Vakalagi 5:11 - KITABU KITAKATIFU

¹¹ Huliri! Imiganda jeliyoga ahimbi ni vidaho gimolomaa kigira liguuta lia Yahova, iliguutalia vandu va Isiraeli. Maku avandu va Yahova vasulunguta kutura mu madaala gaavo.

Vakalagi 5:11 ပူးပေါင်းရင်းမြစ်များ

Litanga 24:11

Lwa yaduuka, yakola zing'amia nizisigama ha kidaho ichova wi Lidaala. Yaali ing'inga ya mugolova lwa vakali vazizaa mu kidaho.

Litanga 29:2

Nonoho yaduuka ha kidaho mu mulimi ahi iviayo vivaga via magondi viali ni vingoni nivikikumbelizi. Iviayo yivi vianyola amazi gavio kutura mu kidaho yiki, ichaali nichakunikwa ni ligina linene ha munwa.

Litanga 29:3

Lwi viayo viosi viaza yo harara, avayi vaagomagominya ligina kunangwa vanwehizi viayo mazi. Maku lwinyima viayo niviakanwa, avayi viranyia ligina ha munwa hi kidaho.

Ayubu 29:7

Lwa ndaaziza havundu hukuvuganira mu lidaala linene, ndavugura vwiyangu vwange havundu hu luyali hagati ha vakulundu.

Zaburi 145:7

Avandu valamoloma kigira uvulahi vuvwo vwosi, kandi valimba zinyimbu kigira uvulungi vuvwo.

Zaburi 71:15

Inzi ndavolera avandu amakuva gi vindu vilahi via ivi umali kokora. Ndalandiza amakuva gi vikolwa vivio vio vohonyi lidiku liosi, Kali niviva niviveeye vinyingi ligali kuvita limanya liange. O, Yahova Wuvunyali, inzi ndaaza nukulandiza vikolwa vivio viezingulu.

Isaya 12:3

Kuli amazi makindu galetaa uvusangari ku yavo avuvuluhu, nindio avandu va Nyasaye vasangala lwa avahonyiaa.”

Isaya 28:6

Alakahaane zing'anagani zie likalaga lirungi ku yavo avatumikaa kuli vakalagi, na uvuluviliri ku yavo avakingaa virivwa via madaala manene kutura ku lingilirwa.

Jeremia 7:2

“Zia usingili mu vwingiliru vwi kirivwa chi Litembeli ma ulandizi likuva yili: Muhuliri Likuva lia Yahova, munyi vosi avandu vi Ivuyuda avingiraa mu virivwa yivi nu kusigamira Yahova.

Lisyoma lya Jeremia 5:4

Kuduuka kutungi amazi gakunwezaa; kuduuka kuguli iziingu ziakodekera.

Lisyoma lya Jeremia 5:9

Aviiti vavoyavoya muligendanyama; koveeye muvuhimwa lwa kwenya chukulia.

Mika 6:5

O, avandu vange, mwizurizi agu mwami Balaki wi kivala cha Moabu yaganagana kumukolera kandi kuli Balaamu muyaayi wa Beori yamutivulira. Mwizurizi ivindu viakoreka kulogendo kutura mu hokososa ha Akakia kuzia mu Giligali. Mwizurizi ivindu yivi na muduuki kumanya agandaamukolera kunangwa inzi nduuki kumuhonyia.”

Kwidzulitsa 22:24

hene yaho vombi valahirwa ichova wi lidaala na valaswe amagina, vakuzi. Mukaana alakuza kigira siyaakuba zikwiri akonywe kali niyaali mu lidaala mba. Kandi musaza alakuza kigira yonogonyi mukali wu musaza wundi. Munzira yiyi, mulatuliza uvudamanu yivu hagati hinyu.

Kwidzulitsa 33:21

Vivugulira aveene mu kivala kilahi ligali kuvita.”

Vakalagi 11:40

ndi avakaana va Isiraeli vazizaa vuli muhiga kusioma umukana wa Jefuza mu Gileadi, madiku gane.

Vakalagi 5:8

Lwa vandu va Isiraeli vaatovora vanyasaye vageni uvulwani vwaduuka mu virivwa via madaala manene, sihaaliho nikuuti anoho litimu vialoleka mba, ku vandu zielefu arubaini.

1 Samweli 12:7

Kalunu singiri aha muveeye, na inzi ndamuyaala imbiri wa Yahova ku limwizuliza vindu vilungi viezingulu viosi via Yahova yakola kohonyia munyi na vaguuga vinyu.