni zimbavasi kuvo lwavanyoolaa uvusaliru ni lidambizwa kutura ku vasigu vaavo.

Vakalagi 6:11

Maku engelosi wa Yahova yaza mu lidaala lia Ofura niyikara mumusaala gwa Joashi, umundu wihiiri ya Abiezeri. Umwana weve Gidioni yaali nahuuraa ingano havundu ahivisu hukukamululira iwaini kigira siyenya vandu va Midiani vamanye ahuuraa ingano mba.

Vakalagi 6:13

“Navuzwa umwami,” Gidioni yativura, “Niiva Yahova aveeye harara ni kunyi, kigira ki yaga goosi gaakoleki ku kunyi? Iviokogenyia zana viveeye hai ivia vaguuga viitu vaakovolera ulwavavoora: ‘Yahova siyakutuliza Egebeti? Navuzwa kalunu Yahova umali kukwivilira, ma okoleki mu makono ga vandu va Midiani.’ ”

Ruth 2:4

Kandi henza, Boazi yaza natura Bezelehemu. Yacheliza avagesi navoora; “Yahova ave harara ni munyi!” Navo vativura “Yahova akugasizi.”

1 Samweli 10:7

Lwi vilolekizu yivi vikoleka, okole choosi cha Nyasaye akwimilira okole.