Vakalagi 4:21 - KITABU KITAKATIFU

²¹ Sisera yaali naluhi ligali, nayaatanga kogona. Maku Jaeli yavugula inyundu harara ni kivambo chi lihema, naanyenyeka, nazia naduuka hayaali naagoni, ma namwiita lwa yamuduya ni kivambo ku mutwi gwigwe nikifudulanyia kuduuka hasi mumalova.

Vakalagi 4:21 ပူးပေါင်းရင်းမြစ်များ

Zaburi 3:7

Hamba O, Yahova! Ombonyie, O, Nyasaye wange! Haana mageri ku vasigu vange vosi na uvaleke vugira zinguru ziu kusaliriza.

1 Vakorintho 1:19

Amang'oda Matakatifu gavoora, “Ndadiviza ovogeri vwa vageri, kandi ndaviika halovega limanyiriza lia yavo vi lisoma linyingi.”

1 Vakorintho 1:27

Navuzwa Nyasaye yatovola ivindu vie lirova liganaganaa kuva uvusiru, aduuki kuhaana zisoni ku vageri. Nyasaye yatovola ivindu vie lirova liganaganaa kuva videdekere aduuki koleganyia yavo avaveeye nizinguru.

Vakalagi 15:15

Maku yanyoora ikigumba chu lusaya chibunda iyaali nikuzi. Yinama hasi nakedola, na yita avandu 1,000 nacho.

Vakalagi 3:21

Ehudi yanyira umukono mumosi gwigwe, nasomola ikivavi chiche kutura kuvazwa yumukono mulungi gwigwe, natooza Egiloni mundu.

Vakalagi 3:31

Inyima wa Ehudi, uwalonda mu vwimiliri yaali Shamugari, mwana wa Anazi, uwaasola vandu va Isiraeli, maniyiita vandu va Filisitia miasita natumikira uludanga ulwugi lwi zigiriki.

Vakalagi 4:20

Maku Sisera yamuvolera, “Singira ha muliango gwilihema, niiva umundu woosi alaza koteeva niiva mbeeye mu, umugaye.”

Vakalagi 4:22

Lwa Baraka yaza niyenya Sisera, Jaeli yatura nazia kumwaganira, namuvolera, “Hamba hano! Ndakumanyia umundu wawenyaa.” Yingira mu na Jaeli, kandi yanyoora Sisera naagoni hasi nakuzi, ni ikivambo chi lihema nikifudulanyi umutwi gwigwe kuduuka mumalova.

Vakalagi 4:9

Debora yativura navoora, “Ligali ndazia harara nivi; nitali uvukumi sivulava harara nivi mulogendo lulwo mba, kigira Yahova alahaana Sisera mu mukono gwu mundu mukali.” Maku Debora yaatanga logendo kuzia na Baraka kuzia Kedeshi.

1 Samweli 17:43

Yavolera Daudi, “Imbimbu yeyo ni yaaki? Uganaganaa inzi mbeeye imbwa?” Na yaleeta vilaamo kutura ku vanyasaye va Vafilisitia viduuki ku Daudi.